Donnerstag, 26. Februar 2015

Miami Vice

Hänn Ihr friäjer au so gern "Miami Vice" g'schaut?
Mit Don Johnson alias "Sonny Crockett"... Ich weiss nimmi, wer sinner Kollege "Ricardo Tubbs" g'spielt het, aber unser Lieblingsspruch war langi Zitt "Sonny Crockett unn Corega Tabs"...
Komischerwiis het bii denne "Miami Vice"-Folge d'Handlung immer direkt ang'fange, unn erscht nooch ä baar Minüte isch de Titelsong vum Jan Hammer g'loffe. 's Intro (heißt de bii'ere Serie eigentlich so?) mit Neonfarbe, Meer, Flamingos unn Palme het mir immer Luscht g'macht, au mol nooch Florida z'gehe.

Es war in denne Folge immer b'sunders scheen, die Stränd' unn Architektur vun Miami Beach z'sähne. Aber erscht, wu ich selber mol dert war, hab ich ä richtiger Bezüäg däzüe g'haa. Dann war's richtig spannend, z'roote, wu sich die zwei Bolizischte grad befinde.

Typisch war nadierlich der Klamotte-Stil vun Crockett unn Tubbs, wie sie mit Anzüg unn T-Shirt, Slipper unn Ray Ban Brille rumg'rennt sinn. Wenn's mir nit z'popperhaft g'sii wär, hät ich mir echt iberlege kinne, mit'eme Sakko rumz'laufe, aber des hät dann wahrschiins doch nit zu mir basst, grins...

Irgendwänn später het's au mol ä "Miami Vice"-Kinofilm gää, der het mich dann aber schun längscht nimmi interessiert.


Aber Miami selber schun, weiß
De Bischemer

Montag, 23. Februar 2015

Esse im Urlaub (9)

Was ich zum Frühstück esse kann unn will, des hängt jo ziemlich stark dävun ab, wie üssg'schloofe ich bin.
Unter de Woch, zum Beispiel, wenn mich de Wecker (grad jetzt im Winter) noch im Dunkle weckt, dann isch minner Mage am Frühstücksdisch au noch nit wach. Dann geht nur Siäßes an mich. Also Müsli, Schlecklibrot, Hunnig oder Ähnliches.
Wenn ich aber üssg'schlofe bin, wie am Wocheend oder im Urlaub, dann därf's gern au mol herzhafter sii. Obwohl - selbscht dann fang ich eigentlich immer mit ebbis Siäßem an, dänooch ess ich aber au gern ä Wurschtbrot, Eier mit Speck, Lachs oder so ebbis.

Was uns aber in Irland im Urlaub als Frühstück serviert worre isch, des war dann sogar fir minner üssg'schloofene, erholte Urlaubsmage z'viel:
Z'erscht nadierlich Eiern unn Bacon, do war ich jo noch däbii. Aber wissi Bohne mit Tomatesoß unn scharfe Würschtli däzüe, des war schun grenzwertig. Ganz uffg'heert het minner Appetit dann bii'm sog'nannte "Black Pudding". Des issch Blüätwurscht, in Schiibe g'schnitte unn an'broote!

Ich hab noch dann entsprechend an Rührei, Toast unn Schleckli g'halte, während sich d'Sandra umso lebhafter ibber die andere Sache herg'macht het.
De einzige Vorteil an so 'eme Frühstück isch, dass ma de ganze Dag quasi kei Hunger mehr het.

... oder eifach kei Appetit, schmollt
De Bischemer

Donnerstag, 19. Februar 2015

D'Ortenau vun wittem (40)

Jetzt git's also kei Krampfert-Wurscht meh... Do isch jetzt tatsächlich mol ä Ära z'End gange, kann ma mit Fug unn Recht behaupte!

