Senegal

Drey Woche Rucksachurlaub im Senegal unn in Gambia. Die kinne ganz scheen lang sii! In minnem Fall ware sie sogar so lang, dass ich mich am End richtig uff de Heimflug g'freyt hab. So ebbis het's noch nie gää, unn es isch au 's einzige Mol bliibe, wu ich so ebbis erlebt hat!

's het schun kurz nooch de Ankunft in Dakar ang'fange. Am erschte Obend, mir sinn grad durch d'Stadt flaniert, do sinn ä baar Einheimische handgreiflich worre unn hänn mir de Geldbittel klaue welle! Einer isch mir zur Ablenkung am Hosebei' g'hängt, unn de andere het im selbe Moment schun sinni Hand in minnere Hosedasch g'haa! Hätt ich nit grad vorher im Reiseführer ibber denne Trick g'lese, de Geldbittel wär furt g'sii...!

Ganz allgemein sinn die Lytt im Senegal ziemlich uffdringlich g'sii. Ich find's jo scheen, wenn Einheimische Interesse an de B'süacher hänn (umgekehrt isch's jo genau so...), aber im Senegal hämmer wirklich NIT EI Mensch kenne g'leert, der nit uff irgend ei Art Geld vun uns welle het! Sogar die, wu am Anfang noch g'sayt hänn: "Ich will kei Geld vun Eych, ich möcht nur ebbis ibber Eych erfahre!", hänn am End Geld welle. Entweder für Bleystifte in de Schüäl, d'Heimfahrt mit'em Bus, 's Obendesse oder am End sogar ä Iiladung nooch Ditschland!

Des war so nervig, dass mir uns fir ä baar Dag sogar in'eme Luxusressort am Strand iiquartiert hänn, wu ä Wächter am Iigangstor steht. Nur, damit ma mol unseri Rüäh hänn! Wie verruckt isch des denn?!?
Jetzt hab ich mich schun widder ä weng in Rage ibber de Senegal g'schriibe, un däbii hab ich Eych noch gar nix vum Busfahre dert verzehlt..


Aber des isch Material fir d'nägschd G'schicht, findet
De Bischemer