Magnum in Rente??

Hänn Ihr's g'heert? De Tom Selleck wird hit 65. Ganz klar, Tom Selleck isch unn bliebt de Magnum!


Fünfesechzig...! Kinne Ihr Eych vorstelle, dass de Magnum mol in Rente geht? DER Detektiv üss Hawaii?? Ehnder kinnt ich mir vorstelle, dass er sin Bruschthoor, inzwische grau meliert, immer noch üssem Hawaiihemd rüsshänge loßt, ä weng langsamer vor de (alt unn fett g'worrene) Dobermänner vum Higgins weghumpelt unn immer noch mit de junge Clientinne rumschäkert. Nur de Ferrari, den hätt er inzwische wahrschiens gege ä Golfwägli üssdüscht. De TC däd jetzt wohl Pauschalreise durchführe, unn de Rick wär G'schäftsführer vun 'ere Wellnesshotelkett. Aber mit'm Higgins däd sich de Magnum noch immer stritte, will de Magnum iiberall sin Gebiss, sinni orthopädische Iilage unn sinni Hawaiihemde liege loßt...

Besser, 's bliebt bi de güäde Erinnerunge, meynt
De Bischemer

Adé, Adam!

De Adam rittet nimmi... oder aber, er rittet in de ewige Jagdgründ... Er het fir immer sinner Hüät g'numme...

Worum geht's?
Erscht vor kurzem hab ich ibber Bonanza g'schriebe, unn geschtern kummt die Meldung, dass de Pernell Roberts (der wu de Adam Cartwright g'spielt het) g'storbe isch.

Eigentlich war der jo für mich immer de unuffälligschte vun denne Cartwrights. Des het aber viellicht au do dämit z'düä, dass er schun ziemlich friäj üss de Serie üssg'stiege isch, will sinni Roll ihm nit basst het. Vielleicht hab ich ihn darum als Kind au nit so in Erinnerung wie de Little Joe oder de Hoss...
Bim Spiegel online hab ich ä interessanter Artikel ibber 'ne g'lääse, s'schient, als wär er ä echt fiiner Kerli g'sii!

Also dann: Hüät ab, wu immer Dü jetzt au bisch, Adam, griäßt
De Bischemer

Schnee macht kreativ...

... mich zumindescht:



Winterfreid
Wer het so viel Schnee bestellt?
Schau, ä Winterwunderwelt!
D' Kinder mache Schneeballschlacht,
Horch, wie jeder giigst unn lacht!
Nur die Vögili im Garde
Schiene uff de Frühling z'warte.
D'Noochberskatz, die scharz-wiss-rot,
Schittelt schnippisch ihri Pfot...
Unn schau dert, ä Hasespur!
Was macht der im Garde nur?
's isch schon so ä recht's Idyll,
So wie ich de Winter will!

Unn dann git's do noch die Stadt in Irland, nach der die b'sundere Gedichtli benannt sinn.. Nai, nit Cork... Limerick (Achtung, ganz anderer Rhythmus als vorhin!):

Schnee-Limerick 1
Jetzt schaut nur die schneewisse Pracht,
Gliich 'nüss unn ä Schneeballschlacht g'macht!
Dann schnell uff de Schlitte
Unn ab durch die Mitte,
Bis jeder im Schnee liegt unn lacht!

Schnee-Limerick 2
Wenn ich sieh do drusse den Schnee,
Will gliich Schlitte fahre ich geh'!
Mit'm Lu, minnem Zwerg
Renn ich nuff uff de Berg,
Dann sause mir runter, juchhee!


Ä scheener Winterdag im Schnee wünscht Eych
De Bischemer

Byzanz? Konstantinopel? Istanbul!!

Istanbul isch jo eini vun minnene Lieblingsstädt, wenn nit gar DIE Lieblingsstadt ibberhaupt! Ich war jetzt schun acht oder nien Mol dert, unter anderem hab ich au de Babba schun mit hin g'schleppt.
's letschte Mol aber war ich dert mit de Sandra, uff "Quasi-Hochzittsreis". Isch schun widder meh als sechs Johr her, unn inzwische däd's mol widder Zitt werre... Mir hänn au fescht vor, dies Johr mol widder hin z'fliege, abber unni Kinder. In Istanbul git's eifach z'viel z'düä, was mir unni die Knepfli mache welle, oder wu ma eifach flexibler sii müäß!
Ällei schun die viele Iidrück...: De Geruch vom G'würzbasar, 's G'schrey vum Muezzin an alle Ecke, de G'schmack vum frisch broodene Fisch am Bosporus, 's Schaukle vun de Bosporusfähre, 's G'fühl vun all denne Orientteppich im große Basar, unn dann iberall die Paläschte unn Moscheeä. Ich hab des grad alles widder vor minnem geischtige Aug...


Unn wenn ich dann noch an des Baklava zum Noochtisch, die Wasserpfiffe unn des leckere Esse denk, dann kinnt ich gliich widder ä Flüäg buche!
Ällei schun durch die Sträßli um d'Blau Moschee z'laufe, irgendwo in ä Türkisch's Bad (Hammam) nii z'gehn oder eifach ämol nibber uff d'asiatisch Sitt z'fahre, des isch einmalig! Unn mit jedem Mol dert hab ich au ä weng meh vun dere riesige Stadt erforscht unn entdeckt. Aber bii all dem, was Istanbul bietet kinnt ich noch hundert Johr lang hinfahre unn däd immer noch ebbis Ney's finde!

Also nix wie hin, meynt
De Bischemer

Monatsgedicht: Januar

Ich hab vor, dies Johr fir jede Monat au ä Gedichtli z'schriebe.
Fir de Januar isch es fertig, ich müss nur ä weng pressiere, will's Wetter jetzt so langsam nimmi zu dem basst, was ich g'schriebe hab. Aber isch jo egal. Los geht's:

Januar
Scheener, kalter Wintermorge,
Endlich mol nach drusse gehn!
Frischi Luft vertriebt die Sorge,
Ach, wie isch de Jänner scheen.

Ja, so g'fallt mir au de Winter,
D'Däg sinn widder länger hell,
Schau, im Schnee, do spiele d'Kinder,
Es geht uffwärts, merkt ma! Gell?

Schluss isch jetzt mit winterschloofe,
Ma bewegt sich widder gern,
Kumme vor vun hinter'm Ofe,
Dass Ihr widder munter wer'n!


Viellicht kriege ma jo noch meh Schnee, spekuliert
De Bischemer

Die arme Haitianer!

Hit nacht war in Haiti jo ä Erdbebe. De hänner sicherlich in de Nachrichte g'heert.
Des het au de Lukas mitbekumme. Unn glich het er spekuliert, dass dodurch au in Kuba ebbis bassiert sii kinnt. Jetzt will ich Eych kurz verzehle, wie de Lukas do druff kumme isch:
De Lukas will nämlich jede Obend vun mir ä G'schichtli vun irgend einem Land heere. Do däfir süächt er sich dann an sinnere Weltkart ä Landesfahn üss, unn vun dem Land müäß ich ihn dann ebbis verzehle. (Ihr sähne schun, den Kerli erziehe mir gliich zum Weltebummler...)! Darum het er au g'wisst, dass Haiti gliich um d'Eck vun Kuba liegt.
Jedefalls het er kürzlich üff d'Fahn vun Haiti dittet unn het g'meynt: "Baba, weisch Dü, ich find, des isch in Amerika die langwiiligscht Flagg". Kann ich jetzt eigentlich nit finde, aber egal:

Ich hab ihm also verzehlt, dass ma in Haiti französisch schwätzt, dass d'Hauptstadt 'Port au Prince' uff ditsch "Hafe vum Prinz" heißt, unn dass Haiti eins vun de ärmschte Länder uff de Welt isch.
Do meynt de Lukas: "Ja, Baba, unn will die dert so arm sinn, darum kinne sie sich wahrschiens au kei interessanteri Fahn leischte!"

