Donnerstag, 26. April 2012

Finale dahoam!

Ich bin jo schun immer Bayern-Fan g'sii. Obwohl, eigentlich isch "Fan" nit ganz 's richtige Wort. "Sympathisant" trifft's besser. Die Spiele, wu ich vun de Bayern live im Stadion g'sähne hab kann ma an einere Hand abzähle. Unter anderem emol ä Unentschiede in Offeburg bi'm OFV, unn ä Freundschaftsspiel am Bruchweg bii de 05'er.
Ich kann mich noch erinnere, wie minner Getti mir üss München ä FC Bayern-Fahn mitbroocht het, do war ich viellicht fünf. Die isch dann johrelang ibber minnem Bett g'hängt, bis sie irgendwänn kabütt war. Unn in de Zitte, wu's noch kei Fernseh-Übertragung vun de Europacup-Spiele gää het, do bin ich manches Mol spät obends ällei im Wohnzimmer g'läge unn hab am Radio züeg'heert, wie sie g'wunne hänn!
Unn Litt wie de Rummenigge, de Breitner oder de Augentaler, des ware die Stars in minnere Kindheit! Do hämmer uns dann bi'm Kicke vorg'stellt, mir wäre einer vun denne, unn schun isch's irgendwie besser g'loffe... (hämmer wenigschtens glaubt...)!
Geschtern, des war dann au widder uffregend! B'sunders bi'm Elfmeterschiäße hab ich ganz scheen's Herzklope g'haa, aber 's het jo zum Glück g'klappt! Jetzt nur noch ein Spile g'winne, dann hänn sie's g'schafft!

Mia san halt mia, weiß
De Bischemer

Montag, 23. April 2012

Playmobilstadt

Als Kinder hänn mir sooo gern mit Playmobil g'spielt! Mir hänn au ä beträchtlichi Sammlung an Figure g'haa, unn ä Zitt lang war vun minnem Freund (den ich leider schun lang üss de Auge verlore hab...) au noch ä ganzi Soldate-Armee bii uns däbii.
Am liebschte hämmer dann ä Stadt uffbaut unn hänn eifach "Alltag" g'spielt. Bii uns im Garte, unter de Ziersträucher, isch dann de halbe Summer lang so ä Städtli mit Soldate-Fort, Pferdekoppel, Hiiser unn allem Mögliche g'stande, unn in in Ferie hämmer quasi jede Dag dran witter g'spielt.
Irgendwänn hämmer dann ang'fange, üss minnem Fischertechnik-Fundus noch zusätzlichi Sache däzüe z'erfinde. Am End hämmer dann sogar mol fünf- oder sechsstöckigi Wohnmobile fir die Playmobil-Männli 'baut! Do war dann vun Pferdestall, Kuchi, Spielzimmer bis zu de Dachterrass alles mit drin. Mit denne het ma durch de ganze Garde fahre kinne, will die so stabil ware, unn sie ware so hoch, dass ma uns zum spiele gar nit hänn bucke miän. Eigentlich optimal :-)

Schad, dass ich kei Foto dävun meh hab, sinniert
De Bischemer

Donnerstag, 19. April 2012

Hand verstücht

De Lu lernt im Moment Waveboard-fahre. (Fir alli, die's nit wisse: Des isch so ä Art Skateboard, aber nur mit zwei Rolle, unn die sinn au noch beweglich unter'm Brett montiert...)
Geschtern het's ihn wohl zwei mol hing'legt, unn do däbii het er sich d'Hand verstücht. Wenn ma des nit kennt, isch des nadierlich ziemlich nervig. Er kann sich nit richtig anziäge, sich nit uff d'Hand stibbere unn 's Butterbrot nit selber schmiere. (Wobey ich glaub, es isch halt au scheen bequem, wenn ma nur ä weng joomere müäß unn dann g'holfe bekummt...)
Ich kann mich noch güät erinnere, dass ich friäjer alli Nas lang d'Hand verstücht g'haa hab. Irgendwie war des so ebbis wie ä Schwachstell bii mir (oder war ich eifach nur dappiger als anderi???). Immer widder bin ich dann mit'eme wisse Verband um's Handg'lenk rumg'rennt, unn die 'Mobilat'-Salb hätte ma eigentlich gliich im 10 Liter-Eimer kaufe kinne...

