Elf Uhr elf!

Elf Uhr elf, die magisch Zitt!
Es geht los, es isch so witt!
Dert in Mainz, uff uns're "Lu"
Git hit keiner mehr ä Ruh!

Alti, Jungi, Mann unn Frau,
Eifach jeder weiß genau:
Jetzt geht's widder richtig rund!
Alli trage vierfarbbunt!

Alles schunkelt, singt unn lacht,
's isch nur ein Mol Fassenacht!
So, ich glaub, Ihr sinn im Bild:
D'nägschde Däg, die werre wild!

Wenn ich uff die Uhrzitt schau,
Git's nur eins: Ich rüäf HELAU!


Also dann: "HELAU!" rüäft
De Bischemer

Mengelehre

Hänn Ihr in de Grundschüäl au noch mit "logische Blöcke" g'schafft? Wenn ich mich richtig erinnere kann, dann isch des bii uns in Oberschopfe iig'führt worre, kurz bevor ich in d'Schüäl kumme bin.
Es het also jeder so ä Kaschte mit denne logische Blöcke kaufe miän, damit ma an dem Beispiel d'Mengelehre het übe kinne:

Komischerwiis isch der Trend dann ziemlich schnell rum g'sii, unn daheim isch der Kaschte dann johrelang rumg'lege. Mit denne dinne unn dicke, verschiedfarbige Dreyecke, Quadrate, Rechtecke unn Kreisschiibe het ma zum Spiele jo nit b'sunders viel anfange kinne. Also sinn sie au ziemlich schnell widder vergesse worre.

Aber ich bin mir fascht sicher, dass die bii minnene Eltere noch daheim in de Eckbank drin leye. Wenn ich demnägscht widder in Oberschopfe bin, dann müäß ich direkt mol dänooch süache.


Lerne d'Kinder hitz'dag in de Schüäl eigentlich kei Mengelehre meh?, frogt sich
De Bischemer

Alti Liebe roschtet (nit)!

Dass d'Waltraud minn erschtes Audo war, wisse Ihr. Unn dass ich sie, wu sie zehn Johr alt war, mit Motorschade verkauft hab, viellicht au noch. Aber wie sehr ich sie hinterher vermisst hab, verzehl ich Eych jetzt:

's müäß so etwa zwei, drey Johr nooch de Zitt g'sii sii, wu ich D'Waltraud verkauft hab. Ich hab inzwische ä ander's Audo (ä wisser Corsa) g'haa, hab mich aber immer noch nooch alle Ente ummdrillt. Unn irgendwänn, ich hab's fascht nit glaub kinne, isch d'Waltraud uff'eme Parkplatz an de große Bleiche in Mainz g'stande!
Sie war ziemlich verroschtet unn runterkumme, aber ich hab sie uff de erschte Blick erkännt! D'hinter Stoßstang het noch de selbe Delle g'haa, wu ich emol bii'm Iiparke hänge bliibe bin unn d'Stoßstang mit de Hand widder z'recht boge hab. Unter 'em "2CV6"-Logo am Kofferraum het noch de "...macht neidisch"-Uffkleber bäbbt, ibber denne sich so viel amüsiert hänn. Unn sogar die Sitzbezüg, wu mir d'Mama dertmols maßg'niidert het, ware noch drin!
Min Herz het echt ä Hopser g'macht! Am liebschte hätt ich sie abg'knutscht!

Kurzfrischtig hab ich mir ä Zettel g'schnappt, hab d'ruff g'schriebe, dass ich minni alt Ent gern widder z'ruck kaufe däd (Preis egal), unn hab denne Zettel an de Schiibewischer klemmt!
Ich hab g'wartet, g'wartet, g'wartet, aber 's het sich niemänds g'meldet :-(

Wahrschiins het d'Waltraud eifach ä nejer Liebhaber g'funde g'haa, glaubt
De Bischemer

Bulverblättli oder Ringe?

Jetzt kunn jo widder die Fasent-Zitt, unn d'Kinder werre kreativ mit ihre Verkleidunge. Do git's jo alles vun Darth Vader ibber Spider Man bis zu 'me Hobbit...

Wenn ich do an minni Kinderzitt denk - do ware d'Büabe eigentlich fascht immer als Cowboys oder Indianer verkleidet. Oder Sheriff, wenn ma so ä Sheriff-Stern g'haa het. Des war schun ebbis b'sunders! Unn was hänn Cowboys unn Indianer bruucht? Nadierlich ä Bischtol!

Schun dertmols het's jo zwei Versione vun Bischtole gää, mit unterschielicher Knall-technologie:
Uff de eine Sitt die Bulverblättli, die uff so 'eme rötliche Babierband druff ware. Die hänn zwar nit so lütt 'knallt, aber däfiir ware uff denne Rolle halt ziemlich viel Schuss.
Uff de andere Sitt dann die Ringe, die entweder acht oder zwölf Schuss g'haa hänn. Do dämit het ma lütter schiäße kinne, aber es war hat au viel schneller Schluss, unn ma het denne Ring wechsle miän. Bii de Bulverblättli hett ma eifach obe 's verbruuchte Babier abg'risse, wenn's eine g'stört het.

Ach ja, unn des Scheene an de Bulverblättli war au, dass ma sie sogar unni Bischtol het knalle lehn kinne, indem ma mit'eme Stein druff g'haue oder gliich quer ibber mehreri dribber 'kratzt het!

