Süderbrarup

Weiß vun Eych irgendeiner, wu Süderbrarup leyt?? Ich kann's Eych sage: Des isch ä Kaff zwische Kiel unn Flensburg, also kurz vor de dänische Grenz (was ma am Name jo schun het ahne kinne...). In de Region Angeln, um genau z'sii, do wu au de Ursprung vunn de "Angelsachse" in England isch!
Sowitt 's mich betrifft isch 's einzig Erwähnenswerte an Süderbrarup de Bahnhof, un zwar will er in de nähere Umgebung de einzige isch. Unn ich bin offensichtlich nit ällei mit derre Meinung: Selbscht die offiziell Websytt vun Süderbrarup fokussiert sich uff de Bahnhof, gugge do:


Als ich Zivi war, do hab ich ä Freundin in Kappeln an de Schley (quasi an de Oschtsee) g'haa. Unn will ich dann dert obbe minner Erschtwohnsitz ang'meldet hab, hab ich mit de Bahn koschtelos durch ganz Ditschland dert nuff fahre kinne.
So bin ich dann alli zwei, drey Woche fir ä verlängert's Wocheend an d'Oschtsee g'fahre. Erscht im Liegewage (het nur 8 Mark Uffschlag g'koscht, dertmols) bis nach Hamburg. Des war immer richtig faszinierend fir mich, wenn de Zug morgens zum Uffwache am Hafe lang nach Altona g'fahre isch! "Hamburg, Welthafen", wie's bi'm Janosch inn'ere G'schicht' so scheen heißt.
Vun dert dann mit'm Regionalzug nach Kiel, unn dann nochmol umstiige in d'Bummelbahn Richtung Flensburg, mit Ziel: Süderbrarup!
Sowitt ich mich erinnere kann bin ich in der ganze Zitt nit ein einzig's Mol in Süderbrarup selber g'sii. Ich bin immer abg'holt unn direkt nach Kappeln g'fahre worre. Unn wenn ich mir die Name vun de Dörfer in de Großg'meynd Süderbrarup so anschau, dann bin ich au ganz froh drum: Dollrottfeld, Saustrup, Ulsnis, Wagersrott, Scheggerott...

SEHR exotisch, findet
De Bischemer

D'Ortenau vun wittem (11)

's Herbschte isch in Oberschopfe jo in vollem Gang. Unn wenn ich des Foto in dem Zittungsartikel sieh...


... dann fallt mir widder ii, wie ich als Büä nooch de Schüäl oft in de Annahmestell vun de Winzerg'nosseschaft mit g'holfe hab, die Bottich mit de Triibel vun de Winzer-Bulldogs üss- unn widder uff die Laschtwage uff z'lade, die wu die ganze Bottich dann nach Breisach in d'Zentralkellerei g'fahre hänn.
Manchmol war des ä ganz scheeni Schufterei, vor allem, wenn's an einem Dag viel Bottich ang'liefert worre sinn unn nit gnüä Laschtwage rechtzittig zum Furtfahre do ware. Dann hämmer die ganze Bottich uff Palette in de Hall verteilt, um sie dann später wieder mit'm Hubwage z'hole unn uffz'lade, wenn de nägschde Laschter endlich üss Breisach z'ruck war. Mir hänn sie also statt zweimol viermol rumwuchte miän.

Aber Spaß het's trotzdem g'macht, meynt
De Bischemer

Summer adé!

So, des hesch Dü jetzt dävun,
Allzu lang hesch Dü Dich ziert,
Wochelang wart ich jetzt schun,
Dass mit Dir des noch was wird!

Geschtern ging's mit Dir zu End,
Richtig toll bisch eh nit g'sii.
Dass ma Dich noch "Summer" nennt
Isch jo fascht schun Ironie!

Ja, okay, des Badewetter
Isch jetzt nit Di'n einz'ges Maß,
Aber so ä klei 'weng netter
Wär schun scheen g'sii, so zum Spaß!

