Spritztour mit Folge

Bevor ich zum Zivildienscht zu de AWO gange bin, isch jo de Ralf, ä Kumpel vun mir, dert bii'm mobile Hilfsdienscht iig'setzt g'sii. Des hab ich Eych schon verzehlt.
Zu derre Zitt hänn allerdings bii de AWO quasi anarchischi Züäständ g'herrscht. Nit nur hänn d'Zivis eigentlich bloß dann g'schafft, wenn sie däzüe Luscht g'haa hänn (was nit oft de Fall war), sondern sie hänn mit de AWO-Audos au noch Spritztoure g'macht, dass ma nur noch de Kopf het schittle kinne.
Legendär war der eine Zivi, wu am Wocheend eifach mol zum Kaffeetrinke nooch Paris g'fahre isch (uff AWO-Koschte nadierlich)...
Ich will Eych aber vun 'eme andere Vorfall verzehle, bii dem ich selber däbii war:

De Ralf unn ich, mir hänn dertmols gern alli bekannte unn unbekannte Burgruine im Umland b'süacht. Eines Obends isch er dann mit'eme AWO-Audo bii mir ufftaucht unn het g'meynt: "Kumm, mir fahre zu 'nere Ruine am Kaiserstüähl!".
Ich also schnell iig'stiege unn los!

's war so witt eigentlich ä scheener Üssflug.
Uff de Heimfahrt, wu's schun dunkel war, simmer dann nit ibber d'Audobahn, sondern ibber kleini Sträßli g'fahre, will bii dem Audo 's Abblendlicht kabütt war. Unn mir hänn nadierlich nit darum uffalle welle, dass mir nur mit Fernlicht fahre...
Aber wie de Deyfel 's will, het uns partout uff so'ere Nebestrooß einer d'Vorfahrt g'numme unn isch voll in uns nii g'fahre! Totalschade!

Uns isch glücklicherwiis nix bassiert, aber ä Mords-Huddel mit Polizey unn allen war's halt doch! Ä Bekannter üss de Nähdi het uns dann zum Glück mitte in de Nacht noch heim g'fahre!

De Höhepunkt war dann allerdings, wu ich de Ralf am nägschde Dag in's AWO-Büro g'fahre hab: D'Chefin het grad ang'fange: "Nur damit Dü's weisch, 's b'stellte Ersatzteil fir 's Audo isch noch nit do...", woruff de Ralf ganz trocke erwiedert het: "Was ä Glück - ma bruche's nämlich nimme! 's Audo isch hii!"
Unn Ihr werre's küüm glaube: D'Chefin het des Ganze dann noch so 'deichselt, dass unser Üssflug als Dienschtfahrt 'golte het, unn d'Versicherung fir alles uffkumme isch!


Des nenn ich Anarchie!, grinst
De Bischemer

Kaugummiautomate

Ich bin, ehrlich g'sayt, gar nimmi richtig uff'em Laufende, ob's noch so Kaugummiautomate git, wie's sie friäjer gää het.

Meischtens ware des jo zwei oder drey Automate nebenander, unn nur in einem sinn die "klassische" Kaugummikugle drin g'sii. Die hänn zu minnere Kinderzitt noch zehn Pfennig g'koscht.
Dänebe war dann meischtens ä anderi Füllung im Automate.
Entweder ware do b'sunderi Kaugummis drin, zum Beispiel mit Brausepulver g'füllt.
Oder "Zauberkugle", also Plaschtikkugle mit verschiedene Sache drin. Die hänn dann oft 50 Pfennig koscht. Oder sogar schun ä Mark. In so 'eme Fall het ma dann meischtens 50 Pfennig nii werfe miän, de Hebel ein Mol rumdrille, dann nochmol 50 Pfennig nii werfe unn 's zweite Mol drille. Dann isch die Kugel rüss kumme.

So manches Mol het ma dann Automate g'sähne, wu ebber mit 'em Fiirziig vorne ä Loch in 's Plaschtik brennt het, damit er umesunscht an die Kaugummies oder anderi Schätz dran kummt. Des war quasi de erschte Vandalismus, wu mir als Kinder kenne g'lernt hänn.

