Jetzt git's ä Tunnel!

Sirkeci. De Hauptbahnhof uff de europäische Sitt vun Istanbul, unn Endstation vum Orient-Express! Ä Kopfbahnhof mit drey mickrigi Gleise, unn doch so abenteuerlich! Irgendwänn im Auguscht 1988. Ich bin 's erschte Mol in Istanbul ang'kumme!
Also nix wie de Interrail-Rucksack uff de Buckel, nüss üss'em Bahnhof, unn mitte in's Lebe! Mit große Auge hab ich die Sesamkringel-Verkäufer, Moscheeä, Dolmuş-Taxis unn verschleierte Fraue ang'schaut! Was ä Stadt! 's war Liebe uff de erschte Blick!

Unn wu ich dann noch 's erschte mol mit de Fähre ibber de Bosporus g'fahre bin, nooch Üsküdar... Ich hab minner erschte Schritt uff ä anderer Erdteil g'macht, unn am liebschte hätt ich mich wie de (alte) Pabscht uff de Bode g'legt unn de asiatische Bode 'küsst! Eigentlich war's jo ganz unspektakulär dert dribbe, aber 's war halt ä Weltpremiere...

Nooch ä baar Däg in Istanbul, wu ich noch witter nii in d'Türkei reise hab welle, bin ich dann (ebefalls mit de Fähre) zum Haydarpaşa-Bahnhof g'fahre. Ä richtig scheener Kopfbahnhof, im Kolonialstil 'baut vun 'eme ditsche Architekt, unn Startpunkt vun de Bagdadbahn (widder so ä Fernweh-Begriff)!
Wer do kei Herzklopfe bekummt, der isch schun dod:

Nie, nie, nie in minnem Lebe wirr ich die zwei Bahnhöf unn minni Reise dert hin vergesse!!

Unn hitt? Grad die Woch isch de Iisebahntunnel unter'm Bosporus durch eröffnet worre!
In Zukunft wird ma also nimmi am Sirkeci üssstiege, 's orientalische Flair vun Alt-Istanbul in sich uffsüüge, mit de Fähre nooch Kleinasie nibber fahre, unn des imposante Bahnhofsgebäude vun Haydarpaşa bewundere, bevor ma widder in de Zug stiigt. Sondern ma wird eifach sitze bliibe, 65 Meter unter'm Bosporus durch fahre, unn vun dere ganze Wunderwelt so güät wie nix mit bekumme...


Wie schad eigentlich, findet
De Bischemer

Kartoffelfiir

Wu ich noch ä kleiner Büe war, friäjer in Oberschopfe, do hämmer eigentlich in jedem Johr noch ein Acker voll mit Kartoffle g'haa. Meischtens hinte im Weyerberg - oder heißt des dann "uff'em Weyerberg"?? Isch jo au egal.
's isch eh die Froog, wer vun Eych ibberhaupt (noch) weiß, wu de Weyerberg isch!?! Aber des erklär ich Eych ä ander's Mol, versproche!

Jedefalls simmer dann im Herbscht, wenn d'Kartoffle so witt ware, mit'em Einachser zu dem Feld g'fahre. De Babba het dann de Pflüeg an de Einachser g'hängt unn het die Kartoffle üss'em Bode g'holt. Unn mir sinn mit'em Kartoffelkorb durch die Zielde g'loffe unn hänn sie uffg'sammelt.

Des het dann immer so ziemlich de ganze Einachser-Anhänger voll mit Kartoffle gää. Wie het mir des g'falle, die frische Kartoffle im Anhänger leye z'sähne... (Im Gegesatz däzue het ma die alte, schrumpelige Kartoffle im Keller dann irgendwann nimmi sähne kinne)!

Aber 's Scheensche war dann immer, wenn am End 's Kartoffelkrütt verbrennt worre isch! Do isch de ganze große Hüffe anzündet worre, unn mir hänn ä baar frischi Kartoffle ins Fiir g'worfe. Wenn ma nit uffbasst het, dann sinn sie ganz scheen schnell verkohlt unn schwarz worre. Aber wenn ma de richtige Moment verwischt het (oder wenn ma des richtig Verkohlte abbibbelt het), dann het's eigentlich nix Leckerer's gää als neji Kartoffle üss'em Kartoffelfiir!


