Ich war däbii!

Oh Mann, des war ä uffregend's Spiel geschtern! De SC Freyburg in Mainz! Unn au noch ä Pokal-Viertelfinale. Klar, dass ich do däbii sii müäß.



Ich war jo schun ä weng zerrisse, müäß ich züegää - schließlich hab ich daheim jo zwei "Meenzer Bube, Meenzer Mädsche" hocke. Aber's Herz schlagt halt trotzdem immer fir de SC! Bii dem Spiel geschtern bin ich mit ä baar Kollege im Mainzer Fanblock g'stande, hab mich also mit minnene Sympatie fir d'Freyburger z'ruck halte miän. Schwierig, schwierig, kann ich Eych sage!

Des war wirklich kei Spiel fir schwachi Nerve... Nooch vier Minütte schun 2:0 fir d'Mainzer... Also fescht Düüme drucke unn hoffe...
Bis in d'87. Minütt isch's gange, bis endlich des Anschlußdoor g'falle isch! Unn dann erscht recht Düüme drucke! D'Freyburge sinn jo fascht permanent gege 's Mainzer Door ang'rennt - kei Wunder, wenn's Herz do bis zum Hals klopft!
Aber dann, in de Noochspielzitt: C A L I G U R I ! ! ! Macht der in de letschte Sekund de Elfmeter nii zum 2:2! Do war ich mir dann sicher, dass 'es Spiel kippt unn güät fir d'Freyburger üssgeht. Unn tatsächlich, widder de Caliguri, knipst de Mainzer in de Verlängerung 's Liacht üss!
In dem Moment isch mir nadierlich de Torjubel rüss g'rutscht - zum Glück sinn d'Mainzer Fans echt friedlich ;-)

Ihr kinne Eych vorstelle, dass es in dem Shuttle-Bus zum Parkplatz dänooch ganz scheen still war. Nix mit "Meenzer Karnevalsverein"...
Aber genau deshalb wirr ich immer zu de Mainzer halte - wenn sie nit grad gege Freyburg spiele :-]

"Berlin, Berlin, mir fahre nooch Berlin", schreyt hit au
De Bischemer

Ibber Eych

Was ma so alles fir Statistike bekummt, wenn ma ä Blog het... Schaue mol do, des isch ibber Eych:
Ä Ibbersicht, vun wu üss Ihr minner Blog g'lese hänn...
Okay, als IT-ler weiß ich, dass des nit unbedingt de echte Standort vun jedem einzelne zeigt. Kann sii, dass Ihr eifach ibber ä Netzwerk verbunde sinn, was in'eme b'stimmte Land regischtriert isch. Aber scheen isch's trotzdem, die Verteilung mol z'sähne, find ich:



Ä scheeni Woch, wu immer Ihr auch grad hocke, wünscht Eych
De Bischemer

Es langt jetzt!

Schnee liegt uff de g'fror'ne Felder,
Mensch, wie isch es kalt!
Unn es wird sogar noch kälter,
Es isch Winter halt!

G'frore glitzere die Lache
In de Winterwelt!
Gege d'Kälti kannsch nix mache,
Wer het die nur b'stellt?

Langsam hab ich g'nüe vun derre
Lange Winterzitt!
Kann's jetzt bitte Frühling werre?
Mehr verlang ich nit!

D'Sunn schiint kräftig schun vun obe,
Es bliibt länger hell.
Wenn mir sie jetzt alli lobe,
Wird's ball wärmer, gell?


Also, helfe alli mit, appelliert
De Bischemer

D'Lallers

Kinne Ihr Eych noch an "die Lallers" erinnere? Des war (irgendwänn im letschte Jahrtausend) die Comic-Serie im Radio bii SWR3. Wenn ich denk, was fir ä Kult des war im Badnerland: "Trinke mer oiner?" ... "Alla guud!"
Jederzitt unn allerorts het ma denn Spruch g'heert, des war jo quasi de offizielle badische Trinkspruch!
Ich hab dertmols versüacht, alli Episode uff Kassett uffz'nämme. (übrigens, do dran sieht ma, wie lang des her isch... Wer nimmt hitt noch ebbis uff Kassette uff??)
Was ä Sammelwüät war des! Schätzungswiis hundert Folge hab ich uffg'numme, unn irgendwänn au uff ä CD 'brennt. Ma sott nit glaube, was dem Andreas Müller (des war de Mann, der wu alli Stimme g'spielt het) do immer iig'falle isch.
Wenn Ihr Luscht hänn, dann kinne Ihr do bii SWR3 ä Üsswahl vun Episode noch anheere.

Viel Spaß däbii wünscht
De Bischemer

Valentinsdag

Nit nur hit, am "Valentin",
Zieht's mich zu de Sandra hin.
Schließlich weiß ich jo genau:
's git wie sie kei and'ri Frau!

Sie isch hübsch, sie isch scharmant,
Reist mit mir durch Stadt unn Land.
Schwimmt mit mir, fahrt mit mir Schi,
Wirklich: 's könnt nit scheener sii!

Wenn's mol klemmt, unn nix meh geht,
Weiß ich, dass Sie mich versteht!
Isch sie weg, dann fehlt sie so...
Unni sie bin ich nit froh!

Unn sie isch, au des isch schee,
D'bescht Mama fir Lu unn Le!
Jetzt isch sicher jedem klar,
Sie isch eifach wunderbar!

Unn vor allem (hör güät hin):
Sie liebt mich, so wie ich bin!
Ja, es isch, wie ich es sag,
Nit nur hit, am Val'tinstag!


