De SC in Oberschopfe

Jetzt het am Wocheend also de SC Freyburg in Oberschopfe g'spielt.
Dass do däbii de Bundesliga-Uffstiiger gege de Bezirksliga-Uffstiiger mit 7:0 g'wunne het, düät de Oberschopfener sicher nit weh... Unn au ich als "Exil-Oberschopfener" kann mit dem Ergebnis ganz güät lebe. (Ebbis ganz ander's wär's nadierlich g'sii, wenn statt 'em SC de VfB g'spielt het...)

Eigentlich wär des jo ä güeter Anlass g'sii, um mol widder nooch Oberschopfe z'fahre, aber diesmol simmer uff halber Strecke hänge bliibe. Mir hänn uns nämlich in Neustadt (an de Wiinstrooß) mit de Familie vun minnere Schweschter troffe, des war au mol ä richtig scheen's Wocheend...

Jetzt welle ma nur hoffe, dass die erschte Spiele vum SC Freyburg in de Bundesliga au so erfolgreich sinn, damit nit schun widder vor de Winterpaus des große Zittere unn Bange anfange müäß...


Ich druck de Düüme, weiß
De Bischemer

Uffstieg!

Ach wie scheen! Sither Friddig obend isch's sicher, dass de SC Freiburg 's nägschde Johr widder in de erschte Bundesliga spiele wird!

Nadierlich frey ich ich fir de SC, b'sunders nadierlich, will do dämit mol widder emol des vernünftige Verhalte in'eme Frofi-Füäßballverein honoriert wird.
Manch anderer Verein reagiert jo uff so ä Abstieg panisch, schmißt de Trainer nüss, kauft neiji Spieler unn "verschlimmbessert" dämit nur noch sinni Situation.

De SC het zwar nooch 'em Abstieg au wichtigi Spieler verlore, het aber wie g'wohnt neiji, jungi Talente integriert unn do dämit gliich Erfolg g'haa. Unn 's wichtigschte Zeiche vun Kontinuität isch nadierlich, dass de Christian Streich nooch'em Abstieg jetzt immer noch Trainer isch (unn sicher ä großer Anteil am Widder-Uffstieg het...)!

Jetzt bin ich nur g'spannt, ob mir uns nooch de Summerpaus vun dem scheene G'fühl verabschiede miän, dass de SC regelmäßig am Wocheend g'winnt... Des kann nadierlich gege d'Bayern, Wolfburg oder sogar de VfB widder ganz anderscht üssähne als gege Sandhause, Pauli oder Heideheim... Aber jetzt isch erscht emol "Nit abstiige" als Ziel 's Wichtigschte, denk ich...


Olé, olé, nur de SC, rüäft
De Bischemer

Adé, Cleverle

Jetzt isch de Lothar Späth g'storbe.
Au wenn er ä Schwob war, so war er doch in minnere "Oberschopfener Zitt" de einzige prägende Minischterpräsident.
Vor ihm de Filbinger, denne hab ich nie wirklich wahr g'numme, do däfiir war ich eifach z'jung, unn Politk fir mich als Kind eifach unwichtig.
Nooch ihm de Teufel, denne hab ich dann fascht nur noch "üss de Ferne" erlebt, nooch zwei Johr im Amt bin ich eh vun Oberschopfe furt 'zoge. (Was nadierlich nix mit'em Erwin z'düe g'haa het).

Nit umesunscht het de Lothar Späth de Spitzname "Cleverle" g'haa. Ich däd mol sage, dass er ä ganz scheen g'höriger Anteil am wirtschaftliche Erfolg vun Bade-Württemberg g'haa het. Uff de andere Sitt het er's dann halt au widder ibbertriebe mit dem "Wirtschafts-Kuschle", sunsch wär er sicher nit anno '91 ibber die Traumschiff-Affäre g'stolpert.