Jetzt sinn die Haitianer also eh schun so arm, unn jetzt au noch des Erdbebe, bedüürt sie
De Bischemer

Bonanza am Samschdig obend

Des scheene am Kind-sii isch jo, dass es so viele Sicherheite gitt. Wenn Dir ebbis weh düät, dann kümmere sich Baba unn Mama drum, wenn Dü Hunger hesch, kriegsch ebbis z'esse, unn de Dag, d'Woch unn s'Johr hänn ä ziemlich g'regelter Ablauf. Des gitt Sicherheit.
Bii uns daheim war vor allem de Samschdig obend klar g'regelt:
Mir vier Kinder hänn badet (oder sinn badet worre, wu mir noch kleiner ware... vier Stöpsel in einere Wann...!), dänooch het's zum Obendesse Wienerli oder G'salze's gää (nur am Samschdig, frisch üss de Metzg'), unn im Fernseh isch dann Bonanza g'kumme.
Genau des Bonanza mit'm Hoss, dem Little Joe unn de andere Cartwrights het bii uns ä feschter Platz g'haa. Vor allem, will de Baba des so gern g'schaut het. Und mir hänn mit schaue derfe. Dann simmer do uff'em Kanabee g'hockt wie d'Orgelpfiffe, unn ällei schun der Anfang mit de Bonanza-Müssig un dere brennende Landkart het g'reicht, dass sich alli g'freyt hänn.


Unn ä b'sunderi Freyd hämmer immer am Hop Sing g'haa, will der so witzig g'schwätzt het. Ich glaub, wu mir kleiner ware, do simmer direkt dänooch ins Bett, will unser fescht's Programm jo erledigt war. Erscht später dann sinn die Samschdigobend-Sendunge wie "Am laufenden Band", "Wetten dass" unn so g'kumme.

Wie eifach des Läbe mit drey Programme doch war, grinst
De Bischemer

Jedem sin Audi!

De Obba fährt ä Audi. Unn mir fahre au ä Audi. Unn zu Wiihnachte het sich de Lukas dann au noch ä Audi g'wünscht. Audi Q7, ferng'steuert! Den het er im Aldi-Prospekt g'sähne, und sither war des Prospekt fir ihn fascht so wichtig wie 's ADAC-Heftli, was monatlich kummt unn jo schun längscht "sinn Heftli" isch. Wochelang het er des Prospekt rumtrage, het sogar noch ä zweit's mitg'numme, fir alli Fälle, unn jede Dag het er jedem verzehlt, was er mit dem Audi wohl mache wird, wenn er 'ne het.


Nadierlich bin ich gliich hin un hab einen kauft, 'em Lukas aber nix verroote. War schließlich ä güät's Mittel, um ihn zur Räson z'bringe.
Aber irgenwann hämmer's ball nimmi heere kinne: "Wenn ich des mache soll, dann will ich aber au den Q7"... "Wenn ich den Audi nit bekumm, dann rüüm ich aber au nit min Zimmer uff...", "ob 's Christkind wohl de Q7 bringt?"... unn so widder unn so furt.
Als er widder mol richtig bees war unn ich gmeynt hab: "Also wenn Dü Dich so benimmsch, dann kannsch den Audi jo wohl vergesse...!", do war er so verzwiifelt, dass ihm vum Hiile d'Träne ibber d'Backe g'loffe sinn!
Entsprechend groß war dann au die Freyd, als er am Heiligobend den Audi üsspackt het. Sofort het er d'Fernsteuerung packt unn isch losg'fahre. Die andere G'schenkli hänn ihn gar nimmi int'ressiert. Un will mir am nägschte Dag glich nach Öschtrich zu Oma unn Obba g'fahre sinn het er ihn nadierlich glich iipackt, unn dert isch's genau so widder gange.

So eifach kammer manchmol Kinder glücklich mache, strahlt
De Bischemer

Striiwili in Amerika

Ich hoff, jeder vun Eych kennt Striiwili, oder??


Die hab ich üsserhalb vum Badnerland jo fascht noch nie g'sääne. Aber vor ä baar Johr, do war ich g'schäftlich in Amerika. In Tucson, Arizona. Eigentlich ä riesig's Kaff (fascht ä Million Iiwohner, aber nur ä winzig's "echt's" Stadtzentrum. Mitte in de Wüschte, aber grad deshalb im Winter echt aag'nehm... Vor allem, will's halt kei so Sauwetter gitt wie bii uns, sondern eigentlich immer d'Sunn schient. Aber des will ich jo eigentlich nit verzehle...
Dert war ich also uff'eme Strooßefescht, unn do kummt mir ebber mit'eme Striiwili uff'm Deller entgege! Ich denk, ich sieh nit richtig! Gliich hab ich'n g'frogt, wu's die gitt, unn er het mir de Stand zeigt. "Funnel cake", also "Trichterkiachli", hänn sie des g'nennt! Gliich eins b'stellt unn 'gesse! Hmmm, wie daheim. Do sinn Erinnerunge an 's Badnerland hoch kumme!

Nur daheim, do hämmer so ebbis noch nit g'macht. Git eifach z'viel Sauerei, findet
De Bischemer

Alles Güäde im neje Johr!

So, jetzt bin ich also widder heil daheim aag'kumme. War ä ganz scheen anstrengendi Fahrt, heim vun Öschtrich. Do hämmer d'ganz Zitt kei Schnee g'haa, unn grad uff de Heimfahrt macht's so naa, dass ma in Bayern noch ibbernachte hänn miän. Aber ich hab jo nit 500 Kilometer hinter'm Schneepflüäg her fahre welle.

Wie auch immer, ich hoff, Ihr sinn alli güät in's neje Johr nii g'kumme.
Ich wünsch Eych nur s'Bescht däfiir, unn dass Eych alli Eyri Vorsätz au g'linge! Gehn mutig Eyri Ziele an, unn vergesse nit: Au de allerlängschte Weg fangt mit'm erschte Schritt an!


Mache 's Bescht drüss, wünscht
De Bischemer

Johresend

Sylvester

Unn schun widder isch's Sylvester,
Wie in all den friäjer'n Johrn
Häng dich nit zu arg an's "geschtern",
Drill Dich um unn schau nach vorn!

Hak sie ab, die alte Sorge,
Gib ihn uff, den Blick zurück,
's neje Johr beginnt schun morge,
Geh voran unn find Din Glück!

Wenn Dü willsch, kannsch viel bewege,
Besser mache, was verkehrt.
Lauf doch mol uff neje Wege,
Wirsch schun sähne, 's isch es wert!


Ä güäter Rutsch ins neje Johr wünscht Eych alle
De Bischemer

Rutschpartie

Live üss Öschtrich:
Eigentlich bin ich jo vun Natur üss ehnder ä Langlaufskifahrer als Abfahrer. Aber des was hit bassiert isch, des kinnt ma de Spaß do dran grad verderbe!
Ich war mit minnem Schwiegervadder langlaufe, do obbe in Kärnten. Aber wills d'letschte Däg bis hoch nuff nur g'rägelt het war die ganz Loipe ä einzigi Iisbahn. Zwar manchmol mit'ere Langlaufspur, aber halt s'pure Iis!
Ich glaub, des war 's erschte Mol, dass mir's bergnuff meh Spaß g'macht het als naa!
Unn irgendwann hab i au uffg'hert z'zähle, wie oft ich hinkejt bin!
Wer isch au uff die bleed Idee kumme, mit zwei lange, wacklige Brettli d'Berg nab z'rutsche??? Des isch doch quasi schun ä selber üssg'süachti Selbstverstümmelung...
Ihr sähne, so richtig Spaß het's hit nit g'macht! Genauer g'sait:Ich glaub, ich bin sither drissig Johr (so lang fahr ich schun Langlauf, wenn au nit regelmäßig) noch nie so schlecht g'fahre! Bin mol g'spannt, wie viel blaui Flecke do devun ibrig bliebe!

