Déjà-vu zum erschte...

Wenn alles klappt (unn an ebbis ander's will ich im Moment gar nit denke), dann stehn mir hitt noochmittag widder in Alghero am Meer unn schaue im Sunneschiin uff 's Cabo Caccia!
Die fascht zweihunder Meter hohe, wysse Felse, wu do üss'em blaue Meer rüss stiige, die lehn jedes Mol min Herz widder höher schlage!

Bii unserm erschte B'süach in Alghero sinn d'Sandra unn ich jo sogar mit'em Fahrrad zum Cabo g'fahre, aber bequemer isch's halt schun mit'em Audo.
Ich bin mir zwar nit ganz sicher, aber wahrschiins simmer bii jedem Uffenthalt in Alghero au mindeschtens ein Mol dert hin g'fahre, um vun obe de Blick uff Alghero z'genieße, an denne steile Felse nunder unn nibber zu de Isola Foradada z'schaue, unn die schier endlos lang Trepp zu de Neptunsgrott' nunder (unn au widder hoch) z'laufe...
's Cabo Caccia isch halt eifach (nebe all denne Stränd) ä echter Höhepunkt im Alghero-Urlaub!



Unn des scheenschte: Dies' Mol hämmer ä Appartment am Stadtrand vun Alghero mit Meerblick, wu ma eigentlich vun de Terrass' üss 's Cabo Caccia sähne miäßt... Ich bin echt g'spannt!

Unn ibber des zweite "Déjà-vu" verzehl ich Eych wahrschiins nägschd Woch, verspricht
De Bischemer

Die Drey vun de T(r)ankstell

Dass minni zwei Kumpels unn ich uns mit "Frosch unn Borg" güät verstande hänn, des hab ich Eych schun verzehlt. Aber wie mir dann sogar ä Hörspiel fir sie g'schriebe unn produziert hänn, des verzehl ich Eych jetzt:

In unserem Malaysia-Urlaub ware ma jo nur ä baar Däg mit denne zwei Maidli z'sämme g'sii. Unn trotzdem hänn sich bii ihne wohl so ä baar Sache vun uns ii'prägt. Zumindescht hänn sie uns des dänooch immer mol widder so verzehlt. Unter anderem, dass bii'm Kai "de Mage wie züe" isch, wenn er viel esse soll, unn dass de E.T. oft "an Gotha in Thüringe" denke müäß. Ich glaub, bii mir war's b'sunders de Begriff "des isch", was fir sie ä richtiger Zungebrecher war. Irgendwie hänn sie nämlich fascht immer "Desch iss" g'sayt, wenn sie unseri badisch' Sprooch imitiere hänn welle.

So simmer dann üss Langwiil irgendwänn uff d'Idee kumme, dass mir ä Hörspiel mit denne Sprüch fir sie uffnemme kinnte. De Titel war schnell g'funde: "Die Drey vun de Trankstell"!

's het uns ä ganzer Sunndig Noochmittag koscht, die G'schicht z'schriibe unn mit'em alte Kassetterecorder stückliswiis uffz'nemme. B'sunders, will mir au Frosch unn Borg in de G'schicht mit drin g'haa hänn, unn sobald einer vun uns die Maidli-Stimme imitiert het (Frosch het logischwiis immer "Quaack" sage miän), hänn d'andere beide sofort z'lache ang'fange. Was hänn mir fir ä Spaß g'haa!
Sowitt ich mich erinnere kann isch des Kunschtwerk dann aber au entsprechend wohlwollend uffg'numme worre, wu mir's bii'm nägschde B'süach in Hamburg präsentiert hänn!

Irgendwu hab ich daheim sogar noch die Müssig-Kassett mit derre Uffnahm rumleye. Eigentlich miäßt ich die jo endlich mol digitalisiere (unn fir d'Zukunft archiviere), aber ich trau mich gar nit so richtig, do noch emol dran z'gehn. Uff de andere Sitt isch's wahrschiins so schlecht, dass es eigentlich schun widder kultig isch...

Echt ä schweri Entscheidung, findet
De Bischemer

Esse im Urlaub (10)

D'USA sinn jetzt jo nit grad ä so klein's Land, dass ma 's ibber ei Kamm schere kinnt. Landschaftlich nit, kulturell nit, unn kulinarisch schun gar nit.
Ma kann zwar des "klassische amerikanische" Fastfood iberall bekumme, aber so richtig typisch amerikanisch isch des nit, find ich.
Darum konzentrier ich mich jetzt emol uff Arizona. Dert, oder g'nauer g'sayt in Tucson, hab ich inzwische jo schun ibber ä halb's Johr g'wohnt, wenn ma die ganze Dienschtreise z'sämme zehlt.