So isch es, weiß
De Bischemer

Domino

So, Fasent isch rum. 's langt au mol widder fir dies Johr, wenn Ihr mich frooge. Ich bin jo keiner, wu sich jedes Johr lang Gedanke macht, was fir ä Koschtüm er anziehe (oder noch besser: baschtle unn anziehe) soll. Mir hänn ä baar Kischte mit Fasentsklamotte im Keller, unn do wird eifach ebbis üssg'süacht.
Unter anderem hab ich noch ä Domino-Kutt vun minnem Babba. Ihr kenne de Domino, oder? Die schwarz, lang Kutt, mit goldene Zierbänder, bogeförmiger Spitzkapp, Bommel unn Schelle dran... So sieht des üss:



Perfekt fir d'Strooßefassnacht, will ma unter derre Kutt noch warmi Klamotte anziehe kann.
Also hab ich bii de Umzüg, wu mir dies Johr ware, immer de Domino ang'zoge.
Bii uns do in de Meenzer Fassenacht isch die Figur jo gar nit bekannt. Entsprechend viel "Hallo" hab ich bekumme, will des Koschtüm do echt ebbis B'sunders isch - au wenn ich nadierlich nit so frech g'sii bin, wie's die Dominos in de badische Fasent normalerwiis sinn!
Apropos badischi Fasent: Vor Johre, kann ich mich erinnere, sinn sogar mol ein, zwei badischi Hexe-Gruppe bii'm Mainzer Rosemontagszug mit g'laufe, aber im Große unn Ganze isch des halt eifach nit mit de badische Strooßefasent z'vergliche! Aber so hab ich wenigschtens dies Mol ä weng Kultur in d'Meenzer Fassenacht broocht.

Jetzt aber Schluß mit dem Thema, kummandiert
De Bischemer

Darum!

Dass do nix Nej's steht, het sin'n Grund:
Bii uns isch alles "vierfarbbunt".
Drum sag ich Eych, Ihr liebi Litt,
Zum blogge hab ich grad kei Zitt!
Es kinne noch drey, vier Dag werre,
Bis widder ebb's vun mir Ihr heere!
Nehmt's nit so schwer, Ihr wisse all:
Es isch halt jetzt grad Karneval!

Helau, schreyt angepasst an sinni Umgebung
De Bischemer

Süachbegriffe zum Blog (12)

Also wenn ich nit g'nau wüßt, dass die Süachbegriffe do in dere Statistik nit vun Eych sinn, dann däd ich echt sage, Ihr hänn einen an de Waffel...!
So verrückti Sache däde IHR jo wohl nit süache, oder?? Des ware nadierlich immer D'ANDERE, uff so Idee dädi IHR jo niemols kumme, richtig??
Schaue nur, was do g'süacht worre isch:

10. alte opa komisch (... kann jo sii, aber was süachsch jetzt genau??)
9. als isch lätz (... het Dich au d'Gripp erwischt, oder hesch z'viel Fasent (vor-)g'fiiert?)
8. htizüäü (... sieht entfernt üss wie badisch, isch's aber nit!)
7. die hand ebbis (... hä??)
6. urlaub oder sunscht ebbis (... kann's au ä Kur oder ä Üssflug sii?)
5. nicki de kauflade (...kenn ich nit!)
4. comic figur lange beine dicker po (... viellicht Donald Duck?)
3. iiii gitt comics (... kei Ahnung, was Dü willsch!)
2. kleine dicken chinesen comic (... so langsam verliere Ihr mich...)
1. kennt jemand luxusbetten.de holland (...ich jedefalls nit!)

Unn was fir mich des Erstaunlichschte dran isch: Jeder vun denn het mit dem Süachbegriff minner Blog g'funde...

Also het's doch ebbis taugt, findet
De Bischemer

D'Ortenau vun wittem (24)

In Oberschopfe herrscht jo Mord unn Dodschlag. Unn mit Droge g'handelt wird au noch!
Vor zwei Woche war ich jo widder uff B'süach in Oberschopfe, unn do isch mir vun dem Mord an de Lyttkirch verzehlt worre. Dass ä Oberschopfener Kerli (der sogar noch mit minnere Schwester in de selbe Schüälklass war...) bii de Hells Angels mitmacht, des isch jo schun ä stark's Stück! Aber was jetzt do inzwisch noch rüss kummt an krumme Toure, in die der verwickelt war, des kamma jo fascht schun nimmi glaube?!?
Wu sinn denn die Zitte bliibe, wu ma in so 'eme kleine Dörfli d'Bolizey höchschtens bii'eme Audo-Unfall brüücht het? Üsser ä weng Händel zwische B'soffene uff'eme Fescht oder ä baar g'klaute Epfel het's doch friäjer in Oberschopfe kei Kriminalität gää?!?

Oder verklär ich do widder "d'güäte alte Zitte"?, sinniert
De Bischemer

De Welle

In minnere Grundschüälzitt, do het's jo genauso beliebti Vorname gää wie hit au. Nur hänn dert nit alli Büäbe Ben, Lukas oder Jonas g'heiße, sondern Thomas, Michael, Ralf unn so.
In derre Grundschüälzitt hab ich EIN Freund g'haa, der isch bii mir ibber alles 'gange. Unn will der halt au so ä "Hitlischte-Name" g'haa het, isch er ebbe vun viele mit'em Noochname g'rüäfe worre. So war er also bii uns "de Welle".
Min Babba het mol g'sayt: "Wenn Ihr z'sämme sinn, dann heert ma Dich immer nur 'Welle, do' unn 'Welle, dert' rüäfe...", unn do het er sicher nit unrecht g'haa... Fir ä langi Zitt ware mir wirklich unzertrennlich. Wenn ich nur dran denk, was fir Experimente mir z'sämme erfunde hänn, oder welli Fantasiewelte mir mit Fischer-Technik unn Playmobil erschaffe hänn!
Umso komischer isch's eigentlich, wie komplett die Freundschaft dann iig'schloofe isch, wu mir später uff unterschiedlichi Schüäle 'gange sinn. Aber er isch dann halt eifach fescht in Oberschopfe etabliert bliibe, während ich mich immer meh nooch Lohr (unn noch später nooch Offeburg) orientiert hab. Ma sott's nit glaube, aber fir ä langi Zitt hab ich de Welle echt komplett vergesse g'haa!
Im Internet hab ich jetzt kürzlich rüssg'funde, dass er inzwische in Säckinge lebt...