Dass er enorm wichtig war fir Bade-Württemberg, des erkenne aber sogar sinni politische Gegner an. Nemme nur de jetztige Minischterpräsident, de griäne Kretschmann: Nur gäüti Wort ibber sinner Vor-Vor-Vor-Vorgänger, unn wahrschiins nit nur, will ma ibber Dodi nix Schlecht's sage soll...

Apropos Kretschmann:
Des hätt sich de Lothar Späth zu sinnere Politikerzitt sicher au nie vorstelle kinne, dass d'politisch Landkart vom Ländli emol so üssähne däd:

Aber hit geht's nit um d'Landtagswahl, sondern um d'Erinnerung an de Lothar Späth!


Fir mich war er einer vun de Güäte, sinniert
De Bischemer

Fesseheim unn Wyhl

Hänn Ihr mitbekumme, dass es vor zwei Johr fascht ä Atomkatastroph in Fesseheim gää het??
Wenn ich denk, wie nooht des bii uns daheim isch, dann kann's mir grad angscht unn bang werre (obwohl des AKW Biblis jetzt au nit viel witter weg vun Bischem isch...)

Irgendwie isch mir bii derre Noochricht hit morge des Thema "AKW in Wyhl" in de Kopf kumme:
Ich war zwar zu derre Zitt, wu d'Kaiserstühler (unn anderi Badener, Elsäßer, Schwiizer unn so witter) gege de Bau vun so 'eme Atomkraftwerk am Kaiserstüähl kämpft hänn, noch so jung, dass ich mich nit aktiv für des Thema int'ressiert hab. Schließlich war ich do grad emol in de Grundschüäl.
Aber ich kann mich noch güät d'ran erinnere, dass ma in minnere Kinderzitt ziemlich oft die "AKW - nee!"-Uffbäbber uff de Audos g'sähne het.

Unn DIE Plakate hab ich au noch güät in Erinnerung:



Inzwische (unn fir die Erkenntnis hab ich sicher nit die Meldung vun Fesseheim bruucht) sotte ma doch alli verstande haa, dass Atomkraft nit wirklich hunterprozentig sicher kontrolliert werre kann. Unn wenn ma sieht, was däbii bassiere kann, dann sott ma echt schnellschtmöglich üssstiege!

Des findet z'mindescht
De Bischemer

Wuanderscht g'lese(24)

Hit will ich Eych ebbis zeige, was nit nur zu "Wuanderscht g'lese" basst, sondern au zu "D'Ortenau vun wittem". Oder genauer g'sayt: "D'Ortenau vun friäjer".

Es git nämlich bii de Freyburger Uni im Internet ä Websitt, wu ma digitalisierti Üssgabe vun alte Dokumente anschaue kann. Unn do däbii isch au ä großi Sammlung vun de Heftli-Serie "Die Ortenau". Die Üssgabe, wu ma do anschaue, durchlese unn üssdrucke kann, geht vun 1910 bis ins Johr 2009.

Die nejere Johrgäng sinn fir mich als "migrierter" Ortenauer zwar scheen z'lese, aber richtig spannend sinn nadierlich die erschte Üssgabe... Do kann ma ibber's Diersburger Kohlebergwerk lese, kann Bilder vun de badische Dörfer vun friäjer anschaue oder mehr ibber d'badisch G'schichte erfahre.

Einzigi Iischränkung: Wer nit im Sütterlin-Lese g'übt isch, fir denne dürft 's Lese mit de Zitt ä weng anstrengend werre...

Aber des isch's allmol wert, findet
De Bischemer

D'Ortenau vun wittem (45)

's Oberschopfener Rothüüs soll jetzt also saniert werre.
Es isch komisch. Nadierlich steht 's Rothüüs mitte in Oberschopfe, aber ich hab eigentlich nur zwei konkreti Erinnerunge dran.