Do krieg ich grad Luscht, des mol widder z'probiere, gesteht
De Bischemer

Thermalbad in Chile

Wenn ich an minner Rucksackurlaub in Chile / Argentinie denk, dann kummt mir immer au der Üssflug in de Sinn, wu mir (de E.T., de Bart üss Belgie unn ich) bii Osorno ins Bergland g'macht hänn:
Mir sinn mit'em Bus nooch Entre Lagos g'fahre (was wirklich zwische zwei Seeä leyt) unn vun dert nooch Aguas Calientes g'wandert. Wenn Ihr ä weng Spanisch verstehe, dann kinne Ihr Eych denke, dass es dert Thermalquelle git...

Des Dorf (unn die ehemalig Badeanstalt) het allerdings schun mol bessere Zitte g'sähne, es het nämlich gar kei funktionierend's Thermalbad mehr gää.
Allerdings hänn mir am Fluss, wu durch de Ort fließt, noch Betonsockel vun alte Pools entdeckt. Unn an dere Stell isch's Flusswasser nit iiskalt, sondern lauwarm g'sii!
Darum hämmer uns sofort dran g'macht, mit Wackerstei' ä kleiner Pool vum Fluss abz'trenne. Grad so groß, dass ma z'dritt niileye hänn kinne.
Unn schun hämmer unser privates Thermalwasser-Sanatorium g'haa: 's Wasser, was üss'em Bode in denne Pool g'strömt isch, war richtig heiß. So heiß, dass es in dem Pool ibber vierzig Grad warm g'sii isch, obwohl dert vun alle Sitte iisig's Flusswasser zwische de Stei' nii g'loffe isch!
So simmer also in denne Pool nii g'läge, bis ma's nimmi üssg'halte het. Dann schnell ä baar Schritt nibber ins Flussbett, unn runter ins iiskalte Bergwasser! Des hesch aber nur ä baar Sekunde lang ertrage, bis d'Kälti die inner Hitz verdrängt het. Also nix wie z'ruck in de Wärmepool!

De halbe Noochmittag hämmer so verbroocht, bis es dann Zitt zum Z'ruckwandere war. Ihr kinne Eych sicher vorstelle, dass ma an dem Obend richtig güät g'schloofe hänn, oder?

Frischi Luft unn heißes Wasser, des düet güet, weiß
De Bischemer

Call of Wellness

Was ä Wocheend!
Mit unsere iig'schworen "Biggecamping"-Mannschaft simmer am vergangene Wocheend im'e Feriepark in de Eifel g'sii. Mir hänn vier Hiiser im'e LandalPark g'mietet g'haa. Die Trierer unn Münschteraner sinn schun am Dunnerschdig ang'reist, die Mainzer unn Wiesbadener erscht am Friddig, will d'Kinder halt morgens noch in de Schüäl ware.

Jedes vun denne vier Hiiser het ä eigeni Sauna, Solarium unn offener Kamin g'haa. Fir Wellness-Feeling war also g'sorgt.
Wie sich's g'heert isch im Trierer Hüüs gliich 's Basislager etabliert worre, dert war nämlich d'bescht Versorgung mit Bier. Des hämmer au nit anderscht erwartet...
Trotzdem het jedi Familie / Grupp au noch g'nüe Zitt fir sich selber g'haa. D'Kinder sinn in d'Spielgrotte unn ins Schwimmbad, d'Erwachsene in d'Sauna, unn zwischedurch (unn immer widder) het ma sich bii de Trierer zum schwätze, esse unn trinke troffe.

Ich hät jo nie 'glaubt, dass des so güet funktioniert. Aber mir sinn inzwische halt schun so ä iig'schworeni G'meynschaft, dass es gar kei Streß gää kann, schiint's!
Nur dodurch, dass in dem Park fascht kei Telefonempfang war, isch d'Koordination manchmol ä weng schwieriger worre. Im Zweifelsfall hänn sich dann aber alli widder im "Leberzentrum" iig'funde, unn so het's schun widder basst.

Ä echti Alternative / Ergänzung zum Bigge-Camping, freyt sich
De Bischemer

Lichtmess

Endlich wird's mol widder heller,
's wurd jo wirklich langsam Zitt!
Geht des nit ä klei' weng schneller?
Ich hab's eilig, liäbi Litt...!

Schaue nur in de Kalender:
Mar'ja Lichtmess isch vorbey!
(Oder, wie in and're Länder:
Celebrating Groundhog day)

Winter, kannsch Dich noch so wehre,
Jetzt gehsch aber wirklich z'End!
Keinem müäß ma des erkläre,
der Maria Lichtmess kennt!


Oder, wie's im Badische so scheen heißt:
"Maria Lichtmess: Spinne vergess, bii Dag z'Nacht ess!"


Freye Eych uff die helle Däg, rüäft
De Bischemer

D'Ortenau vun wittem (33)

Soso, jetzt war in Lohr also Narretreffe...
Wenn ich so ebbis lies, dann bin ich immer widder hin un her g'risse.
Uff de eine Sitt kann so ä Narre-Umzug in Lohr nadierlich 'em Mainzer Rosemontagszug nit 's Wasser reiche... Aber uff de andere Sitt het die alemannisch Fasent halt doch ä ganz anderi Qualität wie die Meenzer Fassenacht.
Sogar minni Frau unn Kinder hänn des inzwische iig'sähne: Egal, wie wild in Mainz g'fiirt wird, unn wie viel Güütseli unn Schokolädli die Kinder bii'm Umzug sammle, 's scheenschte Fasent sither langem war fir uns alli halt, wu mir vor zwei Johr 's Wocheend in Oberschopfe verbroocht unn bii de Umzüg in Ichene unn Biberach däbii g'sii sin!
B'sunders die Biber vun Biberach hänn bii de Kinder ä bliibender Iidruck hinterlo', aber au die ganze andere Hästräger unn Hexe mache halt de Unterschied zu de Meenzer Fassenacht üss!

Aber ma nimmt halt, was es git, weiß
De Bischemer