Aua, aua, aua, bedüürt sich hit selber
De Bischemer

Frohi Wiehnachte!

So, unn bevor sich jetzt jeder in die Fierdig verabschiedet will ich Eych alle noch
wünsche! Hoffentlich kriege Ihr alli viel G'schenkli, unn am beschte noch genau die, wu Ihr Eych g'wünscht hänn!
Unn für's neye Johr schick ich Eych nadierlich nur d'beschte Wünsch, aber vor allem, daß Ihr au im nägsche Johr noch g'sund unn fit bliebe. Ihr wisse jo: G'sundheit isch nit alles, aber unni G'sundheit isch alles nix!
Unn vergesse nit, an Wiehnachte geht's eigentlich un des do:


In dem Sinn, frohi Feschtdäg wünscht Eych
De Bischemer

Badisch's Esse

Au wenn ich jetzt schun 16 Johr nimmi "daheim" wohn, so hab ich doch ä baar Sache mitg'numme. Ä baar ganz spezielli Rezepte, zum Beispiel.

Als erschtes falle mir do d'Quetschkartoffle ii. Des sinn Salzkartoffle, die mit Speck, Zwiebble unn Butter abg'schmelzt unn dann mit'm Stampfer verquetscht werre. Doher de Name. Die Quetschkartoffle werre dann mit Buttermilch g'löffelt. Hört sich viellicht komisch an, isch aber super lecker! D'ganz Familie isst die bii uns gern! Probiere's doch eifach mol üss!!

Noch so ä speziell badisch's Esse isch Rieberlisupp. Do wird ä feschter Nudelteig durch ä Kuchiriebi in d'Supp g'riebe unn offg'kocht. Inzwische git's die Rieberli sogar schun im Päckli z'kaufe, aber wenn schun, dann selber g'macht, gell??

Aber eins vun minnene Lieblingsesse vun daheim isch eifach Schiefili mit Kartoffelsalat. Am letzsche Wocheend hämmer üss Eberschopfe eins mit brocht, des git's jetzt demnägscht am Heilig Obend! Hm.. do lauf mir letzt schun's Wasser im Mund z'sämme!!

Dann git's noch ä Esse, vun dem weiß ich gar nit, wu's de Name her het: Dummis. Des isch eigentlich ä feschter Kaiserschmarre, der in'eme Deller kalter Milch g'esse wird. (D'Mama het jo g'sait:"Wahrscheins ware die Litt z'dumm, um ebbis anders z'koche, unn do isch de Name her kumme...") Im Summer isch es echt erfrischend. Aber will minni Frau jo üss Öschterreich isch macht sie halt ä legendär güäter Kaiserschmarre. Unn denne isst ma halt mit Zwetscheröschter, nit mit Milch...

Aber Hauptsach, 's schmeckt, strahlt
De Bischemer

Es het g'schneyt!

Endlich het's mol widder g'schneyt,
's ganze Dorf isch wiss, wie scheen!
Schau wie hoch des Pulver leyt,
Loss uns Schlitte fahre gehn!

Üss dem erscht Schnee, dem frische
Wird mol schnell ä Schneeball g'macht.
Den uff irgend ebber g'schmisse,
Unn schun git's ä Schneeballschacht!

He! Ä Schneeball in de Krage,
Schun lauft's kalt de Buggel nab...
Sollt des noch mol ebber wage,
wird er iig'seift, nit zu knapp!

Noch ganz schnell ä Schneemann baue,
Denn schun wird er nass, de Schnee.
Unn dann heim, um uffzutaue,
Am Kamin mit heissem Tee!



Viel Spaß mit der wisse Pracht wünscht Eych
De Bischemer

Zweipfünderli...reloaded

Am Wochenend war ich mol widder in Eberschopfe. Unn als ich minnere Schwester die G'schicht vun "Zweipfünderli unn Brausestäbli" verzehlt hab, do het sie mir noch ä Detail gää, was ich schun widder vergesse ghaa hab:
Wenn d'Mama uns zum Brot hole g'schickt het, dann het sie uns immer ufftrage: "Unn sag: Ä Zweipfünderli, aber ä frisches!" Die Bäckersfrau het uns Kinder nämlich sunscht gern ä Brot vom Dag dävor andrillt. Mir hänn des jo noch nit so g'merkt, unn wenn, dann hämmer uns nit wirklich wehre kinne.

Aber au die Zitte sin längscht rum, seufzt
De Bischemer

Glück am friäje Morge

Morgens, kurz vor sechs. D'Lea isch nooch 'eme kurze Wortwechsel ("Papi...!?" ... "Lea, kumm hoch...!") bi mir ins Bett g'schlupft. Drusse isch es noch dunkel, de Mond schient durch's Fenschter unn molt ä silbrig's Viereck an d'Wand. 's ganze Hüüs isch noch still.
Links vun mir liegt minni "Hauptfrau" unn schlooft selig. D'Bettdeck wie immer bis ans Kinn nuff 'zoge. Nur ihr G'sicht, entspannt un friedlich, kann ich im Mondlicht sähne.
Rechts vun mir schnuckelt sich minni klein' "Nebefrau" fescht an mich, unn ihri fiine Hoor kitze mich im G'sicht. Ihri Bubb hebt sie fescht im Arm, unn ab unn züä stüümt sie leis, will sie ebbis traimt.
Im Halbschloof genieß ich denne magische Moment unn kumm mir fascht vor wie ä Bigamischt, so mit zwei "Fraue" z'sämme im Bett.
Im nägschte Augeblick lupft d'Lea ä weng d'Deck', unn ä scharfer Luftzug vun ihrer volle Windel stieg mir in d'Nas.
Unn schlagartig isch's rum mit de Magie!

Unn trotzdem isch des mit die scheenscht Zitt am Dag, strahlt
De Bischemer

Wiehnachtsmärkt

Irgendwie isch es jedes Johr 's gliche:



Wihnachtsmärkt
Wie jedes Johr zur Wiehnachtszitt
So isch's au widder jetzt so witt.
Ihr hänn des sicher schun bemerkt:
Sie mache uff, die Wiehnachtsmärkt.
Am erschte Stand git's "Reibeküache",
Die müäß ich jedes Johr versüache.
Dann noch ä Wurscht vum Brootwurschtgrill,
(als ob ich do nur esse will...!)
Viel wichtiger: Die Glühwiinständ...
Wie güät, wenn ma de beschte kennt!
Ma triff viel Litt, ma het het viel Spaß,
Längst bliebt es nit bii ein're Tass.
Willsch fir d'Familie ebbis kaufe,
Kannsch stundelang die Ständ ablaufe.
Ob Kerze, Lampe, Zuckerwatt,
Vun allem git's do "Üsswahl satt"!
An jeder Eck git's Chrischtbaumstern',
Die kaufe d'Litt wohl b'sunders gern.
Küüm hesch ä G'schenkli in de Hand
Stehsch' schun am nägschte Glühwiinstand.
Doch halt, wu bliebt de echte Sinn?
Na los, noch schnell zum Kripp'li hin!
Mir langt de Trubel, ich geh heim,
Wu ich in Rüäh vun Wiehnacht draim!