D'erscht isch, dass unte links 'es Verwaltungszimmer war. Do het d'Frau Welle, d'Mütter vun einem vun minnene Freunde, g'schafft. Zu ihre ins Zimmer bin ich aber au nur ein, zwei Mol kumme. Wahrschiins dann, wenn ich ä Personalüsswiis oder ä Reisepass brüücht hab.
Uff de andere Sitt vum Gang, do war 's Büro vum Burgermeischter. Mit dem hab ich aber gar nie ebbis z'düe g'haa, also kann ich nit emol sage, wie's in dem Zimmer üssg'sähne het.
Entsprechend "ehrwürdig" hab ich des Rothüüs in Erinnerung.

Üsserdem erinner ich mich dran, dass im erschte Stock vum Rothüüs 's Zorns g'wohnt hänn. Einer vun de Büebe war ä Klassekamerad vun mir, aber ich glaub nit, dass ich ibberhaupt emol bii ihm daheim g'sii bin. Ich hab mich immer nur g'wundert, wie ma so nohd bii de Kirch ibberhaut wohne kann, wenn alli vierter Stund d'Glocke bimmle, unn jede Morge um sechsi 's große Lytte bassiert...

Uff de andere Sitt fehle mir die Glocke in Bischem schun ä weng. Wenn de Wind richtig steht unn ich ab unn züe ebbis vum Lytte mitbekumm, dann denk ich schun ä weng müüdrig an d'Oberschopfener Kirch (üss respektvollem, schalldämpfende Abstand vun de Aubergstrooß) z'ruck...


Aber bii jedem B'süach in Oberschopfe heer ich sie jo, tröschtet sich
De Bischemer

D'Ortenau vun wittem (44)

Ich bin jo kei regelmäßer "Spiegel"-Leser. Darum hab ich 's z'erscht gar nit mibekumme, wie sich dert ä Redakteur in d'Nessle g'setzt het.
Zum glück git's aber d'Badisch Zittung, wu so ebbis dann au fir mich dittlich macht...

Was soll ich do noch sage?? Als patriotischer Badener kann ich dem Redakteur in sinnere hilflose Rechtfertigung nur so witt züestimme, dass so ä "Schwabifizierung" vun Bade-Württemberg "schmerzlich ... für die Betroffenen ... sein mag".

Allerdings! DES DÜET WEH! Aua!

Ich sieh schun, des mit mir unn dem Hamburger Nachrichteblättli, des wird au in Zukunft kei großi Liebe meh werre...


Aber so Verallgemeinerunge bin ich vun minnere fiäjere Zitt bii de Nordlichter jo au schun g'wöhnt, stüümt
De Bischemer

D'Ortenau vun wittem (43)

Hit morge bin ich richtig verschrocke, wu ich im Radio in de Nachrichte g'heert hab, dass d'Betreuer vun'ere Ortenauer Jugendgrupp im Odewald verunglückt sinn.
Einer vun denne drey Betreuer isch sogar g'storbe - ich hoff nur fir die andere zwei, dass sie widder g'sund werre!

Ich bin friäjer nur eimol mit'ere Jugendgrupp in Urlaub g'fahre, unn zwar mit de Nunnewiirer Landjugend. Nit als offizieller Betreuer, aber als einer vun 'ere Handvoll Erwachsene, wu die Horde ä weng z'sämme g'halte hänn.
Zu dem Job / Üssflug bin ich ibber de Thomas 'kumme, wu mit mir im Physik-LK unn dann au im Anfangssemeschter vum Studium war. Ibber ihn hab ich die meischte vun derre Landjugend schun 'kennt, unn will des ä netti Truppe war, bin ich mitg'fahre an de Comer See.

Witzig war, dass ich dänooch, wu d'andere heim g'fahre sinn, in Como minner erschte Interrail-Trip ang'fange hab. 's war aber echt komisch, wu mich der Busfahrer am Bahnhof vun Comu rüssg'schmisse het, während die andere, mit denne ich so ä güäti Zitt verbroocht hab, heim g'fahre sinn...