Viellicht sott ich mich mol bii ihm melde, ibberlegt
De Bischemer

Wuanderscht g'lese (4)

Hit will ich Eych ä Sytt zeige, wu wahrschiins jeder vun uns noch ebbis leere kann: Des isch nämlich de forschungs-blog!
In dem spezielle Artikel wird erklärt, wie Alkohol uff unser Zittg'fühl wirkt. Des isch nadierlich interessant, aber ma kann nadierlich au eifach nur de "Praxistescht" mache und des Phänomen am eigene Körper beobachte...

Ansunschte sinn aber in dem Blog ä Hüffe anderi Beobachtunge üss'em Alltag uff wisseschaftlicher Ebeni analysiert worre, unn zwar so, dass es Lese immer noch Spaß macht!

Schau mol nii, ermuntert Eych
De Bischemer

Entladebändel

Diejenig unter Eych, wu etwa in minnem Alter (oder gar älter) sinn, die kinne sich viellicht noch an die Gummistreife erinnere, die wu in de siebziger/achtziger Johr vun fascht jedem Audo an de Bode naa bämbelt hänn. Die hänn jo die statisch Ladung ableite solle, damit ma bi'm Üssstiege keini g'wischt bekummt...
Als Kinder hämmer immer 'glaubt, des wär dafiir, dass einem bi'm Audofahre nit so schnell schlecht wird. Aber do isch in unserem Vier-Kinder-Hüüshalt uff jede Fall statistisch bewiese worre, dass des nit hilft... Mindestens einem isch immer schlecht worre uff lange Fahrte! ;-)
Ich kann ehrlicherwiis au nit sage, ob des statische Entlade wirklich funktioniert het. Wahrschiins ware die Bändel nooch 'ere Zitt eh so witt abg'schliffe, dass sie nimmi bis zum Bode g'langt hänn - spätestens dann war eh lätz mit Entladung...
Aber schun ällei die Tatsach, dass ma so Bändel hitz'dag gar nimmi sieht, zeigt doch, dass es mit de Effektivität nit so witt her g'sii sii kann, gell?? Oder isch an denne Audos vun hit sunsch ebbis anderscht als friäjer??

Ich weiß es nit, gesteht
De Bischemer

Zahnschluckerwiibli

Des isch jetzt schnell 'gange... Vor viellicht zwei Woche, do isch d'Le plötzlich zu mir kumme und het mit'em Finger im Müül zu mir g'sayt: "Schau mol, ich hab jetzt au ä Wackelzahn..."! Un küüm ä Woch später, do kumm ich obends heim, unn d'Le grinst mich mit 'ere Zahnlück an unn zeigt mir de erschte üssg'fallene Zahn! So schnell isch sie also zum "Zahnschluckerwiibli" worre...
Ich kann mich noch erinnere, wie minner Babba denne Begriff immer üssg'rüäfe het, wenn eini vun minnene Schwestere widder ä Zahn verlore het. Unn bii drey Maidli isch den ä Zitt lang nadierlich gar nit so selte vorg'kumme, kinne Ihr Eych viellicht vorstelle...! Komischerwiis het's wohl de entsprechende Begriff fir mich nit gää.... Jedefalls hab ich nie ebbis wie "Zahnschluckerkerli", Zahnschluckermännli" oder ähnlich's g'heert...

Jetzt hab ich also zwei Kinder mit Zahnlücke daheim, unn wahrschiins wird des au noch ä baar Johr so bliibe.

Sie werre so schnell groß, sinniert
De Bischemer

Wuanderscht g'lese (3)

Hit will ich Eych ä Baustell zeige, wu's in Zukunft hoffentlich noch viel meh z'sähne gää wird als im Moment:
"Untold roads" will nämlich ä Sammlung vun Reiseg'schichte werre. Im Moment sinn so knapp drißig Beiträg online, unn wer glaubt, dass er ebbis däzüe beytrage kann, derf sich gern melde. Isch zwar uff englisch, aber dies dirft fo hitz'dag nit unbedingt ä Problem sii, oder??
Des scheene (zumindescht für so ä Weltebummler wie mich) do dran isch, dass die G'schichte nit wie ä Reiseführer uffg'macht sinn, sondern persönlichi Erlebnisse vun individuelle Reise sin. Unn do durch kummt die "Seele" vun denne Trips au ganz anderscht ribber, als wenn's nur um "Sehenswürdigkeite" unn Reisetips gehn däd.

Vielleicht sollt ich selber mol ebbis hin schicke, räsonniert
De Bischemer

D'Ortenau vun wittem (23)

Schaue do na... in Zell is im Museum ä »Wolperzeller« entdeckt worre...
Schun vor meh als 130 Johr sinn die Viecher g'fange worre, des müäß ma sich mol vorstelle...
In wie witt die Tierli mit de Illwedritsche verwandt, sinn, des hab ich nit richtig verstande, aber so ganz artfremd kinne sie eigentlich nit sii, oder?

Wenn Ihr au mol so ä Viech sähne, dann lehn's mich wisse, bittet
De Bischemer

2013

Es isch schun schwierig, nooch so 'eme scheene Johreswechsel widder im Alltag unterz'tauche.
Immerhin hab ich unni Probleme de Weg ins Büro widder g'funde, unn d'ganze Passwörter sinn mir au widder iig'falle.
Zum Johreswechsel het's bii mir selber jo eh ä Veränderung in de Uffgab gää, es steht mir also ä spannendi unn interessanti Zitt bevor. Ich frey mich druff, unn de erschte Dag het sich bisher ganz positiv ang'lehn...

Unn bii Eych?? Alles schun widder im Trott, oder verändert sich 's Lebe bii Eych au mol widder?
Ich wünsch Eych jedefalls, dass des neje Johr nie langwiilig wird, unn dass es ä erfolgreich's Johr wird... was immer des fir jedn einzeln vun Eych au immer bedittet...

Fange's güat an, wünscht
De Bischemer

Silvester uff Sardinie

Es isch schun komisch, am letschte Dag im Johr uff Sardinie z'sii... Bii Sunneschiin unn siebzeh Grad.
Aber ma kinnt sich dran g'wöhne, s'Johr bii Pizza, Tiramisu unn Spumanti z'beende!