Isch's bii Eych genau so? frogt Eych
De Bischemer

Badischi Heimatkunde anno 1927

Hit will ich Eych ä kleiner Schatz vun mir zeige. Vor ä paar Johr hab ich im Internet ä Büach g'kauft: "Heimatkunde für Baden" vun anno 1927:


Des isch ä richtig dick's Büach, mit Kapitel ibber Baden (klar...), Ditschland (so, wie's dertmols üssg'sähne het), Europa (Zitat: "Straßburg, 1918 verloren") unn d'ganz Welt.
Nadierlich isch die Sütterlin-Schrift nit ganz so licht z'lese, aber 's isch eifach spannend, die Stimmung üss dere Zitt mit z'bekumme:
Am ärgschte het de Ditsche dertmols, schient's, de Verluscht vun de Kolonie weh düä. Togo, Ditsch-Südwest, Kamerun... Was hänn die Ditsche angeblich fir güäti Entwicklungsarbeit g'leischtet... schriebe sie dert!

Do hänn er noch ä baar Bilder üss dem Büach (durch Druffklicke kinne Ihr sie größer anschaue):




Aber am beschte g'fallt mir immer noch des Foto vunn de "baden-württembergische" Grenz:


Isch des nit echt ä Schatz? frogt Eych
De Bischemer

Rudi, the red nosed Eichhörnli

Geschtern sitze mir alli so gmiätlich am Frühstückstisch, do sieh ich, wi an de Noochberswand ä Eichhörnli rumklettert. Quer, mit 'eme Thujazwiig im Müül, un mit 'me Affezahn isch's im Efeu verschwunde!
Nadierlich simmer alli glich uffg'sprunge unn ans Fenschter g'stande, un nooch 'ere Schrecksekund (klar, wenn ma so ang'stiert wird...) het's Eichhörnli widder g'macht. Het Efeuzwiigli abbisse unn isch dämit in's Efeu nii g'klettert. 's schient, es het sich dert ä Nescht baut.
D' Kinder hänn 's glich "Rudi" daift, unn hoffentlich kinne mir 's jetzt noch öfter beobachte. De Hit wär nadierlich, wenn's irgendwann mol Eichhörnlibabys gäb, aber so wit welle mir noch gar nit denke... Erscht mol müäß de Rudi ibber de Winter kumme.

Do kinne Ihr au dem Rudi bim Neschtbau züälüäge:


Natur isch halt eifach scheen, schwärmt
De Bischemer

Derfe die des??

Eigentlich bin ich jo der Meinung, dass Queen-Müssig unni die Stimm vum Freddie Mercury gar nit geht. Also so ebbis wie Cover-Songs oder so... Aber bi der Truppe mach im mol ä Üssnahm. Des isch eifach superklasse, find ich:



Also wenn's nach mir geht: Ja, die derfe des, strahlt
De Bischemer

De Badner-Tescht

Bisch Dü ä echter Badner? Jetzt kannsch mol schaue, ob Dü de Badner-Test bestehe dädsch:

Wu isch denn die Fabrik mol g'sii?
Kumm, sag's mir halt, unn fahr mol hii.
Unn wu die Feschtung friäjer war,
Isch jedem echte Badner klar!
Vun wu kummt's staatlich' Bier für'n Durscht?
Mit "U" süach ich fünf Sorte Wurscht.
Wer war de gröschte Mundartdichter?
(Ich weiß, die erschte ware lichter...)!
Vum Revolutionär de Name,
(Wer klasse isch, kriegt's Lied noch z'samme!)
Was isch denn bloß de "Zischdig" noch,
De wievielt' Dag in uns're Woch?
Unn, als Symbol ganz b'sunder güät,
Was hänn denn d'Maidli uff'em Hüät?
Nur den Begriff für d'Elsass-Litt,
Den froog ich anstandshalber nit!
Wer jedi Antwort mir kann sage,
der därf de Titel "Badner" trage!



Gell, des isch nit so schwer, froogt
De Bischemer

Drey Musketiere

Als ich noch klei war het's jo ganz andere Sache z'kaufe gää wi hit. Dass Twix friäjer Raider g'heiße het weiß inzwischen jo wahrschiens jeder noch (oder wenn er z'jung isch, widder). Do het jo die Herstellungsfirma vor kurzem sogar ä "Raider limited edition" rüsbroocht. Marketing, perfekt züäg'schnitte uff die Raider-Generation, also!

Min Favorit war aber des "3 Musketiere", so ä Karamellzopf mit Schock'ladeguss. Unn ich hab's jo fascht nit glaubt, bim Süache im Internet hab ich sogar noch ä Foto dävun g'funde:


In Eberschopfe het's des, glaub ich, nur in's Schriener-Karli's Lade gää. Ganz hinte links, in unterschte Regal isch es g'läge. Het au nur ä baar Pfennig 'koscht. Aber soo güät war's!
Unn irgendwann war's dann eifach weg. Vun einem Dag uff de andere, hab ich's G'fühl g'haa... Aber wahrschiens hab ich eifach lang keins meh' g'esse, un wu's mir widder iig'falle isch het's es halt nimmi gää.
Hit git's wohl so ebbis Ähnlich's, des nennt sich "Curlywurly". Aber wie soll's anderscht sii: An die herrliche Erinnerunge vun friäjer kummt's sicher nit ran! Aber was soll ma mache, wenn ma 's Original nit bekumme kann?

Dann müäß ich halt des Curlywurly mol probiere, räsonniert
De Bischemer

Jetzt isch es echt Herbscht!

Unn wenn's jetzt schun Herbscht isch, dann sollen'ihr au ä echts Herbschtgedicht lese:

's letschte Blatt
Am Epfelbaum hängt's letschte Blatt,
De Rescht liegt längscht schun uff de Matt.
Es zappelt hin, es zappelt her,
De Abschied fallt ihm, schient's, noch schwer!
Vun alle Sitte rupft de Wind,
Fascht wie am Hosebei 'es Kind.
Unn doch, es loßt noch längscht nit los,
Was wehrt sich denn des Blättli bloß?
Wie ka' ma sich denn nur so ziere,
Was het es jetzt denn noch z'verliere??
Obwohl - MIR hänn ä warmer Ofe,
Des Blatt miäßt uff 'em Bode schlofe.
Statt Federbett unn warmem Tee
Will's wenigschtens ä Deck üss Schnee.
Unn doch, des wisse schun die Kinder:
Erscht müäß es Herbscht sii, dann wird's Winter!
Drum, Blättli, loss Dich jetzt halt keye,
's fangt schun noch friäj g'nüä an zu schneye!

Mache eifach 's Beschte üss dem Wetter, bliebe im Bett, grinst
De Bischemer

20 Johr sither Irland

Zwanzig Johr isches schun her, dass ich in de Zivi-Zitt mit'm Ralf in Irland war. Vier Woche lang ware ma mit'm "Strich-8"-Benz unterwegs, der war glichzittig Fahrzeyg, Kuchi, Lager unn Schloofzimmer. Mit runterdrillte Sitzlehne het ma ä richtig langi Liegefläche als Bett g'ha... Aber um ehrlich z'sii, des tägliche Guinness het schun arg g'holfe, dass ma güät g'schloofe hänn... unn nadierlich, dass ma fascht jede Obend an de scheenschte Plätz (wenn meeglich a'me Platz uff de Klippe hoch ibber'm Meer) parkt hänn. Hostels hämmer nur ä baar Mol vun inne g'sähne, unn dann hauptsächlich zum dusche...