Kenne Ihr des au noch?, froogt
De Bischemer

D'Ortenau vun wittem (31)

So, jetzt war also Richtfescht an de Offeburger Hochschüäl!
Es isch jo, schiint's, b'sunders schnell 'gange, wie der neje Bau nuff zoge worre isch. Des hab ich schun g'sähne, wu ich vor vier Woche selber widder mol d'Hochschüäl b'süacht hab. Aber am meischte het mich beiidruckt, dass do däfiir sogar d'alt Dampflock versetzt worre isch!

Do kummt ma nix ahnend de Südring nunder, wie ma's vor zwanzig Johr jede Dag g'fahre isch - unn dann git's do nit nur plötzlich ä Kreisel, wu nie einer war... Nei, do steht au noch so ä Rohbau im Weg, unn wu ma sich wenigschtens an de Lok orientiere will, findet ma die au nimmi...!
Dunderläder, ma kinnt sich jo fascht bii'm letschte Schlenker vor der Hochschüäl noch verfahre! Wer het au denkt, dass ma inzwische ä Navi bruucht, um de Weg z'finde, den ma friäjer quasi im Schloof abg'fahre het?!?

Okay, ich gib's jo züe: Wahrschiins sinn die ganze Veränderung nit eifach so in de letschte Woche bassiert, sundern ich bin halt in de vergangene Johrzehnte eifach z'wenig an de Hochschüäl g'sii, um die stetige Umbaute mit z'bekumme...


Unn trotzdem isch die Zitt wie im Flug vergange, findet
De Bischemer

Eins, zwei, drey, vier Urlaube in einem

Was ma so alles in zwei Woche Urlaub nii packe kann...!

Bii uns, zum Beispiel, erscht ä baar Dag im'e Feriedorf im Salzburger Land. Mit Kinderbespaßung, Schwimmbad unn Sauna. Dert hämmer denne goldene Oktober fir ä baar tolli Wanderunge g'nutzt, bevor's uns ibber Nacht richtig iig'schneyt het.

Im Schneetriie simmer dann witter nooch Kärnten g'fahre, zu de Schwiegerlitt. Des isch bekanntermaße schun uff de Alpe-Südsitt, unn entsprechend het's au kei Schnee meh gää, sondern herrlichi Berglandschafte. Unn Backhendl, Wintergarde, Kartespiele unn "Oma satt" fir d'Kinder.

Schun ball aber immer witter in de Süde, an d'Adria. Dert war dann widder echter Spootsummer, sodass ma nit nur Muschle hänn süache kinne, sondern noch emol richtig in's Meer nii gange sinn! Däzüe "Bella Italia", Mortadella, Pasta unn italienischi Müssig - Dolce Vita, kann ich nur sage!

Dänooch het sich d'Reiserichtung widder umdrillt, 's isch widder langsam heimwärts 'gange. Nadierlich widder mit Zwischestopp bii de Oma, sunscht hätte die Kinder garantiert rebelliert! Unn will am Samschdit, wu mir entgültig heim g'fahre sinn, so traumhaft's Wetter g'sii isch, simmer nit uff'em direkte Weg durch de Tauern-Tunnel, sondern obe dribber via Obertauern durch d'Berge g'fahre! Mit Picknick im Schnee bii strahlendem Sunneschiin unn Fernsicht! Kann's ebbis Scheener's gää??
Schaue nur selber mol:

Unn wenn ich dann noch bedenk, dass ich selber direkt vor dem Urlaub au noch in de Rhön zum Wandern war, dann hab ich eigentlich vier Urlaub in einem einzige g'haa!


So losst sich's lebe, findet
De Bischemer

Ich hätt jo gern, aber...