Hoffentlich entwickelt sich des bii'm Lu nit genau so, räsonniert
De Bischemer

Montag, 16. April 2012

Süachbegriffe zum Blog (8)

Ich glaub, 's isch Zitt, Eych mol widder die Süachbegriffe z'zeige, mit denne d'Litt uff minner Blog 'kumme sinn:

10. grosse schnee im öschtrich (...scheen uff badisch g'schriebe, aber bi'm Süache helfe kann ich nit...)
9. doloss (hä... ???)
8. negerli (...also des isch sicher nimmi politisch korrekt...!)
7. bischemer fasnet 2007 (...o hab ich kei Erinnerung meh' dran!)
6. kinder am see (... an welchem??)
5. schwimmbad kids (... d'Alternative, wenn ma kei See in de Näh' het..)
4. kinder see (... was, schun widder??)
3. "am krage packt" (... ui, wie rabiat!)
2. ????????? (... ja, genau so steht's do, ung'loge!)
1. fünf badische wörter mit u (.. do ware sicher fünf Wurschtsorte g'meynt, oder??)

Ä scheeni Woch wünscht Eych
De Bischemer

Donnerstag, 12. April 2012

Kind, bass uff!

Kürzlich war's mol widder echt lehrreich, wie d'Le ihri Sicht vun de Welt an de Lu witter gää het:
Mir hänn nadierlich immer mol widder des Thema, dass die zwei mit ihre Freunde nit z'witt unn nit z'lang in de Rääbe verschwinde solle, wu ma si nimmi sieht. 's besteht halt immer d'Gefahr, dass sie uff ebber treffe, der wu nit nur güäti Absichte het. Aber d'Le het do ä güäter Tip, wie ma dann dämit umgehn sott: "Lukas, wenn in de Rääbe jemand mit'em Audo kummt unn Dich mitnemme will, dann saysch Dü ihm einfach: 'Nein, danke, ich hab schun ä Familie!' Unn dann loßt der Dich in Rüäh unn fahrt widder furt!"

Scheeni heili Welt, stüümt
De Bischemer

Dienstag, 10. April 2012

Tschechie...

Ich hab's G'fühl, als wäre mir zwei, drey Woche lang weg g'sii. Däbii ware's nur zehn Dag, die mir jetzt unterwegs ware.
Z'erscht sinn mir durch Tschechie g'fahre. Nooch Marienbad, will ich do schun immer mol hin hab welle. Es isch au echt scheen, au wenn's um die Johreszitt noch ganz scheen frisch isch. Unn de Kaiserwald, der wu um 's Städtli rum leyt, isch halt au noch kahl unn dod. Aber des Kurviertel mit de ganze Quelle unn Kollonade... ä einzigi Pracht!


Do miän ma echt mol im Frühling oder Summer hin. Dann könnt ma au de Kurpark unn die scheene Wanderstrecke ganz anderscht genieße!
Dänooch isch's witter gange nooch Prag. D'goldene Stadt! Am erschte Obend hänn mir au so ä Glück mit'em Wetter g'haa, dass bii Sunneuntergang die Altstadt echt goldig 'glänzt hett!
Am zweite Dag war's dann kalt unn windig. Unn do isch so ä Stadt jo schunn ä zugig's Loch! Zum Glück ware die Strooßebahne beheizt, sunscht hätte mm wahrschiins noch meh g'frohre...
Dann ging's fir drey Dag ins "Aquapalace", des isch ä Hotel mit ang'schlossener Badelandschaft. Plansche, rutsche, im Whirlpool rumleye, schwimme... unn obends and Buffet unn esse. Des war ää Lebe!
Uff'em Heimweg sinn mir dann noch ibber Oschtere nooch Oberschopfe. Wenn ma schun uff de Autobahn isch, dann bietet sich des an. Verwandtschaft b'süache, de Has jage, Oschterkaffee trinke. Do isch des füüle Lebe grad witter 'gange :-)


Unn trotzdem hämmer uns dann widder uff daheim g'freyt, weiß
De Bischemer