Obends, wemma dann "bettfertig" ware, dann hämmer immer noch "On the turning away" vun Pink Floyd in de Liveversion vun Cassette g'heert, in de Sternehimmel g'schaut unn vun unsere (damalige) Krankeschwestere 'draimt. Noch hitt isch des Liäd fescht mit Irland verbunde...
Unn was hämmer fir ä Glück mit'm Wetter g'ha! Nur zwei oder drey Dag het's g'rägelt, sunscht war's schun fast verdächtig scheen...!
Meh vunn Irland verzehl ich Eych dann ä anders Mol in dem Blog...

Unn hit obend kummt de Ralf zum Irland-Revival zu mir, freyt sich
De Bischemer

Rabimmel... Rabammel... Helau!

Hit isch jo de 11.11.! Fir Mainzer (in Mainz Lebendi), Meenzer (in Mainz uff d'Welt 'Kummeni) unn Määnzer (die, wu mindestens au d'Eltern schun in Mainz uff d'Welt kumme sinn) isch des nadierlich ä ganz wichtig's Datum: Fassnachtsanfang!
Do sinn die ganze Narre also hitt widder uff de Gass, danze um de Fassnachtsbrunne unn litte d'fünft Johreszitt ii.

Ich selber bin do jo nit so verruckt druff.
Aber hit isch jo noch ä ander's, wichtig's Datum: Sankt Martin. Entsprechend gitt's jetzt iiwerall widder die Laterne-Umzüg. Unserer in Bischem war geschtern obend. Mit Sankt Martin uff'em Ross, mit 'em Kirche-Müssigverein, der wu die ganze Lieder g'spielt het, unn mit wahrschiens hundert Kinder mit Laternli. Fascht alli schunn mit elektrischem LED-Liacht, nitt wie friäjer mit echte Kerze. Do defier isch halt aber geschtern au kei einzigi Latern abbrennt. Het au ebbis fir sich!
Fir uns Eltern war eh wichtiger, dass es hinterher noch Weckmänner, Würschtli unn vor allem Glühwiin gää het. Der Termin isch quasi de Startschuss fir d'Glühwiin-Saison.

Unn was soll ich sage, g'schmeckt het er widder, grinst
De Bischemer

D'Müür isch uff... na unn??

Hit vor zwanzig Johr... Ich hab noch nit im "Exil" g'lebt, sondern war glücklich im "schönsten Land in Deutschlands Gau'n".
Was het's mich do interessiert, dass in Berlin d'Müür uff'gange isch?? Schließlich war des jo 700 km (Luftlinie) bzw. 900 km (Audobahn) witt weg. Witter weg vun Berlin kamma in Ditschland jo au nit sii wie im Badnerland.
Wenn ich nadierlich g'wisst hätt, was fir Üsswirkunge die G'schicht uff ganz Ditschland het, dann wär des ebbis ganz anders g'sii! Wenn mir dert schun klar g'sii wär, dass ma am End iberall unn lleritt dänne säxische Dialekt heere müäß, dann wär ich wahrschiens direkt nach Berlin g'fahre unn hätt d'Grenze züä g'halte... :-)
Nee, Späßli g'macht!


Im Noochhinei find ich's echt schad, daß der historische Moment dertmols so an mir vorbey 'gange isch. So ebbis Wichtig's erlebt ma normalerwies nit zweimol im Läbe, glaub ich! Unn wenn ich denk, daß die Teens unn Twens vun hitt sich gar nimmi vorstelle kinne, daß fir uns die "zwei ditsche Staate" ganz normaler Alltag ware, dann wird ma des noch ämol so arg bewußt!

Aber de "Soli" nervt mich trotzdem immer noch, sinniert
De Bischemer

Dädsch ma mol...?

Au so ä Üssdruck, den's im Hochditsch nit git... Oder het schum emol ebber ebbis g'heert wie: 'Tätest Du mir bitte mal den Hammer reichen'?? Im Badische isch es ganz normal, wemma sait: 'Dädsch ma mol de Hammer lange?'
Ha! Unn widder einer! Ebbis 'lange' (oder au 'irgendwo hin lange') kamma au nit ins Hochditsche ibbersetze... Do klingt doch "reichen" lang nit so scheen, oder?? Aber wuher kummt eigentlich der Begriff?? Heißt des so, will ma sich lang mache müäß, um ebbis z'lange??

Jetzt "langt's" aber widder, grinst
De Bischemer

Schweschternwohnheim

Als Zivi hab ich jo ä ziemliche "Affinität" zu Krankeschweschtere g'haa. Oder genauer g'sait: Zu Schweschternschülerinne.
Die hänn in Lohr jo fascht alli im Schweschternwohnheim bim Krankehüüs g'wohnt. Und entsprechend oft bin ich dert rum g'hängt.
Ma het dert zwar nit so eifach niispaziere kinne, aber wemma an drey, vier Schelle klingelt het, dann isch immer eini do g'sii un het uffg'macht... Dem Schichtschaffe sey Dank! Egal ob obends, wenn sunscht nix im Städtli los war, nachts nooch de Disco, wemma noch Hunger g'ha het, oder mittags, wenn ma sich eifach nur vor'm Zivildienscht het drugge welle...
Unn die Schweschternschülerinne ware domols bekannt däfür, dass sie immer Wiin im Zimmer g'haa hänn. Entsprechend luschtig sinn die Sessions g'sii, meischtens isch noch ebbis kocht worre, aber am wichtigschte ware die Rotwiinflasche, die sich dann irgendwann leer im Gang uffg'reiht hänn.
Nadierlich war des domols kei "b'sunderer" Wiin, ehnder so "Marke Pennerglück, extra lieblich". Ma het's halt drunke, will's zu de Stimmung basst het. Aber ma sott's nit glaube, eini vun denne Schwesternschülerinne het's fertig brocht, sogar de Amselfelder noch mit löffelwiis Zucker uufz'motze!

Hit grüüst's ma schun bi dem Gedanke, schittelt sich innerlich
De Bischemer

Geburtstag!

De Blog vum badische Bischemer isch hitt zwei Johr alt! Er het also eigentlich Geburtstag. Aber wem gratuliert ma do jetzt am beschte? Mir, dass mir so viel Sache iig'falle sinn? Eych, dass Ihr so lang durchg'halte unn mitg'lese hänn?
Immerhin hämmer jetzt fascht die 500 uff'em B'süächerzähler g'schafft!
Do däfir will ich Eych uff jede Fall "danke" sage!


Bliebe nur als widder däbii, 's git noch einiges z'lese, grinst
De Bischemer

Altwiebersummer

D'Veegel sinn schun ziemlich still,
's schient, daß jeder schloofe will.
Morgenäbel, noch ganz dinn
Wabert ibber d'Wiese hin.
Spinnenetz-Diamantcollier,
Uff de Berg de erschte Schnee.
Wolkehimmel, hunniggelb,
Fascht wie d'Stoppel uff'em Feld.
Kalter Wind fegt uns um d'Ohre,
Jeder het ä weng schun g'frore.
's erschste Fiier brennt im Kamin,
Allerorts git's neyer Wiin.
Unn die frische, heiße Keschte
Schmecke jetzt halt echt am beschte.
Bis zum Winter isch's nit lang,
Denke vieli jetzt schun bang!
Drum sag ich Eych, liäbi Litt:
Geht noch nüss, genießt die Zitt!



Do dämit isch alles g'sait, findet
De Bischemer

Libertad!

