Donnerstag, 28. Juni 2012

Kappeln, Winnemark und Liegewagen

Dass ich während minnere Zivildienstzitt ä Freundin an de Oschtsee g'haa hab, des hab ich Eych sicher schun verzehlt, oder? Aber wie mir die 900 Kilometer Entfernung g'meischtert hänn, des solle Ihr jetzt erfahre:

Als Zivi het ma Anspruch uff koschtelosi Familie-Heimfahrt mit de Bahn. Unn die gilt vum Iisatzort bis zum Erschtwohnsitz. Also hab ich mich in derre Zitt bii'ere Bekannte vun minnere Freundin ang'meldet. Ich weiß noch g'nau, des Kaff heißt Winnemark. Ich bin in minnem ganze Lebe, glaub ich, zwei Mol dert g'sii. Einmol zum Kennelerne vun minnere "Vermieterin", unn eimol, wu mir uff'eme Üssflug grad in de Nähdi ware.

So hab ich also umsunscht mit de Bahn durch ganz Ditschland fahre kinne. Meischtens hab ich dann alli drey, vier Woche ä lang's Wocheend frey g'numme unn bin nuff g'fahre. Erscht mit'm Liegewage nach Hamburg. Mitternachts los in Offeburg, morgens um achti Hamburg Altona. Dert umstiege nach Kiel, dert widder umstiege Richtung Flensburg, nach Süderbrarup. Kenne ihr inzwische ;-)

Wenn ich do nit immer drey, vier Dag frey g'haa hät, die Odyssee hätt ich sicher nit uff mich g'numme. Aber so war's immer ä richtig scheener Üssflug unn Kurzurlaub.
Was mir vun denne Zugtoure am meischte im Kopf bliebe isch, des isch des morgendliche Iifahre in de Hamburger Hafe unn in d'Stadt nii... Hamburg wird halt immer minni Lieblingsstadt in Ditschland bliibe!

Eigentlich miäßt ich widder mol an d'Oschtsee, sinniert
De Bischemer

Montag, 25. Juni 2012

's isch Beerezitt!

Ach, wie genieß ich des, wenn bii uns um Garde die Beere reif sinn! Im Moment sinn d'Hanstriibili dran.
Was ä Freyd, eifach mol bi'm Durchlaufe so ä Triibli von rote Johannisbeere abz'pflücke, in de Mund z'nemme unn d'leer Rispe dann eifach zwische de Zähn rüss z'ziäge! Oder nebedran, an de "Cassis", so ä baar einzelni, vollreifi, schwarzi Beere abz'zupfe unn de Rescht hänge z'lehn, fir s'nägschde Mol... :-)
Ball kumme dann d'Stachelbeere, unn im Juli noch d'Brombeere vun unserem Brombeer-Urwald... Die zwar Himbeere, die bii uns wachse, schnaige die Kinder zwar meischtens ab, bevor ich eini bekumm, aber des wird sich in de nägschde Johr hoffentlich au noch ändere, wenn die Sträucher mol größer werre unn mehr Himbeere dran sinn...!

Eifach herrlich, die Zitt, findet
De Bischemer

Donnerstag, 21. Juni 2012

Summeranfang

So, ab hit git's kei Üssred eh! Hit isch Summeranfang!
Jetzt wird's aber au mol Zitt, das des mit dem Hin unn Her vun Sunneschiin unn Rääge ä End het! Ma weiß jo morgens schier nimmi, uff was ma sich iistelle soll, will sich's Wetter mehrmols am Dag ändert... April isch doch ä Monat unn kei Johreszitt, oder??
Aber Kopf hoch, bisher het ma des Wetter jo immer noch als Frühling verkauf kinne. Aber ab hit wird's stabil, bestimm ich jetzt eifach mol!
Leider isch's wohl eh schun z'spoot, um bis in zehn Dag, wenn mir nooch Holland fahre, d'Nordsee noch warm g'nüä zum Bade z'bekumme, oder? Im Moment het's noch 14 Grad, do bekummt mich um's Verrecke keiner ins Wasser!

Aber im Notfall werre halt nur Sandburge baut, grinst
De Bischemer

Dienstag, 19. Juni 2012

Sunndigsüssflug zum Iislade

Was isch des scheen, wenn d'Kinder selber Fahrrrad fahre kinne! Inzwische isch's bii uns schun fascht so ä kleini Tradition, dass mir am Sunndig, wenn uns noochmittag nix besser iifallt, mit de Räder nooch Mommenheim in de Iislade fahre. Des sinn so etwa drey Kilometer ei Weg, des schafft inzwische sogar d'Lea ganz güät. Ab unn züe schieb ich dann am Berg noch ä weng, aber d'Üssicht uff ä Iis gitt ihr meischtens Antrieb g'nüä, dass es au so lauft. Unn ich als "Dessertarier" frey mich nadierlich au immer uff so ä Schleck-iis!
Dann noch ä Schlenker nibber zum Spielplatz, will's dert so ä Ritterburgsturm üss Holz git, do klettere die beide ganz gern.
Unn dann, wenn's Zitt wird, fahre mir widder z'ruck unn lehn 's Wocheend daheim üssklinge...