Ä güäter Rutsch wünscht Eych
De Bischemer

Badisch uff'em Android

Ich bin jo widder mol unterwegs.Unn dämit Ihr trotzdem ebbis vun mir z'lese hänn, schrieb ich jetzt denne Artikel ebbe uff'em Smartphone. Des geht jo eigentlich ganz güät, so mit wische nun tippe. Aber 's Problem isch die Texterkennung. 's git halt uff Android noch kei badisch's Wörterbüach... oder hab ich do ebbis verpasst?
Do bliibt' s halt ä Geduldsspiel, unn fascht jedes Wort müäß ich kontrolliere... Aber Android lernt schnell, ball kann's au badisch :-)

Ä scheen's Wocheend wünscht
De Bischemer

Wiihnachte im Web-Zittalter

Mir hänn dies Johr jo zum erschte Mol sither langem widder Wiihnachte daheim in Bischem g'fiirt. D'Bescherung hämmer via Skype im Internet zu Oma nun Opa nooch Öschtrich ibbertrage.
D'Le het diesmol ä Tablet-Computer bekumme, do sinn allzu schun ganz begeischtert dävun.
Unni Bits unn Bytes geht's hitz'dag nimmi, scheint's!
Aber de Lu, der het sin Lego bekumme nun isch sither mit nix anderem meh b'schäftigt... Do isch d'Welt also noch wie friäjer!

Scheeni Wiihnachte wünscht Eych
De Bischemer

Weltuntergang

Sicher hänn Ihr's alli g'lese
(Hoffentlich isch Eych nit bang):
D'Welt, so isch die Maya-These
Steht vor'm Untergang!

Morge, sayt ma, soll es g'schähne
Im Kalender steht des drin,
Des hänn die Experte g'sähne...
Aber macht des Sinn?

Nai, ich kann's nit wirklich glaube,
Bin däfiir viel z'rational,
Des wird mir de Schloof nit raube:
Alles bliib normal.

Es wird alles witter laufe,
Heiligobend kummt gewiss,
Gehn noch schnell die G'schenkli kaufe,
Hänn jetzt bloß kei Schiss!

Freye Eych uff all die Feschte
Die so kurz schun vor uns stehn,
Des isch sicher 's Allerbeschte
Unn wird richtig scheen!


Morge obend werre alli lache ibber des Thema, glaubt
De Bischemer

Irischi Impressione (5)

Vun minnem Irland-Urlaub mit'em Ralf hab ich Eych schun so einigi G'schichtli verzehlt. Aber ibber d'Finanze hab ich noch nix g'schriebe. Darum bassiert des jetzt:
Die gröschte Poschte in de Reisekass ware d'Fährtickets (do kann ma leider nit viel dran mache) unn 's Diesel fir de alte Benz. Do hämmer aber noch ziemlich Potential zum Optimiere g'funde. Zum eine, will sich de Benz durch des g'miätliche Fahre mit'em Spritschlucke z'ruck g'halte. De Ralf het sogar angeblich noch nie so wenig Sprit uff hundert Kilometer 'brucht wie in Irland.
De zweite Spargrund war, dass mir öfters des steuer-reduzierte Landwirtschaftsdiesel ("red diesel") tankt hänn! Het ma zwar eigentlich nit derfe, aber d'meischte Tankwarte hänn gar kei Problem dämit g'haa, uns des z'verkaufe. Nur eimol, do het einer Skrupel g'haa. Aber nooch'em Motto "was ich nit weiß, macht mich mit heiß" het er uns zwei alti Plaschtikkanischter g'schenkt, in die er uns dann "red diesel" iig'füllt het. Mir sinn dann um d'Eck g'fahre unn hänn des Diesel selber in de Benz g'schittet... Echt kreativ, die Ire!
Des g'sparte Geld hämmer dann in de dritte Poschte, in "Sprit fir uns", investiert. Meischtens in Cider oder Guinness üss'm Supermarkt, oder obends direkt im Pub (oder alles z'sämme)... Des isch ganz scheen ins Geld gange, aber do het uns jo de Benz g'holfe :-]

Scheen war's, erinnert sich
De Bischemer

De erschte Triathlon

's isch jo inzwische ä baar Johr her, dass ich 's letschte Mol bi'eme Triathlon mitg'macht hab. Aber 's erschte Mol, des wirr ich sicher nit vergesse.
Es war im Johr 1999, minni (ex-)Freundin het grad mit mir Schluß g'macht g'haa, unn do hänn de Kai unn ich entschiede, dass de Triathlon in Eberbach grad d'recht Ablenkund wär. Also ang'meldet, trainiert unn am erschte September-Wocheend nooch Eberbach g'fahre!
De Kai isch mit'em alte VW-Bulli 'kumme, do hämmer drin schloofe kinne. Mir hänn ihm uff'em Schwimmbad-Parkplatz abg'stellt, so ware am nägschde Morge gliich mitte im G'schähne.
D'Nacht war in dem alte Bus ganz okay, noochdem mir ä Baar Bierli 'trunke hänn. Aber aber am Morge, wu mir uffg'wacht sinn, het's wie üss Eimer g'schittet! Unn leider isch des au d'ganz Zitt während 'em Wettbewerb so bliibe. Okay, vum Schwimme war ma eh nass, aber 's Fahrradfahre het uff nasse Strooße an denne steile Buckel vum Odenwald nit wirklich Spaß g'macht...
Aber hinterher, bii de Siegerehrung vom Skiclub "Grummer Stegge", do simmer uns fascht vorkumme wie in'ere große Familie.
Des het dann au noch lang ang'halte, darum simmer au jedes Johr widder hin g'fahre. Mit immer mehr Litt. Aber wie's halt so isch im Lebe: Irgendwänn isch au des iig'schloofe..