Uff de andere Sitt hab ich dänooch ä richtig tolli Zitt g'haa, bin durch Griecheland unn d'Türkei g'reist, hab zum erschte Mol Istanbul g'sähe ('s war Liebe uff de erschte Blick), unn Rucksackurlaub isch minni Liebings-Reiseart worre!

Aber de Comer See isch au immer ä Reise wert, findet
De Bischemer

Stadtbücherey

D'Lohrer Stadtbücherey nennt sich inzwische jo Mediathek. Wahrschiins, will inzwische nimmi so viel Biacher, sondern immer mehr anderi Medie üssg'liehe werre.

Ich find des echt klasse! Wenn ich dran denk, wie umständlich des friähjer in de Bücherey war... Ällei schun deshalb, will d'Lohrer Bücherey noochmittags immer erscht um halber drey uffg'macht het, bin ich selte hin gange. Unn wenn, dann war's immer ä Huddel, die Biacher nooch'eme Monät rechtzittig widder z'ruck z'bringe!
Wenn ich mich richtig entsinn, dann het ma bii Verspätung sogar fuffzig Pfennig oder ä Mark zahle miän... Kann sich einer vun Eych noch dran erinnere??
Entsprechend bin ich dann ab unn züe nooch de Schüäl entweder in d'Stadt g'loffe (was vum "Scheffel" ä ganz scheen's Stück war) oder bin mit'em Bus nii g'fahre. Dann bin ich aber ebbe bis am halber drey do g'hockt, damit ich die fällig Biacher hab abgää kinne...

Inzwische isch d'Mediathek au ibber Mittag uff, schiints, unn des däd's fir mich, wenn ich noch Schüäler in Lohr wär, um einig's eifacher mache.

So aber bringt's mir nix, stüümt
De Bischemer

Uffregung in Oberschopfe

Am vergangene Wocheend, wu mir uff "Heimatb'süach" in Oberschopfe ware, isch's am Friddig Obend jo richtig uffregend worre.

Mir sinn uff'em Balkong bii minnene Eltere g'sesse, vun wu üss ma ä güäter Blick ibber Oberschopfe unn d'Rebe drumrum het. Unn mit einem Mol isch do de Bolizeyhubschrauber rum'kurvt, Feuerwehr unn Bolizey sinn mit Blauliacht durch de Ort g'fahre , unn ibberall (sogar im Grasgarte nebe uns) sinn Litt mit Daschelampe unn Süachhund' rumg'loffe.

Z'erscht hämmer uns nadierlich Sorge g'macht, dass die ä Verbrecher süache kinnte (unseri Hüüsdiir isch wege de Hitz au noch wagewitt uffg'stande...), aber dann hätt d'Bolizey sicher kei so Raudau bii'm Süache g'macht.

Inzwische wisse mir au, dass der ganze Huddel wegen'ere verwirrte Frau üss'em Emmaus g'sii isch, die dann am End au g'funde worre isch...


Güät, wenn so ebbis glimpflich üssgeht, findet
De Bischemer

Abg'stiege

Des war echt ä schweri Woch fir min' badisch's Herz.
Z'erscht verlosst mich minni Lieblingskollegin, unn dann stiigt am Samschdig au noch de SC Freyburg üss de Bundesliga ab!

Eigentlich het's fir de SC vor 'em letschte Spieldag gar nit schlecht üssg'sähne, noochdem sie sogar gege d'Bayern g'wunne hänn. Aber am Samschdig hänn irgendwie alli gege de SC g'spielt, hätt ma meyne kinne. Stuttgart g'winnt, de HSV g'winnt, unn Hannover schlägt d'Freyburger.

Aber 's isch halt so, jetzt spiele sie halt in de nägschde Saison in de 2. Liga. Fir de Christian Streich isch des viellicht gar nit so schlecht, dann het er wahrschiins nit ganz so viel Stress. So manches Mol hab ich jo Angscht g'ha, er däd am Spielfeldrand dod umfliäge, so het der sich uffg'regt unn engagiert...