Am liäbschte hab ich aber immer die rote Erdnüssli g'haa, wu oft in dem zweite Automate drin ware. Ich weiß gar nit, was des fir ä Iiberzug uff denne Nüssli war - Zucker?? Farbstoff?? Chemie?? Egal! Ich hab sie gern g'esse.
Uff de andere Sitt war's schun ä weng suspekt, die unverpackte Nüssli üss dem offene Automateschacht rüss z'hole. Ma het jo nie g'wisst, wie süüfer der isch...

Wahrschiins därf ma des hittz'dag üss G'sundheitsgründe gar nimmi verkaufe, spekuliert
De Bischemer

Was denksch grad?

Ich weiß jo nit, wie's Eych geht. Aber ich, ich kann ganz güät mol ä Wiili eifach nur do hocke unn an gar nix denke.

Minni Exfreundin aber, die het des eifach nit glaube kinne. Die het mich unentwegt g'frogt: "Was denksch grad??", unn wenn ich dann ehrlicherwiis g'sayt hab: "Nix", dann isch sie fascht verruckt worre.
"Des geht jo gar nit", het sie dann g'meckert. "An irgend ebbis denkt ma immer!", het sie behauptet, unn "'s Denke kann ma nit abstelle", het sie behauptet! Aber bii mir geht des. Ich kann dann ganz güät eifach nur "sii", ganz im Hier unn Jetzt, wie ma so scheen sayt.
Ich sag Eych, do hämmer manches Mol echt Zoff mitendander bekumme. So güät mir uns sunscht au verstande hänn, aber bii dem Thema hämmer uns richtig in d'Hoor kriegt!

's isch so witt kumme, dass ich ihr manchmol verzehlt hab: "ä Problem in de Firma" oder "ich denk ibber ä Liäd nooch", nur damit sie Rüäh git... Uff Dauer isch sie mit so Antworte aber au nimmi z'friede g'sii. Ihrer Meinung nooch het ma jo immer, wenn ma vun usse z'Rüäh kummt, im Kopf ibber schwerwiegendi Theme, Philosophie oder d'Weltg'schicht noochdenke miän.
Insofern war's dann au nit wirklich verwunderlich, dass es irgendwänn üssenander 'gange isch mit uns. Mir ware im Innerschte eifach z'unterschiedlich, unn des war fir beidi Sytte uff Dauer wahrschiins z'anstrengend.

Unn was soll ich Eych sage? Inzwische denk ich, wenn ich vun usse z'Rüäh kumm, au ganz gern mol ibber schwerwiegendi Theme, Philosophie oder d'Weltg'schicht nooch.


Aber halt nur, wenn ICH will, sinniert
De Bischemer

Wuanderscht g'lese (18)

Hit zeig ich Eych mol ebbis zum Lache - hoff ich wenigschtens.

Die vun Eych, wu mich kenne, die verstehn sicher die Anspielung mit Luke, Leia und Darth Werner, äh, Vader...
Fir alli andere isch's aber hoffentlich au luschtig anz'schaue, wie die Kinder vum Darth Vader uffwachse däde, wenn de Darth Vader a normaler Vadder wär.

Beispiel g'fällig?





Uff derre Sitt unn derre Sitt git's noch ä baar meh Comics dävun, unn wenn's Eych richtig güät g'fallt, dann kinne Ihr dert sogar direkt 's ganze Büach däzüe b'stelle...


Viel Spaß wünscht
De Bischemer

Scheeni Wörter

Immer mol widder, wenn mir ä b'sunders scheener (oder fir mich typisch badischer) Begriff begegnet, dann schrieb ich 'ne uff.
Hitt will ich Eych mol ä baar vun denne Begriffe präsentiere. In minnem Alltag, do in Bischem, kann ich sie jo leider gar nimmi verwende, will mich sunscht keiner meh versteht.
So bliibt mir nur z'hoffe, dass diejenige vun Eych, wu noch regelmäßig badisch schwätze, ab unn züe de eine oder andere vun denne Schätzli uffschnappe unn benutze, damit sie nit üsssterbe:

"mornemorge": Uff hochditsch nadierlich "morgen früh", was aber längscht nit so g'miätlich klingt, wenn Ihr mich frooge!
"er het als widder g'macht": Er het eifach nit uffg'heert, obwohl ma's ihm g'sayt het.
"Wärdig": Also Mändig, Zischdig, Mittwoch, Dunnschdig, Friddig unn Samschdig!
"nuff unn naa": Kann ma uff de Trepp, am Berg oder andere schräge Stelle gehn...
"hinterschi unn virrschi": Ähnlich wie des grad ebe, aber halt in de Horizontale...