Bii'm allererschte Mol, wu ich fir sechs Woche dribbe war, isch ä Kolleg (unn güäter Kumpel) vun mir mit dert g'sii.
Abenteuerluschtig, wie mir g'sii sin, hämmer uns nadierlich so güät wie jede Obend ä neiji "Beiz" g'süacht, wu ma 's Esse probiere kinne. Mir sinn so witt in Tucson rum kumme, dass sogar die einheimische Kollege oft nit g'wisst hänn, wu des Restaurant isch, vun dem mir am nägschde Morge verzehlt hänn.
Nadierlich hämmer uns vun ihne au einigi Tips gää lehn, damit ma die güäte Plätz nit verpasse. De beschte Mexikaner, d'beschte Burger, Sushi nadierlich - mir hänn uns kryzz unn quer durch d'international Speisekart g'futtert.

Drey Plätz aber, die sinn mir vum "untere End vun de Skala" bis hitt im Kopf hänge bliibe:
1. Die Fastfood-Kett namens "Wienerschnitzel", wu's gar kei Schnitzel, sondern nur Hot Dogs git. Unn was fir schlechti!
2. De wahrschiins schlechteschte Mexikaner vun Tucson, mit Plaschtikdisch unn -stiähl an de Hauptstrooß - do het au Tequila nix meh rette kinne!
3. "Greasy Joe's". Ä Italiener, wu entweder als Seriekiller berühmt werre het welle, oder noch nie ä italienisch's Kochbüach uffg'schlage het! Porca miseria!!

Im Große unn Ganze war's aber fascht immer lecker, unn im Zweifelfall hänn ä paar Bierli hinterher am Hotelpool des Ganze widder rüss g'haue!


Ich däd au gern mol widder hin, sinniert
De Bischemer

Geha oder Pelikan?

Ganz selte het sich jo friäjer (züe minnere Schüälzitt) d'Welt so in zwei Lager 'teilt wie bii de Froog, welcher Füller ma het. Entweder ma het de Pelikan-Füller im Mäppli g'haa, oder ebbe ä Geha (mit Reservetank!).
Ich selber hab jo nie ä Geha b'sesse, sondern vun Anfang an ä "Pelikano". Darum bin ich jetzt gar nit sicher, ob's bii denne Geha's au die Patrone-Kügili gää het - weiß des einer vun Eych noch??
Die Kügili ware in mancher langwiilige Schüälstund d'Rettung, wenn ma mit'em Disch-Noochber Füäßball mit zwei Geo-dreyecke spiele het kinne. Aber so unufffällig die Kügili au ware, sobald ma sie üss Versähne vum Disch runter g'schosse het, unn des Kügili ibber de Bode g'hopst isch, dann isch's garantiert de halbe Klass (unn 'em Lehrer) uffg'falle, dass ma sich grad mol widder mit ebbis komplett anderem als 'em Unterricht b'schäftigt het...

So etwa in de achte, niinte Klass war dann aber irgendwänn nimmi d'Marke vum Füller relevant, sundern 's Design. Ich kann mich noch d'ran erinnere, dass ich ziemlich lang ä gääler Füller mit schwarzem Fleckemuschter g'haa hab. Ob's jetzt ä Giraffe- oder ä Leoparde-Design war, des kann ich nimmi sage. Aber er war uff jede Fall unverwechselbar!

Info am Rand: Witzigerwiis (unn des war uns friäjer nadierlich nit bewußt, het uns aber au nit interessiert) kumme beide Füllermarke üss de selbe Stadt. Üss Hannover nämlich. Inzwische het Pelikan Geha g'schluckt, aber so wirklich relevant isch des au nimmi, wenn ich mol in d'Mäppli vun minnene Kinder lüäg - Do find ich alles, aber kei Pelikano meh...!

Eigentlich schad, findet
De Bischemer

Wuanderscht g'lese(20)

Wie kinnt's au anderscht sii, hit hab ich widder mol ä Websitt zum Thema "Verreise" fir Eych:

Ibber Oschtere fliäge mir dies Johr widder uff unser geliebt's Sardinie, sodass der Urlaub widder mol so ebbis wie "Heimkumme in de Ferne" sii wird.
Unn will mir inzwische schun zum siebte oder achte Mol in Alghero sinn, kenne mir au d'meischte Sehenswürdigkeite in de Umgebung. B'sunders nadierlich d'Strände, obwohl ma sogar bii'm letschte Urlaub noch zwei Stränd' entdeckt hänn, bii denne mir friäjer noch nie g'sii sin.
Ganz b'sunders frey ich mich aber au uff die Städtli, wu's in de Umgebung vun Alghero git, unn zu denne ma so scheeni Üssflüg hin mache kann. Wie Bosa, zum Beyspiel:



Do het sogar kürzlich de Lu g'sayt dass er do mol widder hin will, will's ihm dert 's letschte Mol so güät g'falle het.
Trotzdem süach ich nadierlich immer widder nooch Informatione, was ma uff Sardinie denn noch so mache kann, sähne sott oder eifach erlebt haa müäß. Unn do bin ich uff de Blog Pecora nera g'stoße. Des heißt jo soviel wie "schwarzes Schoof", was fir ä Websitt ibber Sardinie ziemlich passend isch, find ich.