... 's isch halt eifach nit 'gange!
Ich hätt Eych jo gern ebbis g'schriebe, aber ich hab kei Züegang zum Internet g'haa.
Mit sinn für ä baar Dag an de Adria g'sii, noochdem mir bii de Schwiegerlitt in Öscht'rich ä Zwischestopp iig'legt g'haa hänn.
Unn do in Grado, do het's absolut nirgends ä offe's WLAN gää.
Nit mol ditsches Fernsehn, aber bis uff's Länderspiel hab ich des au nit vermisst!
Aber unni Internet, do fehlt einem doch ebbis...

Aber jetzt geht's jo widder, strahlt
De Bischemer

Sammler, kei Jäger

Im Moment genieße mir de goldene Oktober im Öschtrich. Bevor man morge zu Sandra Eltere fahre, simmer noch fir vier Däg im Salzburger Land.
Hit ware ma eigentlich nur kurz uff'em Panorama-Weg ums Dorf unterwegs, do lache uns uff ei Mol iiberall d'Heidelbeere an. Unn wu mir so am pflücke nun schnaige sinn, do entdecke mir direkt dänebe d'scheenschte Steinpilz unn Pfifferling! In ä baar Minüte hämmer so viel g'sammelt, dass es für ä üppig's Schwammerlgulasch g'reicht het!
Direkt vun Mudder Natur uff unseren Disch, also...

So hämmer's am liäbschte, weiss
De Bischemer

'S Wandere in de Rhön...

...sich bii Rege nit so scheen!

Am Wocheend, do war ich mit 'eme Handvoll Bischemer Männer wandere. In unsere Partnerstadt, Bischofsheim in de Rhön.
Unn was war? Genau am Friddig, wu mir d'gelöscht Wanderung g'macht häng, do het's de ganze Dag g'rägelt! So durchg'weicht bin ich mir schon lang nimmt vorkomme...
Zur Sicherheit hämmern dann halt extra viel Flüssigkeit in Form vum lokale Kloschterbier züe uns g'numme, damit de hydrostatische Druck widder üssg'liche war ;-)

Alles in allem war's ä güäter Üssflug, findet
De Bischemer

x + x = nix!

Hänn Ihr schun mol ebbis vun de "Zahnlücke-Pubertät" g'heert?

's schiint, dass d'Le im Moment grad ganz stark in derre Phase drin steckt! Ma sott echt nit glaube, wie bockig, dickköpfig unn zickig so ä klein's Maidli sii kann!
Mir heere jo vun andere Eltere, dass ihri Freundinne grad genau so schimm sinn - aber macht's des wirklich besser?
Ob des tatsächlich an denne zwei x-Chromosome hängt, kann ich nadierlich nit sage. Schließlich hab ich nooch de 11. Klass Biologie abg'wählt, unn mich uff Physik konzentriert, grins... Es isch aber uffällig, dass ich so G'schichte vun de Büäbe in ihrem Alter fascht gar nit heer, unn bii'm Lu het's so ebbis au nit gää!

's kummt au noch ä anderer Aspekt däzüe: Bii mir isch d'Le jo im Normalfall noch halbwegs umgänglich. Ihr "Paaapiiii" isch halt ihr Ein unn Alles, do will sie ihr Engili-Image mit alle Mittel bewahre. Aber mit de Sandra, do kann sie sich jo zanke, dass d'Fetze fliege!
Des geht schun morgens los, wenn's um's Anziäge unn Hoor mache geht. Wenn d'Sandra sich drum kümmert, dann düürt's mindeschtens ä Viertel Stund, unn wenn ich des ibbernimm, simmer unni Zicke in fünf Minute fertig. Des isch streßfreier fir alli, darum het sich des inzwische au fescht etabliert.

De Dag lang, wenn ich nit daheim bin, geht's dann , schiints, grad munter so witter, unn d'Sandra kriegt dann mehr als ei Mol z'heere: "Aber wehe, wenn Dü des 'em Babba verzehlsch...!" - Emgili-Image, halt!

Was soll ich sage? Wiiber, Wiiber, alli ein Kaliber, weiß
De Bischemer