Aber do däfiir hämmer jo 's Bigge-Revival ins Lebe g'rüäfe, weiß
De Bischemer

Matze unn die Graffiti im Heft

Mit 'em Matze hab ich erscht in de zwölfte Schüälklass z'düe bekumme, will er bis derthin in 'ere Parallelklass uff'em "Scheffel" g'sii isch. In de zwölfte ware ma dann aber z'sämme in einige Johrgangs-Kurse, unn do hämmer uns uff Anhieb güät verstande, was sich au in de Schüälstunde 'zeigt het.
B'sunders an G'schichte/G'meynschaftskunde kann ich mich noch güät erinnere. Do isch de Matze nämlich näbe mir g'sesse. Unn üss Langwiil hämmer irgendwänn ang'fange, uns gegesyttig heimlich kleini Sprüchli, Bilder unn ähnlich's ins Heft z'mole. Immer irgendwo unde ins Eckli, wänn de Andere grad nit uffbasst het... Darum sinn ball so einigi Sytte in unsere Hefte verkritzelt g'sii.
Also hämmer irgendwänn entschiede, dass jeder im Heft vum andere d'letscht Sytt het frey bemole derfe, um die Kreativität z'kanalisiere. Ich kann Eych sage, do sinn in dem Unterricht echt wildi, bunti unn künschtlerischi Graffiti entstande! Hauptthema war immer, dass mir uns gegesyttig uffzoge hänn. Üss unsrem Name sinn nämlich irgendwänn d'Spitznäme "Dr. Jeckyll" unn "Mr. Hyde" entstande, unn die Charaktere sinn kräftig in die Kunschtwerke mit iig'schafft worre!
Es isch eigentlich schad, dass ich des Blatt (es war jo 's Kunschtwerk vum Matze druff, do in minnem Heft) nit uffg'hobe hab. Wahrschiins leyt des aber au do dran, dass uns des "Heft bemole" irgendwänn nimme g'langt het, unn mir zu ganz neye kreative Maßnahme 'griffe hänn, um uns gegesyttig z'ärgere...

Aber die G'schicht verzehl ich ä anders Mol, verspricht
De Bischemer

Süachbegriffe zum Blog (11)

Ma sott echt nit glaube, nooch was alles im Internet g'süacht wurd... Unn noch weniger, dass mit so "krumme" Süachbegriffe ibberhaupt irgend ebber uff minner Blog findet...
Aber schaue selber, jetzt git's widder die Highlights:

10. krippenbild von vorn (...also IHR hänn Idee...!?!)
9. stoß mal uff mein schatz badisch (... Proscht, oder was??)
8. pfirschiche (... lecker, hänn jetzt aber grad kei Saison!)
7. masterkappe (... hä??)
6. siegen hässlich (... sag ich doch!)
5. herbstwetter bilder (... do git's doch eh nur "grau in grau", oder??)
4. badische gedichte für angler (... nit grad min Spezialgebiet, aber warum nit??)
3. alte räuber schatzkarten (...wenn die echt wäre, däd ich au eini nemme!)
2. wie mache ich selbst eine schatzkarte (... am beschte erscht mol ä Schatz verstecke???)
1. spitzname der badischen armee (... hm... ob do wohl d'Gäälfiäßler g'meynt sinn??)


Mache nur witter so, grinst
De Bischemer

Banu unn Elçin

Bi'm erschte Mol, wu ich uff Interrail in Istanbul war, do war ich mit'eme Amerikaner unterwegs. Unn im Topkapi-Palast, do simmer vun zwei einheimische Maidli ang'wätzt worre. Sie hänn g'meyt, ich wär ä Franzos, darum hänn sie uns uff französisch anbabbelt. (Isch des jetzt eigentlich ä Kompliment oder ä Beleidigung??)
Banu unn Elçin hänn die zwei g'heiße. Unn mir hänn uns so güät verstande, dass mir drey Dag lang mit ihne in Istanbul unn Umgebung unterwegs ware. Sie hänn uns ganz viel Stelle 'zeigt, wu sunscht kei Tourischt hin kummt. Sey's am Bosporus lang die kleine Dörfli, d'Berg' hinter Instanbul uff de asiatische Sitt, oder versteckti Winkel in de Innestadt. Sogar mit heim hänn sie uns g'numme... (aber ällei mit ihne hämmer dert nit sii derfe, es ware immer ä baar Brüder unn Cousins däbii - was okay fir uns war).
De Ami unn ich sinn dann ä baar Dag lang durch Anatolie g'reist, unn wu mir z'ruck kumme sinn nooch Istanbul, do hämmer nochmol zwei kompletti Dag mit ihne verbroocht. Richtig toll war des!
Die nägschde bar Mol, wu ich in Istanbul war, hämmer uns noch 'troffe, aber de Kontakt isch dann leider iig'schoofe. Isch halt au schwierig, wenn ma sich nur alli baar Johr mol trifft, ansunschte aber in 'eme komplett andere Lebe lebt, gell?
Glücklicherwiis git's aber 's Internet, unn so hab ich d'Elçin in Facebook widder g'funde! Unnn jetzt werre mir uns nit ä zweit's Mol verliere, do bin ich sicher!
Ich frey mich schun druf, mol widder nooch Istanbul z'kumme, damit ich sie endlich widder mol "in echt" treffe kann!

Echt scheen, so ebbis, findet
De Bischemer

Schüähdrama

Hänn Ihr Kinder? Dann kenne Ihr sicher des Thema:
Küüm hesch ihne neyi Schüäh g'kauft, dann git's nur zwei Optione: Meischtens bassierts, dass sie gliich noch ein oder zwei Däg die Schüäh irgendwo uffg'schlurbt hänn, so dass sie gliich widder alt unn kabütt üsssähne. Ganz beliebt sinn do däfiir nadierlich Bobbycars, aber inzwische sott jeder mit Kinder wisse, dass die nur mit de allerälteschte Schlabbe benutzt werre sotte. Aber au Spielplatz, Kletterbaum oder Fahrrad sinn gern g'numme, um denne neje Schüäh de richtige "Vintage-Look" z'gää.
Unn in dem seltene Fall, wu so Schüäh mol länger als ä Woch noch vernünftig üssähne, do macht des Kind dann garantiert demnägscht ä Wachstums-Schuß, unn die Schüäh sinn gliich widder z'klein! Darum fahrt ma als verantwortungsvolli Eltern ebbe alleritt widder zum Schüähg'schäft, kämpft mit ibberzogene Design- (bii de Kinder) unn Priis- (bii de Verkäufer) Vorstellunge, unn isch heilfroh, wenn ma denne Üssflug heil unn erfolgriich widder hinter sich broocht het...