Do git's nit nur Informatione ibber d'verschiedene Regione vun de Insel, sondern au Veranstaltungstips, Hintergrundinformatione unn G'schichtli rund im Sardinie.

Wenn Ihr also an Sardinie interessiert sinn (unn b'sunders, wenn Ihr noch nit an Sardinie interessiert sinn), dann sotte Ihr umgehend die Sitt b'süache!

Dann wird Eych Sardinie au packe, glaubt
De Bischemer

Kei flotter Dreyer

Wenn ich mit'em Rucksack uff Tour war, dann bin ich eigentlich immer ällei oder z'zweit unterwegs g'sii. Nur ein Mol, do hämmer ä Rucksackurlaub z'dritt g'macht.

's war in derre Zitt, wu ich zwar in Siegen g'schafft hab, aber mindeschtens jedes zweite Wocheende nooch Oberschopfe g'fahre bin unn mich mit minnene Kumpels troffe hab. Meischtens in Lohr im "Pub", des war zu derre Zitt unseri klari Stammkneip.
Unn bii so 'eme Obend im Pub, zwische Bier, Billard unn Kicker, sinn de E.T. unn ich uff die Idee kumme, z'sämme nooch Malaysia z'fliäge. Mit'em E.T. war ich im Johr dävor schun in Chile / Argentinie g'sii, unn des het eigentlich ganz güät harmoniert.
Die Idee mit Malaysia hämmer dann au 'em Kai verzehlt, mit dem ich schun vorher zweimol in Urlaub war - unter anderem sechs Woche lang durch Australie. Er war sofort Fiir unn Flamm fir die Sach! Mir hänn uns alli drey super verstande, also war die Entscheidung liicht, dass ma diesmol z'dritt in Urlaub fliäge.

Schun de Anfang vun dem Urlaub war chaotisch, will ma ä halber Dag lang in Frankfurt uff de Fliäger hänn warte miän. Immerhin hämmer do däbii Frosch unn Borg kenne g'leert (aber die G'schicht hab ich Eych do schun verzehlt...)
Zwei Dag lang simmer dann mit denne zwei Maidli in Singapur z'sämme g'sii, aber schun dert het sich andyttet, dass drey Männer (unn zwei Fraue) kei güäti Mischung isch. Unn bii derre Tour durch Malaysia isch's dann immer öfter bassiert, dass ma in'ere "zwei gege einer"-Situation g'landet sinn.
Strand oder Wandere?? Fast Food oder Garkuchi?? Lang schloofe oder friähj uffstehn?? Rechts rum oder links rum?? Irgend einer het also permanent de Kürzere 'zoge... Unn bleederwiis (so hab ich's wenigschtens noch im Kopf) bin ich dann meischtens derjenige g'sii, wu zwische denne Vorschläg vun de andere zwei het entscheide miän. NERVIG!

Ich will jetzt allerdings au kei falsches Bild mole: Im Große unn Ganze war der Urlaub nadierlich klasse - wie kinnt's au anderscht sii, bii drey so güäte Kumpels... Aber am End ware mir uns alli drey einig, dass ma zwar güät mit enander üsskumme, dass ma aber definitiv nie meh so ä Urlaub z'dritt unternemme werre.
Unn wenn ich jetzt nooch ibber zwanzig Johr dribber räsonnier, dann merk ich, dass in de Zwischezitt keiner vun uns mit 'eme andere vun uns je widder ä längerer Urlaub g'macht het!

Sache git's, wundert sich
De Bischemer

Acht Johr!

Schun widder Kindergeburtsdag!
Vor acht Johr isch unser kleiner Fisch üss'em Wasser g'schlupft. Allerdings kinnt ma inzwische glaube, dass sie vum Sternzeiche ehnder Widder sii miäßt - so dickschädelig, wie sie isch. Immer mit'em Kopf durch d'Wand, unn wenn ma ihre sayt, dass sie ebbis falsch g'macht het, dann wird sie umso bockiger!

Uff de andere Sitt kann sie jo au so herzlich, charmant unn siäß sii, dass sie jeden (unn b'sunders mich nadierlich) um de Finger wickelt... Vädder unn Döchter halt - wer vun Eych selber ä Dochter het, der weiß wahrschiins, wovun ich red.