In'ere Blog-Aktion soll hitt, am 20. Oktober, glichzittig im Internet Freiheit fir Kuba g'fordert werre. Do mach ich nadierlich mit!

Die Forderunge im Details:

- Meinungsfreiheit
- Freier Zugang zum Internet
- Freie Ein- und Ausreise aus Kuba
- Versammlungsfreiheit
- Freiheit für politische Gefangene
- Freiheit für Kuba!

Meh Details (leider nur uff spanisch) git's do!

"Freiheit fir Kuba!" schreyt hit au
De Bischemer

Knischli

Wenn ich friäjer in Ebberschopfe Brot hole gange bin (des Zweipfünderli vum Gaiser-Beck), dann war des noch nit in so Babiergugge ii'packt wie hitt. Domols war immer nur so ä dinns Babier drum g'schlage, was fir die Zweipfinderli au noch z'klei war. Also het an beide Sitte normalerwies 's Knischli rüss g'lüägt. Unn wenn ich dann des (noch warme) Brot heim trage hab, dann hab ich meischtens eins vun de Knischli schun abbibbelt unn 'gesse, bevor ich daheim war.
D'Mama het dann zwar meischtens bruddelt, aber wenn's nur bim Knischli bliebe isch (unn nit noch meh Rinde vum Brot g'fehlt hett), dann het sie eigentlich schun z'friede sii kinne.
Irgendwie schmeckt 's Brot hit eifach anderscht wie friäjer, schient's mir. So zum Anbibble unn Esse g'lischtert mich hitt höchschtens noch ä frisch's Baguette...

Oder isch des nur Noschtalgie??? Frogt sich
De Bischemer

Ode an de Epfel

Was kamma doch fir tolli Sache
Üss frisch gepflückte Epfel mache!
So frisch gepresster Apfelsaft
Der löscht de Durscht unn gitt noch Kraft.
Vum Blech, noch warmer Epfelküache,
Den würd wohl jeder gern versüache.
Un selbscht verkocht, als Apfelmus
Sinn Epfel noch ä Hochgenuß!
Doch wer ihn richtig will genieße,
Muß direkt in de Epfel bisse.
Nur eins, des kamma schwerlich nutze:
Ä abgenagter Epfelbutze!


Viel Spaß mit Boskoop, Jonagold, Cox & Co wünscht
De Bischemer

Wer erkennt's Liäd??

Schun sither ä Wieli will ich mol ä Liäd üssem Englische ins Badisch ibbersetze. Jetzt hab ich's g'macht, unn 's isch ä Liäd fir minni Frau g'sii. Ihr kinne jo mol schaue, ob ihr 's Original rüssfindet:

Oh, denk mol an all uns'ri junge Johr
Domols gab's jo nur uns zwei
Doch au' des isch lang vorbei.

Jetzt wirsch Dü mich ganz sicher nie meh' los
Dü bisch echt min gröschtes Glück,
Wie kinnt's anderscht sii...
Ich kumm immer zu Dir z'rück

Schatz, Dü bisch all's was ich will
Unn ich nimm Dich fescht in de Arm
Ich glaub es noch immer nit: 's isch
Wie im Himmel!
Nur Liebe brucht ma ganz viel
Unn die find ich immer bii Dir
Jetzt wird's mir klar, des Gefühl:
Wie im Himmel!

Oh - eimol im Läbe, do findesch' die
Die verwirrt, was dü grad denksch
Die dich hochziägt, wenn dü mol hängsch.

Ja, an minnem G'fühl ändert keiner ebb's
Oh, 's gäb so viel z'sage noch
Aber heb mich jetzt!
Kumm mir fliege z'sämme hoch!

Sandra, ich will jo nur Dich
Wenn Dü bi mir liegsch in min'm Arm
Ich glaub es noch immer nit: 's isch
Wie im Himmel!
Ja, Liebe brucht ma ganz viel
Unn die find ich immer bii Dir
Jetzt wird's mir klar, des Gefühl:
Wie im Himmel!

Ich hab g'wartet schun so lang
Uff eini, so wie Dü
Mir war schun richtig bang...

Wie im Traum schweb' ma do hii
Was immer au noch bassiert
Ja, ich wir' immer bii Dir sii!

Sandra, ich will jo nur Dich
Wenn Dü bi mir liegsch in min'm Arm
Ich glaub es noch immer nit: 's isch
Wie im Himmel!
Unn Liebe bruch ich ganz viel
Unn die find ich immer bii Dir
Jetzt wird's mir klar, des Gefühl:
Wie im Himmel, Himmel!


Wer's nit erkennt het oder 's Original anschaue will, der kann's do sähne...

Mit de Sandra isch's abber halt echt wie im Himmel, strahlt
De Bischemer

Arche, we love you!

Vor zehn Johr het also unsere Arche in Waldkirch züä g'macht. Vorbei isch's mit de Pilgertoure am Mittwoch zum Oldie-Obend... Was war des immer scheen!
Ob in minnere Ent oder andere Audos, immer hämmer uns in Kippene bim Kai troffe, dert het's bim Warte immer noch fir ä Alpierbacher g'langt. Dann noch eins fir uff de Weg, unn in de Arche war de erschte Gang meischtens au schun klar... Sextanerbloose ebbe...
Unn will ma immer recht friäj dert ware, war d'Danzflächi meischtens noch leer, unn durch die Hall simmer dann zu unserem Stammplatz vor'm DJ-Pult g'loffe.
Nadierlich hämmer fascht alli Liäder schun an de Anfangstakte erkennt, unn wenn's bim Kai unn mir mol nit zum Danze Anfange basst het, dann war irgendwann de Spruch "'s nägsche Lied..." fällig, unn mir sinn bi ebbe dem nägschde Lied beide abrocke gange. Egal, was kummt (unn meischtens isch grad dann so ebbis total Unpassend's kumme...)
Normalerwies simmer aber eh am End nassg'schwitzt rüss gange, des het eifach däzüä g'hert. Quasi ä Disco mit Danzgarantie. Des hab ich hinterher eigentlich nie meh erlebt.


Ich kinnt Eych noch so viel G'schichtli üss de Arche verzehle, aber des mach ich dann liäber au ä anders Mol... 's soll jo spannend bliebe in dem Blog, gell?? ;-)
Wer meh vun dem "Erlebnis Arche" sähne will, der kann do uff minere Arche-Sitt noochschaue...

's wird halt nie meh so ebbis wie d'Arche gää, fürchtet
De Bischemer

Szenesprooch

Kenne'n Ihr schun des "Szenesprachenwiki"??
Do kamma noochlese, wie d'hittig Jugend (angeblich?!?) schwätzt.

Vieli Wörter sinn zwar arg ibbertriebe, aber ibber so Begriffe wie "Gerstenschorle" (Bier), "Drehkost" üss de "Döneria" (ä Döner üss de Döderbude), "copypasten" (abschriibe), "Gammelfleischparty" (Ü30-Party), "unterhopft" (mit Bierdurscht), "Erzeugerfraktion" (Eltern) oder "Zehentanga" (Flip-Flops) kamma mindestens mol schmunzle, find ich...
Uff de andere Sitt merk ich halt au, dass ich vun so enere Sprooch schun ganz scheen witt weg bin... Ma wird halt nit jünger...

Klickt Eych eifach mol durch, 's sinn schun ä paar scheeni Sache z'finde, grinst
De Bischemer

Fir minner Sohn

Lukas
Dü bisch so groß, unn doch so klei,
Kannsch so viel Sache schun ällei.
Dü klettersch, springsch unn buchstabiersch
Als ob Dü ball ä Schüälkind wirsch!