Ganz entspannt halt, strahlt
De Bischemer

Donnerstag, 14. Juni 2012

D'Lohrer Rockbands vun friäjer

Erscht kürzlich hab ich ibber d'Lohrer Rockbands sinniert, die wu friäjer quasi Kult ware, unn was lies ich do in de Nachrichte?? Üss Daddy Dirty wird Sons of Dorian!

"Daddy Dirty"... Des ware in minnere Schüälzitt die wilde Kerli, uff die mir "bravi Büäbe" immer ä weng neidisch ware, will d'Maidli vun denne so begeischtert ware.
Aber noch "schlimmer" war's mit "Acres Wild". Mensch, was het minni Freundin dertmols fir de Gert, de Kai unn die Vetter-Briäder g'schwärmt...!


Erinnere Ihr Eych au noch an die lokale Bands vun friäjer? Mir sinn üsser "Daddy Dirty" unn "Acres Wild" noch "Im Affekt", "Hifi Mama" unn "Scaramouche" iig'falle. Unn nadierlich "EDT" ("Ende des Trommelfells"), aber wenn ma ehrlich isch, dann het ma des, was die produziert hänn, nit wirklich als 'Müssig' bezeichne kinne... Krach ebbe!
Ich kann mich noch dran erinnere, wie de Schlagzeuger (de Name fallt mir grad nit ii, aber er war üss Missene oder Kürzell, glaub ich) bii'eme Solo mitsamt 'em Hocker rückwärts vun de Tribüne g'keyt isch... Des war noch voller Iisatz bi'm Konzert!

Was üss denne wohl worre isch?, sinniert
De Bischemer

Montag, 11. Juni 2012

Oh Schwarzwald, oh Heimat...!

Ibber's verlängerte Wocheend ware ma mol widder in Oberschopfe, unn mir hänn einigi Üssflüg in d'Umgebung g'macht. Dass Strooßburg, d'nähdscht Großstadt vun Oberschopfe, immer ä B'süach wert isch, des hab ich jo eh schun immer g'wisst. Unn des hämmer diesmol au widder üssg'nutzt...
Am Fiirdig ware mir diesmol aber üsserdem in St. Märgen im Hochschwarzwald, will d'Oma unn de Opa dert ä Kurzurlaub verbroocht hänn.
Oh Mann, wie scheen isch de Schwarzwald, do geht mir immer widder 's Herz uff:

Am Samschdig simmer dann noch nach Oberkirch uff d'Schauenburg. Au des war quasi ä "Trip in d'Vergangeheit". In minnene "wilde" Johr simmer do nämlich manches Mol hing'fahre, hänn d'Üssicht unn d'Stimmung dert obbe genosse unn sinn dann zum Zibbelküache-Esse in de "Silberne Stern" in Oberkirch nii. Des ware noch Zitte...!
Aber wie Ihr sähne, au hitz'dag kann ich de Schwarzwald noch genieße...!

Ihr au, hofft
De Bischemer

Montag, 4. Juni 2012

Geburtsdagsüssflug

Am Samschdig hämmer minner Geburtsdag fir ä Üssflug g'nutzt:
Z'erscht simmer nach Bacharach am Mittelrhiin g'fahre. Dert git's ä baar echt scheeni Burge, unn d'Altstadt isch au richtig nett.
(Uff die Idee, dert hin z'fahre, bin ich aber 'kumme, will an de Autobahn im Hunsrück immer 's Schild vun de Wernerkapelle steht, unn ich immer schun denkt hab, dass ma do mol hin sott...)
Jedefalls simmer dert ä weng g'wandert, hänn richtig scheen Picknick am Rhiin g'macht, die Kapell ang'schaut unn in de Altstadt noch ä Iis 'gesse.
Obends simmer dann noch zu de Burg Sooneck unn zum Üsssichtsturm "Siebenburgenblick" nuff, wu m'r des goldene Licht ibber'm Rhiintal g'nosse hänn.
De Lu het dert noch 's Portemonnaie vun'eme Büä üss Bingen g'funde, des hämmer dem gliich noch vorbey broocht. ' solle sich an minnem Geburtsdag jo gern au anderi Litt freye, gell?!?
Unn um denne scheene Dag noch komplett z'mache (mir hänn weder uff de Rheinland-Pfalz-Dag nooch Ingelheim noch uff 's Albansfescht in Bodenheim welle) simmer dann noch nooch Schwabsburg uff's Schlossturmrockfestival.
Ä richtig güäti Rockband hämmer dert g'heert: "Sep7ember":


Unn wu die Schluss g'macht hänn (S'war schun gege elfi), do simmer mit 'em Funzeltraktor z'ruck zum Parkplatz broocht worre unn sinn heim.

So scheen kinnt jeder Geburtsdag sii, findet
De Bischemer