Unn obwohl ich jo so gar kei KSC-Fan bin, wirr ich de Karlsrüäher in de Relegationsspiele gege de HSV kräftig d'Düüme drucke. Schließlich sinn's au Badener!


Zeige's denne Fischköpp, rüäft
De Bischemer

D'Ortenau vun wittem (42)

De Kanadaring in Lohr soll jo komplett sanier unn umg'staltet werre.

Nit umesunscht heißt der Strooßezug jo so. Friäjer, wu de Lohrer Flugplatz noch vun de Kanadier belegt war, do hänn in derre Gegend nämlich ziemlich viel Kanadier g'wohnt. Ich bin ehnder selte dert hin kumme, aber will unser Scheffelgymnasium ganz in de Nähdi isch, simmer halt doch ab unn züe mol dert durch g'loffe. Des war dann irgendwie immer ä weng so wie im Üssland sii. Oder so, wie mir uns 's Üssland vorgstellt hänn. Üsser 'em Elsass, de Schwyz unn Öschtrich hänn mir jo gar kei Üssland kennt. Umso spannender war darum au de Kanadaring.

Aber noch ebbis het uns fasziniert an dem Viertel: Die drey runde, etwa achtstöckige Hochhiiser. Ich glaub, des sinn bis hitt fascht immer noch die einzige runde Hochhiiser, wu ich kenn.
Uff jede Fall hänn mir unbedingt emol in eins vun denne Hiiser nii welle. Sähne, wie's drin üsssieht, unn am liebschte au gliich noch vun obbe d'Üssicht ibber Lohr genieße.

Uff ei Mol, wu mir widder dert rum g'schliche sinn, het sich tatsächlich die Chance ergää: Eini vun denne Hüüsdiire isch uff g'stande. Also simmer flink nii g'flitzt unn mit'em Fahrstüähl in de oberschte Stoch g'fahre.
Was war des fir ä Enttäuschung! Ä stinknormaler Hüüsflur, unn ä Fenschter zum nüsslüege het's au nit gää!

Mir hänn uns dann g'schwind au widder üss'em Staub g'macht, will mir Angscht g'haa hänn, 's kinnt uns irgendebber verwische. Aber sither dem Dag war de Kanadaring mit sinnene Hochhiiser nur noch halb so spannend.


Schad, wenn d'Realität einen so iiholt, findet
De Bischemer

D'Ortenau vun wittem (41)

Jetzt wird also in Oberschopfe ibberlegt, was mit'em Pfarrhüüs bassiere soll.

Wu ich des Foto züe dem Artikel g'sehen hab, do hab ich mich erscht emol g'wundert, üss was fir'e Perschpektive des uffg'numme isch. So groß hab ich des Pfarrhüüs nämlich gar nit in Erinnerung g'haa.
Unn wu ich dann au noch g'lese hab, dass des Hüüs zweistöckig isch, do war ich richtig verwirrt. Ich hab 's Pfarrhüüs immer als niedriger Bungalow im Kopf g'haa.

Des leyt wahrschiins do dran, dass des Hüüs obbe uff dem Pfarrbuckel leyt, unn zu minnere Kinderzitt immer vun Hecke unn Baim iig'wachse war. Unte am Iigang war jo au immer ä Hofdoor, unn so sinn mir Kinder jo nie nuff zum eigentliche Hüüs kumme. Ma het 's Pfarrhüüs jo immer nur entweder vum Kirchplatz oder vun unterhalb vun dere hoche Stützmüür an de Strooß üss g'sähne.
Wahrschiins hab ich als Kind immer nur 's obere Stück mut'em Dach g'sähne, unn darum isch's mir als Bungalow im Sinn bliibe.

Jetzt steht 's Pfarrhüüs also leer, unn keiner weiß, wie ma's sinnvoll nutze kann. Ob Flüchtlingsheim, Verwaltungshüüs oder Alterssitz fir ä pensionierter Pfarrer, alles wird ibberdenkt.