Viel z' oft Rääge isch zwar schade,
Unn "nur" nervig, aber die
Ganz vergammelten Tomate
Die verzeih ich Dir ECHT NIE!

Schau der Herbscht, wie der jetzt startet,
Richtig "golden" kummt er her
Des hätt ich vun Dir erwartet...
Abgehakt, es fällt nit schwer!


Isch jo aber au wohr, grantelt
De Bischemer

IAA unn InterBack

Geschtern ware Sandra unn Lukas uff de IAA. Zum Glück hänn sie ä Fahrer dert hin g'funde, sunscht wäre mir wahrschiins morge mit de ganze Familie hin 'gange. So aber ware sie mit Luki's Freund unn dem sinnem Vatter in Frankfurt, unn ich hab mir des erspare kinne.
Ich bin do jo wohl echt ä Üssnahm unter de Männer. Des ganze Brimborium um die Blechkischte interessiert mich kei Stück! Ich hab sogar (scherzhaft) g'sayt, dass ich dann als Ersatz mit de Lea zu de "InterBack" gehn wirr (de "Fachmesse für Backtechnologien und neue Rezepte")... Falls es die irgendwann mol echt gää sott. Ansonschte halt zur "Anuga" (isch demnägscht eh in Köln) oder zur "Grüne Woche" nach Berlin...
Unn wie erwartet hänn die vier eh nit viel g'sähne uff de IAA. Lukas unn Julius hänn in alli Audos nii hocke welle, unn entsprechend langsam sinn sie durch die Halle kumme. Do hätt's wahrschiins au g'langt, wenn mir mit'm Lukas zu 'nem Gebrauchtwagehändler g'fahre wäre... Aber wenigschtens het er Spaß g'haa!

Aber frooge nit, wie miäd er hitt isch, stüümt
De Bischemer

Wenn's doch nur so eifach wär...

Kürzlich simma am Frühstücksdisch z'sämme g'hockt, unn irgendwie isch 's Thema uff "Libyen" kumme. Folgender Wortwechsel het sich ergää (allerdings nit komplett uff badisch ...):

Lu: "Jetzt miän ma nur noch in Libyen denne Ghaddafi loswerre!"
Ich: "Ja, aber erscht müäß ma ihn mol finde..."
Lu: "Ich glaub, der versteckt sich irgendwo in denne große Halle, wu die ganze Audos rumstehn. Unn wenn ma ihn g'funde het, dann kann ma ihm nit dem Erdöl vollspritze, do git's nämlich ganz viel in Libyen!"
Le: "Ja, oder ma kann ihn einfach mit Gras bewerfe, dann kann er au nix meh mache!"

Ja, so eifach isch die Welt wohl in Kinderauge!

Kinder an die Macht, sayt nit nur de Grönemeyer, sondern hitt au
De Bischemer

De erscht isch druss!

Endlich! Fascht zwei Woche lang het's düürt. Aber am Samschdig isch 'em Lukas de erschte Milchzahn rüss g'keyt! D'ganz Zitt het er g'wackelt, het sich fascht waagrecht biege lehn, aber üssfalle het er nit welle. Unn am Saschdig morge, kurz nooch'em Uffstehn, isch er quasi sang- unn klanglos rüss kumme.
Wenn ich mich richtig erinner, dann war des au de allererschte Zahn, den de Lu vor fascht fünf e'halb Johr bekumme het. Bii de Oma Irene isch's g'sii, wu ma bi'm Trinke 's erschte Mol des Zähnli am Wasserglas klinge g'heert hänn! Bis do hin het er jo immer nur uff de weiche "Felge" g'kaut ;-)
Jetzt sieht de Lu mit dere Zahnlück üss wie so ä kleiner Seeräuber, aber in dem Alter isch des jo normal. Unn de zweite Zahn wackelt au schun.