Aber kümm daheim, geht des Drama widder vun vorne los, weiß
De Bischemer

De Hermann Hesse

Hänn Ihr ä Lieblingsautor?? Minner isch jo schun sither Schüälzitte de Hermann Hesse. Klar, inzwische git's einigi anderi Schriiberling, die wu ich gern lies. Aber nur vum Hermann Hesse hab ich (so güät wie) alles g'läse, was er g'schriebe het.
Mit "Unter'm Rad" het's ang'fange, des war in de siebte Klass. Durch des Büach
hab ich mich noch meh schlecht als recht durch g'quält. Aber in de elfte dann, bi'm "Steppewolf", do het's mich 'packt! De "Demian", de "Siddhartha" unn die ganze andere hab ich quasi verschlunge, unn nur am "Glasperlespiel" hab ich länger z'kaue, äh, z'lese g'haa.
Min absolut's Lieblingsbüach isch jo immer noch de "Demian", denne hab ich mehrmols g'lese, quasi vorwärts unn ruckwärts, ich hab 'ne quasi verschlunge!
De "Steppewolf" het durch des Analysiere in de Schüäl ä weng vun sinnere Faszination verlore, aber mit de Zitt (unn mit'em Abstand vum Ditsch Grundkurs) isch au die widder z'ruck g'kumme.

Kürzlich hab ich au ä Reportage im Fernseh g'sähne, wu sie zeigt hänn, wie de Hesse bii de Hippies in Amerika als Idol verehrt worre isch, unn irgendwie hänn die Schüälkamerade üssem Ditsch-Leistungskurs au immer ä weng abschätzig uff uns Hesse-Fans nab g'schaut, hab ich in Erinnerung... War mir aber egal!
Sinni g'sammelte Werke stehn hit noch bii mir daheim im Regal, unn ab unn züe schau ich ganz gern widder mol nii unn lies ä weng drin.

Lese meh Hesse, appelliert
De Bischemer

Was war denn des??

Ihr liebi Litt, ich hab grad mol uff de B'süacherzähler vun dem Blog g'schaut, unn mich het's jo ball vum Stüähl g'lupft:

Was war denn des? Ma kinnt jo meyne, do het ebber ä "virtueller Flashmob" g'macht?!? Hänn Ihr Eych abg'sproche?
Wie auch immer, mich freyt's... Ihr kinne gern so witter mache!

Ä scheener Dag noch, wünscht
De Bischemer


Noochtrag am 5. Dezember:

Flashmob... Ganz klar ä Flashmob ;-)

D'Laufgrupp

Hit geht's endlich widder mit de Kollege laufe!
Sither knapp zwei Johr hämmer in de Firma ä Laufgrupp, wu etwa acht bis zehn Kollege (in wechselnder B'setzung) immer mol widder däbii sinn, je nooch Termin. Des scheene isch, dass ma uns obends am fünfi direkt uff'em Büro-Parkplatz treffe unn ä güädi Stund z'sämme jogge. 's git nadierlich schnelleri unn langsameri Läufer, aber entweder bilde sich entsprechendi Grüppli bi'm Laufe, oder d'Schnelle bremse sich ä weng, dass alli z'sämme bliibe.
Vier Monat lang hab ich im Summer pausiert, aber jetzt sinn minni Sehne widder so fit, dass ich mich trau, widder mit z'laufe. Die Strecki isch zwar länger als des, was ich bisher widder trainiert hab, aber denne Muskelkater morge müäß ich halt akzeptiere. Unn in drey, vier Woche, wenn's güät lauft, halt ich denne Lauf au widder problemlos durch, bin ich ibberzeugt!

Frisch ans Werk, rüäft
De Bischemer

Déjà vu im Hallebad

Geschtern war ich mit Familie unn minnene zwei Neffe plus Freund im Lohrer Hallebad. Do war ich garantiert sither nienzehn Johr nimmi drin! Nooch de Schüäl-Pflichtschwimm-Termine hab ich nämlich kei Grund meh g'haa, in so ä lüüsig's Hallebad z'gehn!
Unn trotzdem, oder viellicht au grad drum, sinn mir geschtern widder so ä baar Erinnerunge hoch g'kumme. Ällei schun der Iigangsbereich, wu's schun nooch Chlor schmeckt, unn wu's rechts ab geht in d'Umkleidekabine vun de Turnhall. Grüüsig!
Dann obe, d'"Milchbar"... Mir schiint's, des sinn immer noch d'selbe Besitzer wie friäjer...
Ich gib jo züe, dass wenigschtens d'Umkleide jetzt scheen üsssieht, aber 's Bad selber, mit de drey Becke, isch noch genauso troschtlos wie eh unn je.
's Nichtschwimmerbecke, in dem ich am Anfang noch mit de Kippener Zwilling' als einzigi Nichtschwimmer rumplanscht hab, isch jetzt nadierlich voll g'sii mit Babys, Kinder unn Eltern.
's Schwimmerbecke sieht iiberall gliich üss, do kammer wohl nix sage. So viel wie geschtern bin ich do drin aber minni Lebdag noch nit g'schwumme :-) Ich hab jo au nit mit Baumwoll-Jack um min Lebe schwimme miän, wie's mir vun friäjer noch grüüsig in Erinnerung bliibe isch!
Unn's Springerbecke war friäjer im Sportunterricht jo Tabu, do hämmer jetzt wenigschtens Spaß g'haa.
Alles in allem hab ich also in denne nienzehn nit wirklich ebbis verpasst, unn vun mir üss kann's gern nochmol nienzehn Johr düüre, bis ich 's nägschde Mol in des Bad nii kumm.