Dann widder trausch' Dir gar nix züä,
heulsch' unentwegt unn findsch' kei Rüä.
Willsch' klei' noch wie die Lea sii,
Was sie nit kann, kriegsch au nit hii!

Dü bisch so innerlich zerrisse...
Was in Dir vorgeht, wott ich wisse!
Als großer Brüäder hesch's nit licht!
Doch horch mol, was de Babba spricht:

In ä baar Johr, ganz sicherlich
Wirsch größer, stärker sii wie ich.
Doch noch bisch klei, un ich bin groß...
Drum kumm halt her, uff minner Schoß!


Er het's momentan echt nit licht mit sich, weiß
De Bischemer

Mutzstock-Feschtival

Vor etwa zwanzig Johr hämma alli Johr eimol des "Mutzstock"-Feschtival g'feiert. De Name isch doher kumme, dass einer vun de Organisatore het mit Noochname Mutzel g'heiße het. De andere het ä LKW-Hall uff'm freye Feld g'ha, dert het's statt g'funde.
Wenn ich so des Fescht zum Vierziger vun minnere Frau mit denne Parties vun friäjer verglich, dann het sich schun ganz scheen ebbis verändert:

1. Jetzt hämmer stundelang de Saal dekoriert, friäjer het's g'langt, wenn d'Laschtwage üss de Hall rüs g'fahre, ä weng g'fegt unn ä baar Bierbänk uffg'stell worre sin
2. Hitz'daag git's Catering vum Metzger unn Wien vum Winzer unn viel drumrum, friäjer hänn drey Sorte Nudelsalat, Wirschtli unn ä Stapel Bierkäschte als Proviant üssg'reicht.
3. Hitz'daag hämmer ä Gäschtezimmer fir d'Ibbernachtungsgäscht, friäjer hänn sich alli, wu nimm heim fahre hänn kinne (oder die, wu sich sich nit traut hänn, doch noch ibber d'Feldweg heim z'schliche...) ä süüferi Eck in de Hall (oder im Audo) g'süacht unn hänn dert de Schloofsack üssg'rollt.
4. Hit kummt d'Müssig als MP3 üssem Laptop, friäjer hänn a baar Litt Schallplatte (!) mitbroocht, unn wer luscht g'ha het, het eifach ä Wieli DJ g'spielt...
5. Friäjer hämmer d'Kronkorke vunn de Bierflasche in de Hemdedasch g'sammelt, damit mer am nägschde Morge g'wisst hänn, wieviel Bier 's ware. Hitt heersch vunn ällei friäj gnüäg uff, will am nägschde Dag d'Kinder uff dich warte...
   

Die wilde Zitte sinn halt wohl doch rum, fürchtet
De Bischemer

Müssig

Jetzt simmer widder mol ä Woch in Alghero uff Sardinie g'sie. Do devun aber ä anders Mol meh...
Hit nur ä kleins Filmli zum Wocheanfang, damit de Mändig nit ganz so schwer isch. (D'Ältere unter Eych werre sich sicher noch an die zwei erinnere... ):



Wenn schun Blues im Läbe, dann so einer, meynt grinsend
De Bischemer

Feschtplatte-schnorchle

's gitt jo immer widder mol Diskussione ibber die online-Durchsüachung vun PCs. Ganz klar isch mir zwar nit worre, ob des noch so "heiß" isch wie vor'me Johr, aber im Wahl-o-mat war des noch ä konkret's Thema. Darum gib ich jetzt au minner Senf däzüä:

So ganz eifach (technisch unn rechtlich) isch des wohl nitt, aber immerhin isch's meeglich. De letsche Vorstoß hett jo unser Inneminischter Wolfgang Schäuble g'macht, der wu do dämit Terrorischte fange will.
Isch jo im Prinzip ä güädi Sach, aber was mir nit basst, des isch, daß plötzlich jeder, wo do degege isch, in "Generalverdacht" kummt. Ich persönlich hab kei schlecht's G'wisse, aber trotzdem hab ich ebbis degege, wenn in minnene private Sache rumg'schnorchelt wird! Unn gege de Wunderfitz vum Wolfgang Schäuble hilft jo noch nitt emol s'badisch schriebe (was jo normalerwies fir d'meischte Litt quasi ä Verschlüsselung isch)! Der Kerli isch nämlich in Freyburg uff d'Welt kumme (un loßt sich sogar bi mir daheim in de Ortenau in de Bundestag wähle...)! Sackzement!

"Also, Finger weg vun minnere Feschtplatt, Wolfgang!", warnt freiheitlich-badisch
De Bischemer

40

Fir d'Sandra
Ich trau minne Auge nit,
Minni Frau wird vierzig hit!
Sither mir uns g'funde hänn
Isch sie 's Beschte, was ich kenn!
Sie isch fröhlich, hübsch unn nett,
Nur mit ihr bin ich komplett!
Wenn sie nur so bi mir steht
Merk ich schun, wie's Herz uff geht.
Unn nimm ich sie in de Arm
Wird's vun inne mir ganz warm!
Uns'ri Kinder, Lu unn Le
Mache's dann so richtig schee.
Sie sinn vum Familieglück
Eigentlich des Sahnestück!
(Spiel ich widder mit dem Wort,
Isch mei Frau... die Sahnetort!)
D'rum isch hitt de richtig Dag
Dass ich ihr mol DANKE sage.
Nämlich eins weiß ich genau:
Fir mich git's kei' and'ri Frau!


Ja, so isches, nickt ergriffe
De Bischemer

Radfahre

De Lukas kann radfahre!
Vor ä baar Woche het er jo schun mol ang'fange, aber dann isch er eimol hin g'keyt, unn will er jo so ä Sensibler isch het er dann immer Angscht g'ha, sich widder weh z'mache.

Letscht Woch hab ich aber mit'm "trainiert". Erscht d'Fiäß uff de Pedaler lehn, während ich ihn feschtheb unn ä weng rumwaggel (damit er 's Vertraue het, dass ich 'ne au jo feschtheb...). Dann am Lenker feschthebe, während er trettet, dänooch nur noch am Arm feschthebe.
Unn geschtern hab ich 'ne dann nur noch am Krage packt, will er schun gar nimmi arg g'wackelt het. Unn uff ei Mol isch er ällei g'fahre... Mensch, was war er stolz! Un ich erscht... :-]

Er müäss halt immer fir sich selber erscht de richtige Moment finde, weiss inzwische
De Bischemer

What's another year??

Schun widder...
... isch's erscht September-Wocheend rum
... simmer in Eberbach zum Triathlon g'sieh
... hämmer uff'em selbe Platz uff'em Campingplatz zeltet
... het's am Samschdig obend g'rägelt
... simmer vor'm Bulli unter de Plane im Truggene g'hockt
... war am Sundig widder s' scheenscht Wetter
... war de Triathlon an sich eigentlich meh de Anlass als d'Hauptsach
... war's eifach widder ä toll's Treffe mit denne ganze (liäbe) Nasebäre
... isch ä Johr rum sither 'em letschte Triathlon!


Ich glaub's jo nit, wie d'Zitt rast, räsonniert
De Bischemer

Wahl-o-mat

Hä?? Wie basst denn des z'sämme???

Ich hab mol de Wahl-o-mat üssprobiert, unn des Ergebnis het mich schun ä weng ibberrascht:

Bin ich also genau so noht dran an de Griäne unn de Pirate wie an de CDU, unn genau so witt weg vun de SPD wie vun de FDP? Unn dass fir mich die "Exote" eigentlich am beschde mit minnere Meinung ibberii stimme, zeigt ma eigentlich vor allem, dass vunn denne "etablierte" Parteie keini so hundertprozentig basst...
Viellicht wär's jo echt mol güät, die Freye Wähler au im Bund z'haa (statt nur im G'meydnsrat), aber ob's mit de fünf Prozent klappe kann??