Fir mich selber isch des eigentlich gar nit so relevant.
Dertmols, wu ich noch in Lohr uff d'Schüäl bin, oder wu ich während'em Zivildienscht in Lohr unterwegs war, do bin ich nämlich nur ab unn züä an die Wurschtbud' uff'em Märktplatz gange.
Wenn ma's g'nau nimmt, dann war die Krampfert-Wurscht fir mich sogar später, wu ich nimmi in Oberschopfe g'wohnt hab, wichtiger als vorher. In de letschte Johre bin ich nämlich mit de Kinder dert immer mol widder ä Wurscht esse gange, eifach so "üss Lohrer Tradition".

Wenn ich im Gegesatz däzüe an de Kai denk...
Der het jo in Lohr g'schafft, unn fir denne ware die Binders im Wurschtstand so ebbis wie de Standard-Mittagesse-Lieferant.
Jedes Mol, wenn ich ihn im Lade b'süacht hab, dann isch er mit mir d'Märktstrooß nunder g'loffe, umm ä Currywurscht, Pommes oder ä Hamburger z'esse. Oder alles z'sämme, wenn er richtig Hunger g'haa het...

Aber au de Kai wohnt jo schun lang nimmi in Lohr. Ich bin gar nit sicher, ob er denne Wechsel im Wurschtstand ibberhaupt mitbekumme het. Viellicht gib ich ihm eifach mol B'scheid (oder er liest denne Artikel...)?


Unn dann schaue ma mol, was de Metzger Lehmann in Zukunft produziert, sinniert
De Bischemer

Montag, 16. Februar 2015

Nix wie furt!

Rosemontag - höchschter Meenzer Fiirdig. Unn wu hockt de Bischemer? In Oberschopfe!

Uns war dies Johr so gar nit nach Meenzer Fassenacht unn Rosemontagszug, darum hämmer beschlosse, dass ma des verlängerte Wocheend zu 'eme Üssflug ins Badnerland nutze.
Nadierlich git's do au die Fasent, aber des isch halt doch ebbis ganz ander's als der Üssnahmezüestand in Rhoihesse.


D'Umzüg sinn drey Nummere kleiner, d'Narregruppe sinn traditioneller, ma sieht iiberall Hexe unn Hääs, unn statt "Helau" rüäft ma mol widder "Narri - Narro".
Wenn ihr mich frooge: Grad de richtige Kompromiss zwische Fasentsverweigerung unn Vollgasfassenacht.


In dem Sinn: "Narri - Narro" rüäft
De Bischemer

Donnerstag, 12. Februar 2015

Werbung

Wu mir noch klein ware, do isch doch sicher weniger Werbung im Fernseh g'loffe, oder?

Uff jede Fall het ma sie aber besser üssblende kinne, will sie in denne baar Programme, wu mir g'haa hänn, immer nur zu feschte Zitte g'loffe isch.
So wie im "Zweite" immer in denne fünf Minüte vor de Noochrichte. Nadierlich scheen mit Mainzelmännli-Spots däzwische. Oder im "Erschte", wu's Äffli un 's Pferdli ihri Streiche g'spielt hänn. Darum hänn mir Kinder jo hauptsächlich nur Werbung g'schaut, gell?

Aber selbscht wenn's friäjer weniger Werbung war, so manchi Sache sinn eifach hänge bliibe:
Wer vun Eych kann sich etwa nimmi an d'Clementine vun Ariel erinnere, wie sie so kumpelhaft in de karierte Latzhos rumg'loffe isch?
Oder an de Herr Kaiser vun de Hamburg-Mannheimer (gaaaanz seriös!)?
Oder an d'Frau Sommer mit ihrer Föhnwelle unn 'em Päckli Jacobs Krönung, was sie immer grad zufällig mit däbii g'haa het?
Do het doch sicher jeder vun Eych gliich die Bilder vun de Litt im Kopf, oder?
Mit am schlimmschte, find ich, war aber die Tilly von Palmolive: "Sie baden grade Ihre Hände drin" - WAS SOLL DENN DER QUATSCH??