So, des soll fir's erschte reiche. Wem noch anderi scheeni Wörter iifalle, der därf mir gern ä Kommentar schriibe!


Demnägschd git's dann meh, verspricht
De Bischemer

Süachbegriffe zum Blog (18)

So, es isch widder mol so witt. Jetzt git's die aktuelle Hitparade vun Eyre Süachbegriffe:

10. Auge in s (... häää???)
9. kids schwimmbad (... momentan hoffentlich kei Freybad!)
8. drink schirmli (... Cocktails g'fällig, irgendebber??)
7. Kirscheblotzer (... hmmm!)
6. long nippes zitts (... ich will gar nit wisse, worum's do geht!)
5. badnerlied (... upps, jetzt hab ich fascht im Reflex ang'fange z'singe...)
4. badisch hallo (... scheen, dass sich do ebber fir Fremdsprooche interessiert!)
3. salli badisch (... womit au die letscht' Süachanfroog beantwortet wär!)
2. schatzkarte schwarz weiß (... des hämmer doch schun mol 'klärt!?! Wenn ich ä Schatzkart hätt, dann wär ich nimmi do!)
1. spruch mit teebeutel (... z.B. "Soll 'es Wasser lecker sii, häng de Teebeutel doch nii"??)

Ä scheeni Wock wünscht Eych
De Bischemer

Flechtesupp

Bii'm Schneewandere hab ich geschtern widder mol die viele Flechte an de Baim hänge unn uff 'em Bode leye sähne.
Do isch mir dann in de Sinn kumme,dass ich friäjer ä Lieblingsbüach üss'em Regal vun minnem Baba g'haa hab: "Notrüäf üss Finnmarken". Do sinn zwei Pilote mit'em Flugzeyg in Norwege ab'stürzt, unn wu ihri Notratione uffg'esse ware, do hänn sie Supp üss Flechte kocht, was ihne 's Lebe g'rettet het.
Bitter unn stark het die Supp gschmeckt, wenn ich's noch richtig im Kopf hab. Unn jedes Mol, wenn ich so dicki Flechte wie geschtern sieh, dann däd ich gern mol so ä Supp koche...

Aber zum Glück geht's au unni, denkt sich
De Bischemer

Ösimilation

Z'erscht emol wünsch ich Eych alle 's Beschte fir 2015, uff dass des Johr genau so wird, wie ihr 's gern hätte...!

Jetzt aber zu ebbis Anderem:
Geschtern nacht hab ich ä komischer Traum g'haa: D'Welt isch vun Üsserirdische ibberfalle worre, die wu d'Mensche mit so'ere Art schwarze Spore in Schattewese verwandelt hänn. D'"g'sunde" Mensche (mit mir nadierlich mittedrin) hänn sich in'eme Stadtviertel verbarrikadiert unn mit 'eme Gitterzaun abg'schottet, was aber uff Dauer nit viel g'holfe het.

Hitt isch mir dann au ä Idee kumme, warum ich des traimt hab:
Inzwische sinn mir nämlich schun sither mehr als zwei Woche in Öschtrich, unn vor 'em nägschde Wocheend werre mir au nit heim nooch Bischem kumme.
Dass mir in Kärnten immer relativ schnell "Semmel" statt "Weckli" unn "Fridattensupp" statt "Omlettsupp" sage, isch mir nix Ney's. Aber inzwische schaue mir jo schun regelmäßig "ZIB 2" statt'em "heute-journal", interessiere uns fir's Skispringe unn kaufe wie selbstverständlich d'Extrawurscht im "Billa" ii.
Ganz klar: Langsam, aber sicher werre ma "ösimiliert"... Do isch die Assoziation mit de "Aliens" unn de "g'sunde Mensche" doch echt logisch, oder???


Ich hoff jo nur, dass sich des widder z'ruck bildet, lacht
De Bischemer