Eigentlich bin ich jetzt au nit viel schlauer worre, briätelt
De Bischemer

Südbadischi Landkard

Vorhin hab ich ä Landkard vun Südbade g'schickt bekumme, wu d'Ortsname ins Englische ibbersetzt worre sin. So ä herrlicher Bledsinn, des müäß ich Eych eifach zeige!


Wer kummt schun uff Ideeä wie "Freeoffice" (Freiamt), "Vomit Valley" (Prechtal) oder "Aroundchurch" (Umkirch)...!?!
Ihr miän Eych echt mol die ganz Landkard im Detail anschaue...

Ä scheener Dag noch, wünscht mit'em breite Grinse im G'sicht
De Bischemer

Waltraud

Min erschtes Audo hett jo ä Name g'ha: Waltraud het's g'heiße! Sie isch sogar mit Badisch Rotgold daift worre, nur des mit'm "Flasch am Bug zerdeppere" hämmer dann doch g'lehn, do defir war eifach 's Blech z'dinn!

Sibbe Johr lang bin ich mit'ere "rumg'floge". Hamburg, zigmol bis kurz vor Flensburg (zu de Ex während Zivildienscht-Zitte...), mehrmols Südfrankrich, Rügen, immer widder vun Siegen heim, unn d'ditsche Audobahne kriz unn quer.. alles het sie g'sähne, unn ibber hundertdausend Kilometer hämma z'sämme naa g'spult... Fir so ä zart's Veegili schunn ä ganz scheeni Leistung! Des klei Modeerli het g'schnurrt wie ä Kätzli (au wenn's am End ä weng zickig worre isch).
Ä Großteil vun denne Kilometer kummt nadierlich au vum Weg in unseri Mittwochs- (unn Friddig-, Samschdig-) Stammdisco, d'Arche in Waldkirch! Unn uff denne Strecke war d'Leistung vum Cassetteradio wahrschiens heecher als d'Motorleistung...

In de Garasch vun minnem Vadder liegt sogar noch ä original neji, griän lackierti Motorhaub vun ihre. Aber ob ich die jemols widder bruche wirr?? Ich schiel zwar immer mol widder in Autoscout24 oder Mobile.de nii, aber wemma denkt, dass die nejschte Modelle jetzt schun zwanzig Johr alt sinn unn widder so viel koschte solle wie nej domols, dann isch wahrschiens de Märkt fir mich doch vertloffe... Viellicht bin ich jo au eifach schun z'vernünftig fir so ä Gefährt... Abber jedes Mol, wenn ich an so einere durchfahr, dann macht's Herz immer noch ä Hopser!

Unn fir alli, die sich jetzt froge, was des fir ä Audo war: Do kann sich jeder ä kleini Waltraud selber baschtle:


Ä Grüäß an alli iibrich bliebene Ente-Fahrer schickt licht melancholisch
De Bischemer

Audoquartett

Was hämma friäjer im Schüälbus immer Audoquartett g'spielt! "Zwelf Zylinder... Stich!", "1250 Kilo... Stich!", "Baujohr 1978... Stich!" So isch des jede Dag 'gange! Schun an de Haltestell het's aag'fange, dann d'ganz Fahrt vun Lohr heim, unn oft isch 's Spiel dann noch bim Heimlaufe fertig g'spielt worre.
Was het's do abber au alles fir Kaartespieler gäh: Audos in alle Variatione, Rennwage, Motorräder, Schiff, Flugzeyg, Iisebahne, Rakete, sogar Doppelkarte, die wu ma rumdrille het kinne, will sie obe unn unde anderi Rennaudos g'ha hänn, oder ä Mini-Quartett, wu die Kaarte nur viellicht ä Viertel so groß ware wie normali Spielkaarte...
De Ralf (einer vun zweie in minnere Schüälklass) het sogar vor kurzem widder ä Raumschiff-Quartett g'funde, wu unter anderem de Todesstern vun StarWars däbie isch...


Eimol bin ich mit'm Donni (de andere vun denne zwei Ralfs, der wu bi uns wege sinnem Noochname so g'heiße het) sogar an de letscht Stroße-Eck, wu ma beidi nur noch ei Strooß ällai widder laufe hänn miän, fascht ä Stund hänge bliebe. Schliäßlich hämma jo des Spiel fertig spiele welle, unn will ma bi de letschte drey Karte jo frei wähle het kinne isch's halt immer widder hin un her gange. Mensch, was het minni Mama bruddelt, will sie mit'm Esse g'wartet het unn alles verkocht war...!

Ma müäß halt au Prioritäte setze, grinst
De Bischemer

Laufe unn renne

Geschtern isch mir widder so ä "falscher Freund" im badische iig'falle:
Wemma im hochditsche "laufen geht", dann geht ma im badische "renne". Will des badische "laufe" däd ma im hochditsche jo ehnder mit "spazieren gehen" ibbersetze. Viellicht benutz ich deshalb jo au fascht immer des Wort "jogge", will des klar sait, was ich meyn...?!?Also: Ich war mol widder jogge... unn do isch mir widder die ney Trendsportart fir Fraue ibber vierzig (unn anderi...) uffg'falle: Des "Nordic Talking". Normalerwies solle (oder welle) die Fraue jo Nordic Walking mache, aber 's einzig, was sich richtig bewegt, isch de Schnabel. Eigentlich fehlt nur noch, dass sie d'Steck hinter sich her schleife lehn, will sie sie jo eh nit nutze...
Genau g'numme git's im Badische do noch ä besserer Begriff däfir als Laufe: Trottle... Des isch nämlich die Gangart, die Kinder oft uff'm Heimweg vun de Schüäl druff hänn. (Do fallt ma grad ä anderi G'schicht ii, aber die verzehl ich Eych ä anders Mol...)

Mir isch fascht jetzt noch schwindlig vum viele Slalom-renne, grinst
De Bischemer

Ibber de Wolke

Geschtern obend het mich de Olli mitg'numme zum Fliege. Mit'm Ultralichtflugzeyg. Des isch jo echt ä Abenteuer, wemma in dem kleine Fliegerli sitzt unn merkt, wie licht, klapprig unn wacklig des doch eigentlich isch.. vun wittem sähne die nämlich viel stabiler üss...!



...unn plötzlich het ma dann under sich nur noch dinni Luft...!

Mir sinn hin un her g'hopst, nuff unn nunder g'schuggelt, vun links nach rechts unn vun rechts nach links g'wackelt. Will's so heiss war het's schiens so viel Turbulenze g'ha.
Minner Mage vertragt des jo gar nit güät, unn wu ich dann au noch ä weng g'filmt hab, do war's endgültig üss, unn ich hab nur noch g'schwitzt unn kämpft, dass es mir nit noch ganz dirmelig wurd...

Unn trotzdem isch's ä einmalig's Erlebnis!

Vun obbe
D'Audos sähn' wie Matchbox üss,
Unn schau dert: Ä Lego-Hüüs!
D'Litt, meynsch grad, sinn Playmobil,
Wie ich als mit'm Lukas spiel.
Nebe 'm Märklin-ICE
Wachse Mini-Baim in d'Höh...
Ja, ä ganzi Spielzeygwelt
Isch do fir uns uffgestellt!

Jetzt kann ich de Reinhard Mey verstehn, sinniert
De Bischemer