Do git's Dutzend scheeneri Bäder, findet
De Bischemer

Wuanderscht g'lese(2)

Hit will ich Eych ä Blog ans Herz lege, wu's immer widder amüsanti G'schichtli z'lese git: Des sinn die "Herzdamengeschichten" vum Herrn Buddenbohm üss Hamburg. Es isch eifach scheen, wie er ibber's Familielebe, mit sinnene alltägliche Kämpfli, aber au mit denne b'sundere Sternstunde, schriibt. (Unn um ehrlich z'sii, het er mich mich au uff die Idee broocht mit'em "wuanderscht g'lese"...)

Im Moment het er grad so ä "Mini-Serie" mit Artikel (wenn au vun Gascht-Schriiber) ibber d'Hamburger Stadtteile ang'fange. Do isch er bii mir als bekennendem Hamburg-Fän nadierlich an de richtige Adress... Schaue Eych, zum Beyspiel, mol des Stimmungsbild an, wu er vun Blankenese moolt.. Ich sieh's förmlich vor mir, wie mir im März genau dert rumg'stiefelt sinn.. Eifach herrlich! Des isch genau de Stil vum Buddenbohm... Ich hät gar nit g'merkt, dass es nit vun ihm isch, wenn's nit däbii stehn däd!

http://www.herzdamengeschichten.de/2012/11/15/der-rest-von-hamburg-3-blankenese/

Bii dem Kerli kann ma echt regelmäßig mitlese, findet
De Bischemer

Zuckerrohr

Hänn Ihr schun mol Zuckerrohr g'esse?? Ich hab des jo zum erschte Mol uff Sansibar probiert.
Do kann ma des Zuckerrohr in kleine Stückli kaufe, etwa so groß wie Praline. Koscht jo au fascht nix, also müäß ma 's mol versüache: Dü stecksch also des Stückli in de Mund unn bisch druff. Ma glaubt nit, wie viel Zuckersaft üss so 'eme Stückli Zuckerrohr rüss kummt! Also kausch widder, will der Saft jo schmeckt, als dädsch Kandiszucker schlotze. Zuckerwässerli halt... (aber nit des vun de Lendersbachhütti!).
Aber dann merksch ziemlich schnell, dass die Zuckerrohrfasere immer mehr werde im Mund. Fascht kinntsch meyne, des komisch Ziigs däd witter wachse, während da druf rum kausch. Unn ziemlich schnell kumt au kei Zuckersaft mehr rüss, unn dü hesch nur noch des Stroh im Mund! Also üsspucke, aber schnell... Solang's noch geht, bevor de ganze Mund voll isch ;-)
Aber gliich widder hesch Luscht, des nägschte Stückli in de Mund z'nemme, will der Saft so siäß isch. Unn 's Spiel geht grad widder vun vorne los!

Probiere's üss, wenn ihr d'Chance bekumme, appelliert
De Bischemer

Uff Klassefahrt

Hit noochmittag geh ich mit minnene Litt uff ä Abteilungsüssflug. Des kummt mir so ä weng vor wie friäjer, wenn ma in de Schüäl ä Klassefahrt g'macht hänn. Z'erscht werre ma ä Burg am Rhiin besichtige, unn dänooch welle mir noch in ä Restaurant zum Schnitzel-esse gehn.
Friäjer, do het ma sich als Schüäler jo eifach z'ruck lehne kinne, will der oder die Lehrer d'ganz Verantwortung g'haa hänn. mir hänn nur unseri Dasche däbii g'haa, damit mir nit verhungert unn verdurschtet sinn, unn hänn de ganze Dag lang Bleedsinn g'macht. Grad, wenn's dann uff so ä Burg wie 's Geroldseck gange isch, do hänn die Lehrer alli Händ voll z'düe g'haa, uns im Zaum z'halte... Ich müäß sage, beneidet hab ich si do drum nie!
Aber jetzt bin ich jo quasi de Lehrer. Unn obwohl alles erwachseni Litt sinn (oftmols sogar älter als wie ich) schaue alli widder uff mich, dass des klappt.
Uff Burgspiele, Schnitzeljagd unn so ebbis verzichte ma diesmol ganz. Ich hab nur, wie bii'eme Kindergeburtsdag, ä baar kleini Schatztütli mit Schokolad g'macht. Die wirr ich dann fir ä "Schatzsüach" in de Burg versteckle, damit dann jeder ebbis z'schnaige het.
Aber ansunschte will ich gar nit so arg de "Vortänzer" spiele, sondern selber ä scheener Dag haa.

Wird schun klappe, hofft de Bischemer

Wocheends in Trier

So, de Winter kann kumme! Ich war am Wocheeend widder mol in Trier, bii de "Generalimmunisierer"... Wer sie kennt, der weiß B'scheid!
Zwei Dag unn zwei Nächt in dere Wohnung, des isch effektiver als jedi Grippe-, MMR-, Tetanus- unn Hepatitis-Impfung z'sämme ;-)
Unn nadierlich isch's mol widder scheen g'sii, mit viel esse (alles g'kocht uff'em Infektionsherd), noch meh trinke (zum desinfiziere...) unn ä Hüffe Käs babble! Damit's nit ganz so ung'sund isch, simmer am Sunndig morge sogar noch ä Stund lang jogge g'sii! Mir hänn also echt noch ebbis fir d'G'sundheit g'macht!
Schad nur, dass es Wetter so grüüslig war, sunscht wär de samschdägliche Üssflug ins "Städtli" noch länger, vor allem aber ang'nehmer g'sii. So isch er quasi komplett ins Wasser g'falle...