Aber au unni Mensche het ma so manches sofort 'kennt:
Denke mol an denne goldige Pillsbury Backboy. Dem hänn sie am End vum Spot immer mit'em Finger in de Büück piekst.
Oder an die riesig Wrigley's Kaugummi-Packung, wu immer ebber irgendwo unter'm Arm trage het...
Der Sunkist-Oraschesaft in Pyramideform müäß jo fir de Transport jo ä Katastroph g'sii sii, aber ich hab ihn g'liebt!

Nur die Werbung fir "Fa"-Seif, die hab ich quasi nie g'sähne... Soll ich Eych sage, warum? In denne Spots sinn nämlich immer die Fraue oben ohne in Zeitlupe am Strand rumg'rennt, unn do hänn mir minni Schwestere immer schnell d'Auge züehebe welle...

Echt gemein, findet
De Bischemer

Montag, 9. Februar 2015

Z'ruck in d'Zukunft

Kürzlich hämmer mit de Kinder alli drey Folge vun "Z'ruck in d'Zukunft" g'schaut.
B'sunders viel Spaß hänn die Kid dran g'haa, wie ma sich vor drießig Johr 's Lebe anno 2015, also hitz'dag, vorstellt:
Do kinne d'Bolizey-Audos fliäge, 's git Fingerabdruckleser statt Türklinke, d'Pizza wird im Miniformat g'liefert unn daheim re-hydriert, unn 's Faxgerät isch 's Standard-Kommunikationsmittel.
D'Klamotte, wu mir "jetzt in de Zukunft" anhaa solle, die sinn nadierlich au b'sunders schick! Selbstschnürende Schüäh wäre fir unseri zwei Bequemlinge grad passend, aber dass sich ä Jack' demnägschd selber trocke fönt, des glaube selbscht Lu unn Le nit!
Nur so ä Hoverboard, des wär genau 's Richtige fir de Lu, denk ich...

Unn ich will de Fluxkompensator, quengelt
De Bischemer

Donnerstag, 5. Februar 2015

Noch meh scheeni Wörter

Welle Ihr noch ä baar vun denne scheene badische Wörter sähne? Dann schaue do naa:

- Bohneschäfe - langi, griäni oder gääli Bohne zum Koche.
- Schnittlig unn Peterlig - die Krytter, wu ma in de Kuche am maischte bruucht.
- Haafe - de große Topf (zu Bohneschäfe koche, beispielswiis)...
- lang ma mol - schließlich wird im Badisch nicht "herüber gereicht"
- groddefalsch - aber so ebbis vun falsch au!
- wenn im Fall ebber ebbis g'macht het - klingt doch eifach scheen, oder?

Ihr kinne nadierlich au selber aktiv unn kreativ werre, unn mir mol ä baar vun Eyere Lieblingswörter schicke.

Ich däd mich freye, weiss
De Bischemer

Montag, 2. Februar 2015

Adé, Dreisamstadion!

Jetzt hänn d'Freyburger also ibber ä ney's Stadion abg'stimmt. Unn mit großer Mehrheit hänn sie entschiede, dass de SC Freiburg ä Neybau bekumme soll.
Fir mich isch des d'richtig Entscheidung g'sii. So kleiner Verein wie de SC brüücht halt eifach meh Züeschauer (unn b'sunders die VIP's, wu ä weng meh Geld springe lehn), damit er in de Bundesliga exischtiere kann.

Witzigerwiis hab ich de SC noch nie in'eme Heimspiel g'säne, sondern immer nur in Üsswärtsspiele. Meischtens nadierlich in Mainz, will ma do vun Bischem halt relativ eifach hinkummt.
Wenn ich 's jetzt noch schaffe will, in minnem Lebe mol den SC im Dreisamstadion z'erlebe, dann müäß ich mich ziemlich ranhalte, schiint's... Die Däg vum Dreisamstadion sinn jetzt jo 'zählt...


Unn sin Spiel g'wunne het de SC am Wocheend au noch, strahlt
De Bischemer