Uff jede Fall bin ich froh, dass es sie git. Unni sie wär unseri toll' Familie (oder 'Famüllie', wie die Öschtricher so gern sage) eifach nit komplett!

Alles Güäte zum Geburtsda, Le, singt
De Bischemer

Wuanderscht g'lese(19)

Einigi vun Eych wisse jo, dass ich emol fir ä halb's Johr in Hamburg g'wohnt hab, wu ich 's Praktikum fir min Studium absolviert hab.

Hamburg isch fir mich eifach d'scheenscht Stadt in Ditschland! Mir isch nur nit so ganz klar, was do Ursache unn was Wirkung war. Also - hab ich dert 's Praktikum g'macht, will's minni Lieblingsstadt isch, oder isch's minni Lieblingsstadt, will ich während 'em Praktikum so viel erlebt hab?? Wahrschiins beides...
Ich hab sogar mol g'sayt: Wenn de Klimawandel so witt isch, dass in Hamburg Freyburger Wetter herrscht, dann ziähg ich endgültig dert hin...!

Uff jede Fall hängt min Herz ziemlich an derre Stadt, unn entsprechend scheen find ich's, Diskussione unn Informatione ibber Hamburg im Internet z'verfolge.
In dem Sinn will ich Eych hit ä Comic ans Herz lege: Hamburg unter sich. Also nit 'Hamburger', sondern 'Hamburg'... Wenn Ihr uff de Link klicke, verstehn Ihr sofort, versproche! Unn fir alli, wu ä weng Noochhilfe vertrage kinne, git's do ä Lischte vun denne ganze Hauptdarsteller :-)


Hanseatisches Schmunzle wünscht Eych
De Bischemer

50 Shades of bunt

Im Moment isch Masochismus jo wohl ziemlich g'froogt. B'sunders in de Bücherey unn im Kino. Ich sag nur: Fifty Shades of Grey...
Ich persönlich kenn jo sowohl 's Büach als au de Film nur vum Höresage, aber ich däd Eych hit gern mol minni eigene Maso-Lischte präsentiere:
Es geht drum, wie ma als Vadder (oder Müdder) eigentlich au masochistisch veranlagt sii müäß, um des ganze Theater mitz'mache. Also, hit git's "Fifty Shades of kunterbunt":

- Ma isch Koch, Butzfrau, Animateur, Krankepfleger, Chauffeur, Werkstatt, Sündebock unn noch viel mehr in einem. Unn des au noch freywillig.
- Ma heert de ganze Dag lang nur noch Conny statt The Cure, Bibi Blocksberg statt Beatles , Bob de Baumeischter statt Bob Marley unn Rolf Zuckowski statt Rolling Stones.
- Ma süächt 's Restaurant zum esse gehn nimmi dänooch üss, uff was ma Luscht het, sondern ob d'Kinder dert so lang Rüäh gää werre, damit ma ibberhaupt sin' Esse fertig esse kann.
- Ma git ä Heidegeld fir Klamotte üss, die entweder bii'm erschte Anziehge ä Loch bekumme oder vor 'em zweite Anziehge schun z'klein sin.
- Ma verzichtet johrelang uff Schloof, unn wenn ma obnds mol "frey" het, dann isch friäh ins Bett gehn spannender als Disco oder Kino.
- Ma versüacht, sinni Kinder zu anständige Mensche z'erziehe, wird aber regelmäßig vun ihne provoziert unn in de eigene "güäte Kinderstubb" rüssg'fordert.
- Ma begibt sich freywillig in ä Johrzehnti-langi "kulturfreyi Zitt", will Theater, Kino etc. wege de Babysitterkoschte quasi unbezahlbar isch.
- Ma süacht de Urlaubsort nit nooch kulturelle oder landschaftliche Höhepunkte üss, sondern nooch Familiezimmer unn Spaßbad-Züegang.
- Ma dappt morgens ganz verschloofe unn barfüäß in Lego-Stei' nii, wu ma selber fir viehmäßig viel Geld kauft het.
- Ma verliert de Anspruch uff Privatsphäre im eigene Hüüs.
- Ma erlebt "einsyttiger Sozialismus", wu d'eigene Sache jedem g'heere, d'Kindersache fir einen selber aber tabu sinn.-

Jetzt heer ich lieber uff, bevor ich an minnem eigene Verstand zwiifel... Wer vun Eych Kinder het, der weiß jo eh: Egal, wie arg ma sich am Dag uffregt, ärgert oder wie g'stresst ma isch vun denne Kleine - sobald ma sie im Bett leye unn schloofe sieht, kinnt ma grad noch mol eins produziere...

...wenn ma nit so hundselend miäd wär, gähnt
De Bischemer