Er wird groß, unser Büä, weiß
De Bischemer

Nordischi Rapsfelder

Ich hab jo mol etwa ä Johr lang in Nordditschland g'lebt. In Schleswig-Holstein unn Hamburg. Die Zitt, wu ich in Hamburg Praktikum g'macht hab, die war jo eh phänomenal! Zum eine isch Hamburg eh minni Lieblingsstadt in Ditschland, unn zum andere hab ich in dem halbe Johr enorm viel Zitt g'haa, umm so güät wie jeden Winkel in Hamburg z'erkunde!
's Einzige, womit ich als sunneverwöhnter Badener nit z'recht kumme bin, des isch's Wetter... So frisch, unn immer widder Rääge... des isch nix fir mich! Ich hab (im Spaß) immer g'sayt: Wenn de Klimawandel mol so witt isch, dass in Hamburg Palme wachse kinne, dann ziäg ich do hin! ;-)
Was mir aber am meischte im Sinn bliebe isch, des isch ä anders Bild vun Nordditschland: Wenn ich nämlich im Summer mit minnere Ent' so vun Hamburg nach Kappeln oder z'ruck "g'floge" bin, dann hänn sich oft unter dem sattblaue Himmel kilometerwitt die gääle Rapsfelder g'spannt! DES is ä Farbkombination, kann ich Eych sage! Des wirkt halt au nur mit dem nordisch Licht so richtig!
Aber wenn dann im nägschde Moment die graue Rägewolke übber de Felder hänge, dann isch's widder lätz mit Farbe...

Ma müäß halt de Moment genieße, weiß
De Bischemer

Shakira unn's Goldmuseum

Anno zweitausend war ich jo in Ecuador. Abstand vun minnem "alte Lebe" g'winne. Unn uff'em Rückflug hab ich ä knapper Dag lang Zwischestop in Bogota g'haa.
Was hab ich dertmols Schiss vor Kolumbien g'haa... Ma het jo au nix üsser Kokain, Drogekartell unn Kriminalität dävun g'heert! Entsprechend hab ich au gar nit vorg'haa, an dem Dag viel z'mache.
's einzig Güäte, was ich mit Kolumbien in Verbindung broocht hab, des war d'Shakira. Unn zwar lang schun, bevor sie bii uns mit englische Lieder populär worre isch. Dertmols war sie in Südamerika schun ä Star mit ihre spanische Lieder, unn die g'falle mir au hit noch besser als die neye, englische Sache...

Aber in Ecuador hab ich dann ä Frau üss England troffe, die het mir so vun Bogota vorg'schwärmt unn mir güäti Tips fir Ibbernachtung unn Sightseeing gää. Also bin ich in Bogota mit'm Taxi direkt ins Platypus-Hostel g'fahre (obwohl, wie vorherg'sayt, de Fahrer mich zu 'eme andere Hotel het lotse welle), unn hab d'Nacht zwische koksende unn kiffende Rucksackler verbroocht.
Am Morge dann bin ich direkt in's Zentrum vun Bogota g'laufe (echt scheen, die Stadt!) unn ins Goldmuseum nii!
BOAH! Unglaublich faszinierend, was do vum alte Inka-Gold noch rumleyt! Als Höhepunkt wird ma am End einzeln in ä dunkler Raum g'führt, unn nooch unn nooch gehn immer meh Lichter an, bis ma am End mitte in 'eme Lichtermeer inmitte vun unvorstellbare Goldschätz steht! Ebbis Scheener's kann ma sich küüm vorstelle, kann ich Eych sage!


Was war ich froh, dass ich denn Tip bekumme hab, des war nämlich einer vun de Höhepunkte uff minnere ganze Reise!

Ach, was isch die Welt so scheen, findet
De Bischemer

D'Arche lebt!

Do schau her...!
Hab ich hitt doch tatsächlich ä email kriegt, dass ebber minni Websitt ibber d'Arche g'funde het. Unn die het mir verzehlt, dass es tatsächlich ä Facebook-Sitt "In Memory of Arche Waldkirch" gitt!


Unseri güät, alt Arche isch tatsächlich im Web 2.0 ang'kumme, däd ich mol sage...!

Des isch doch ä güäti Noochricht zum Wocheeend, findet
De Bischemer