Ich bin jo mol g'spannt, wie ma sich entscheidet, denkt sich
De Bischemer

D'Ortenau vun wittem (40)

Jetzt git's also kei Krampfert-Wurscht meh... Do isch jetzt tatsächlich mol ä Ära z'End gange, kann ma mit Fug unn Recht behaupte!

Fir mich selber isch des eigentlich gar nit so relevant.
Dertmols, wu ich noch in Lohr uff d'Schüäl bin, oder wu ich während'em Zivildienscht in Lohr unterwegs war, do bin ich nämlich nur ab unn züä an die Wurschtbud' uff'em Märktplatz gange.
Wenn ma's g'nau nimmt, dann war die Krampfert-Wurscht fir mich sogar später, wu ich nimmi in Oberschopfe g'wohnt hab, wichtiger als vorher. In de letschte Johre bin ich nämlich mit de Kinder dert immer mol widder ä Wurscht esse gange, eifach so "üss Lohrer Tradition".

Wenn ich im Gegesatz däzüe an de Kai denk...
Der het jo in Lohr g'schafft, unn fir denne ware die Binders im Wurschtstand so ebbis wie de Standard-Mittagesse-Lieferant.
Jedes Mol, wenn ich ihn im Lade b'süacht hab, dann isch er mit mir d'Märktstrooß nunder g'loffe, umm ä Currywurscht, Pommes oder ä Hamburger z'esse. Oder alles z'sämme, wenn er richtig Hunger g'haa het...

Aber au de Kai wohnt jo schun lang nimmi in Lohr. Ich bin gar nit sicher, ob er denne Wechsel im Wurschtstand ibberhaupt mitbekumme het. Viellicht gib ich ihm eifach mol B'scheid (oder er liest denne Artikel...)?


Unn dann schaue ma mol, was de Metzger Lehmann in Zukunft produziert, sinniert
De Bischemer

Adé, Dreisamstadion!

Jetzt hänn d'Freyburger also ibber ä ney's Stadion abg'stimmt. Unn mit großer Mehrheit hänn sie entschiede, dass de SC Freiburg ä Neybau bekumme soll.
Fir mich isch des d'richtig Entscheidung g'sii. So kleiner Verein wie de SC brüücht halt eifach meh Züeschauer (unn b'sunders die VIP's, wu ä weng meh Geld springe lehn), damit er in de Bundesliga exischtiere kann.

Witzigerwiis hab ich de SC noch nie in'eme Heimspiel g'säne, sondern immer nur in Üsswärtsspiele. Meischtens nadierlich in Mainz, will ma do vun Bischem halt relativ eifach hinkummt.
Wenn ich 's jetzt noch schaffe will, in minnem Lebe mol den SC im Dreisamstadion z'erlebe, dann müäß ich mich ziemlich ranhalte, schiint's... Die Däg vum Dreisamstadion sinn jetzt jo 'zählt...


Unn sin Spiel g'wunne het de SC am Wocheend au noch, strahlt
De Bischemer

D'Ortenau vun wittem (39)

Ich kann's jo echt noch nit glaube... 's Bistro in Lohr soll züe mache?!?
Offiziell heißt des Lokal jo schun immer "Bistro Wolkenkratzer", sither üss dere ehemalige Schüemacherwerkstatt ä Kneip' g'macht worre isch. Aber fir alli Lohrer het's g'langt, wenn ma g'sayt het: "Ma treffe uns im Bistro!", damit jeder B'scheid weiß. "Wolkekratzer" war eigentlich schun immer irgendwie "doppelt g'moppelt", solang ich denke kann.

B'sunders güet b'süacht war 's Bistro nadierlich immer morgens / mittags am Heiligobend. Hund unn Katz unn Mann unn Müüs, also wirklich alli üsswärtige Lohrer unn Ex-Lohrer, treffe sich schon johrelang an dem Termin in unn vor'em Bistro. Do brücht ma gar kei Termin meh' üssmache, am Heiligobend steht eh d'ganz Märktstrooß voll mit alte Bekannte! Wenn ma eimol dert isch, dann kummt ma schwer widder furt, will alli Nas lang ä anderer Bekannter ufftaucht, den ma 's ganze Johr noch nit g'sähne het...

Ich kann mir noch gar nit vorstelle, dass des in Zukunft nimmi so sii soll... Wie oft bin ich zu Studentezitte, oder später, wenn ich uff "Heimatb'süach" in Lohr war, mit'em Jürgen vor'em Bistro g'hockt, hab min Schoki mit Sahne trunke, de Trubel in de Märktstrooß beobachtet unn de Herrgott ä güeter Mann sii lehn!

Hoffe ma mol, dass sich ä nejer Pächter findet, stüümt
De Bischemer

D'Ortenau vun wittem (38)

In Oberschopfe war vor'ere Woch widder Patrozinium.
(Zumindescht die Bischemer Leser wisse, dass des quasi 's Pendant zu de Bischemer Kerb isch. Nur ebbe anderscht...)
's Oberschopfener Leodegar-Fescht kann zwar nit mit de Professionalität vun de Bischemer Kerb mithalte, aber sither inzwische 36 Johr isch's immer ä b'sunderer Termin in Oberschopfe. Ich kann Eych au sage, warum. Zumindescht fir mich:

Uff de eine Sitt nadierlich wege'n'em Fescht.
Wänn sunscht het's denn so leckerer Zwiebelküache gää? Bii uns daheim het d'Mama zwar au regelmäßig Zwiebelküache backe, aber der vum Leodegarfescht war immer ebbis B'sunders. Viellicht, will dert nit nur Schmand, sondern au siäßi Sahne mit in de Belag nii g'macht wird. Viellicht, will ma ihn an de frische Luft mit all denne andere Oberschopfener isst. Oder viellicht au, will 's ihn halt immer nur ein Mol im Johr git...
De Grund isch jo eigentlich au egal, jedefalls däd ich gern widder mol so ä Stück Zwiebelküache esse! Hmm, mir lauft grad 's Wasser im Mund z'sämme!

Uff de andere Sitt aber au wege'n'em Leodegar.
Ich weiß noch, wie die G'schicht vun "unserem" Heilige mich immer b'schäftigt het. Bii jedem Gottesdiescht hab ich jo vorne Im Altarraum des Mosaik vun ihm g'sähne, wie er do mit'em Bohrer in de Hand steht. Wir schrecklich war der Gedanke, dass ma ihm d'Auge üssg'stoche het! Dann aber, umso intensiver, unn umso scheener: 's Leodegarlied! Bii'm Patrozinium singt jo d'ganz Gemeinde des Lied:
"Leodegar, ein Bischof war, zu Straßburg an dem Rheine. Er predigt Christum klar und wahr und stürzt die Götzenhaine!"
Mit derre Inbrunscht kummt nit emol 's "Stille Nacht" am Heilig Obend mit!

Also wenn ich wähle miäßt zwische Kerb unn Leodegarfescht, ich däd...

... nein, des sag ich besser nit, entscheidet
De Bischemer

D'Ortenau vin wittem (37)

Ich glaub's jo nit. 's Café Olympia in Oberschopfe het züe g'macht!?!

Es war mir zwar nit bewußt, dass 'es Olympia älter isch als ich (wenn au nit viel), aber dass es nit viel jünger sii kann, war mir klar.
Schließlich war 's Olympia schun zu minnere Kinderzitt ä Institution in Oberschopfe. Unn fir mich immer schun eini mit 'eme ganz b'sundere Flair.

Als Büe war der Lade immer ä weng geheimnisvoll, will 's Publikum so ganz anderscht war als die Litt, die ich so um mich rum g'haa hab. Immer sinn Motorräder dävor g'stande, Rocker in Jeansjacke unn Lederkluft sinn an denne baar Disch drusse g'hockt, durch die große Glasschiibe het ma nie richtig nooch drinne g'sähne, unn ma het eigentlich nie ebber Bekanntes dert troffe.
Was au klar war. Vun minnene Kumpels sinn jo nur viellicht zwei, drey ibberhaupt, unn dann nur selte, ins Olympia 'gange. Fir uns andere war die "Rockerbud" immer z'wild g'sii (bii mir viellicht au darum, will ich als Radfahrer mit denne Mopedfahrer nie viel anfange hab kinne...).

Wenn ibberhaupt, dann hänn mir uns ab unn züe (wenn ma uff ä Noochmittagsbus g'wartet hänn) im Hinterzimmer vun de "Linde" zum Flippere troffe, aber wu ich 's Kneipegehn ang'fange hab, do bin ich quasi direkt in Lohr "heimisch" worre. Entsprechend wenig Erinnerung hab ich an's Olympia an sich, aber schad find ich's uff jede Fall, dass es nooch so viele Johr nimmi existiere soll.

Wenigschtens die fuffzig Johr hätt ma noch voll mache kinne, findet
De Bischemer

D'Ortenau vun wittem (36)

Jetzt wird's endlich ball widder ä Bruck Richtung Schuttere ibber d'Iisebahn gää!
Vor drey Johr isch die alt, baufällig Bruck jo abg'risse worre, unn sither dert isch ma nur mit'eme Umweg ibber Friesene oder Niederschopfe nooch Schuttere kumme.
Was jo viellicht an sich nicht ganz so schlimm wär (wenn ma nit grad ebbis in Schuttere z'düe het...). Aber uff de andere Sitt vun de Iisebahn leye halt au de Oberschopfener unn de Schutterner Baggersee.

Friäjer, wu ich noch in Oberschopfe g'wohnt hab, do sinn d'meischte Litt im Summer mit'em Fahrrad an de Baggersee g'fahre. Unn do macht nadierlich jeder Kilometer Umweg ebbis üss. B'sunders, wenn ma obends miäd unn hungrig heim fahre will.
Vun dem her frey ich mich fir die Oberschopfener, dass die "brucklos" Zitt jetzt ball rum isch!

Schad, dass es fir denne Bade-Summer noch nit g'langt het, findet
De Bischemer

D'Ortenau vun wittem (35)

D'Offeburger Hochschüäl macht jetzt sogar ä IT-Museum uff, mit'eme historische Zuse-Rechner als Hauptattraktion!

Denne Zuse Z23 hab ich nadierlich nimmi in Betrieb erlebt. So alt bin ich dann doch widder nit!
Aber de HP-Zentralrechner, denne hab ich mit minnene selberg'schriebene Progrämmli (dertmols noch in "Fortran") noch zum Schwitze broocht. Obwohl - wahrschiins ehnder nit! Do däfiir het mir dann doch d'Kreativität oder de Ehrgeiz g'fehlt...
Mensch, was ware des noch fir Zitte, als ma in dem zentrale Rechenraum an eins vun denne etwa drißig Terminals hocke het miän, wenn ma programmiere oder ä Progrämmli laufe lehn het welle...

Unn die erschte Schritte vun de Hochschüäl ins Internet, die hab ich live mit erlebt. Minner Studiekolleg, mit dem ich nooch 'em letschte Semester uff Interrail-Tour 'gange bin, der het sinni Diplomarbeit nämlich ibber 's Internet g'schriibe. So war er einer vun de erschte, wu ins World Wide Web nii kumme isch.
Unn will ich minni Diplomarbeit grad zwei Zimmer witter programmiert hab, bin ich nadierlich au regelmäßig bii im däbii g'hockt unn hab staunend g'lernt, was do so alles bassiert!

Dertols war des alles noch viel spannender als hitt, findet
De Bischemer