Aber ma kann jo nit alles ha, weiß
De Bischemer

Bananeweize

Gitt's eigentlich noch ebber, der wu in de hittige Zitt Bananeweize trinkt? Ich glaub, ich hab des Getränk schun sither Johre nimmi g'sähne. Aber in derre Zitt, wu mir regelmäßig ins Milieu nooch Hausach g'fahre sinn, do war es gang unn gäbe, sich in's Weizebier ä Schuß Bananesaft nii mache z'lehn.
Ich glaub jo, des war immer des Getränk fir Bier-Anfänger, denn 's Weize unni de Bananesaft z'bitter war.
Genau es selbe also, warum hit Grapefruit-, Drachefrucht- oder anderer Saft däzüe gää wird...

Nix fir echti Männer halt, findet
De Bischemer

De Hafer- unn Banane-Blues

Ja, ich gib's züe: 's Äffli unn's Pferdli sinn eigentlich nit wirklich badisch, sondern schwäbisch. Aber trotzdem sinn die zwei Kerli fir mich ä wichtig's Stück vun minnere badische Erinnerung. Schließlich het's friäjer jo noch nit so viel Programme im Fernseh gää wie hit, unn do isch ma halt oft bii de ARD hänge bliibe. Unn wenn dert Werbung kumme isch, dann sinn ebbe au immer 's Äffli unn 's Pferdli mit däbii g'sii.
Genau g'numme sinn die jo au de einzige Grund g'sii, warum ma sich Werbung ang'schaut het, aber des war sicher au d'Absicht vun denne Fernsehmacher.
Unn ab unn züe, so ganz selte, sinn dann halt au die ä weng längere Filmli vum Äffli unn 'em Pferdli g'loofe. De bekannteschte war sicher "De Hafer- unn Banane-Blues". Der het uns Kinder so güet g'falle, dass mir 'ne ball schun üsswendig g'kennt hänn, unn umso mehr hämmer uns g'frayt, wenn er widder mol g'loffe isch.
Unn wie ma's vum Internet wohl au nit anderscht erwartet däd, es git des Filmli au im Internet..:




Viel Spaß bii de Erinnerung wünscht
De Bischemer

Bunker 17

In de siebte Klass, do simmer im Landschulheim in Titisee-Neustadt g'sii. Unn wu mir uns uff die Sechser-Zimmer verteile hänn solle, do war klar, dass mir fünf Oberschopfener uns z'sämme düen, unn unser beschter Kumpel, de Ebse üss Friesene, isch noch däzüe g'kumme.

Ihr kinne Eych viellicht vorstelle, was do los war uff dem Zimmer, mit sechs Siebtklässler... Mir hänn d'Zimmernummer 17 g'haa, unn schun ball het sich in dere Jugendherberg de Begriff "Bunker 17" etabliert. B'sunders obends, wenn mir uff'em Zimmer hänn bliibe solle, sinn mir zu Beschtform uffg'loffe.

In de Maidli-Bereich het's uns dert noch nit ernschthaft triibe (im Gegesatz zu unserem Noochberzimmer, wu ehnder die "Casanovas" üss de Klass g'sii sin). Mir hänn däfiir richtig Spaß uff'em Zimmer g'haa. Mit Lieder dichte (b'sunders gern gege / ibber de Doni), Fress-Orgie, Kisseschlachte, heimliche Üssflüg unn viel Bleedsinn mache.

Bii manche Sache simmer froh, dass sie nit rüss g'kumme sin. ("What happens in Bunker 17, stays in Bunker 17", umm des Sprichwort vun Las Vegas z'verwende...) 

Eimol hämmer de Ebse sogar g'fesselt unn g'knebelt, will er nachts eifach kei Rüäh gää het, während mir andere endlich hänn schloofe welle. Er het sich aber frey g'kämpft unn wie ä Furie uff uns g'stürzt. Ällei gege uns fünf, aber er war so in Rage, dass ma ihn nit het stoppe kinne! Ä ganz scheeni Tracht hämmer vun ihm kassiert... (Viellicht hätte ma ihm doch nit denn alte Socke in de Mund stopfe solle???) ;-)

Anderi G'schichtli (Zahnpasta am Türgriff unn ähnlichi Sabotage-Aktione) het nadierlich jeder mit bekumme.

Es war ä toll's Landschulheim, erinnert sich
De Bischemer

D'Ortenau vun wittem (22)

Unn gliich noch mol ebbis üss de Ortenau:
Do schau her, de Herbert Söllner isch 70 worre...!
Der war min allererschter Müssig-Lehrer am "Scheffel", unn witzigerwiis au noch unser Klasselehrer in dem Schüäljohr. Ich kann mich noch erinnere, dass er schun dertmols echt ä begnadeter Müssiger war. Aber als Fünftklässler hänn mir mit ihm als Lehrer so unseri Problemli g'haa. Wenn ich nur dran denk, dass er uns ä Konzert vom Stockhausen het analysiere lehn - ich glaub, mit dem Komponischte kinne selbscht hit noch d'wenigschte vun uns ebbis anfange... ;-)
Uff de andere Sitt war's schun ebbis b'sunders, wenn ma zum Unterricht endlich in dem Müssig-Saal hinter de Aula g'sesse isch. Der het jo immer vum Lehrer ersch uffg'schlosse werre miän, wege dem wertvolle Flügel drin. Unn wenn de Herr Söllner dann an ebbe dem Flügel g'sesse isch un uns Melodie vorzauber het, des war schun einmalig!
Unn ich glaub, dass des stückliwiise Anhöre unn Entdecke vun de "Moldau" mit verantwortlich däfiir isch, dass fascht alli vun uns des Stück vum Smetana so gern hänn!
(Näbebey bemerkt war des au 's einzig Johr, wu ich ä "Einser" in Müssig g'haa hab, sowitt's mir denkt...)

Also, herzliche Glückwunsch, rüäft
De Bischemer

D'Ortenau vun wittem (21)

Ä kleiner Tipp vun mir, falls Ihr fir morge obend noch nix vor hänn: Gehn doch uff des Konzert in Oberschopfe, do kinne Ihr (unter andere nadierlich) au minner Babba singe heere...
Unn De Peter Kupfer isch sowieso ä "Institution" in de Oberschopfener Müssig. Des war er schun zu minnere Zitt, unn des het sich, so schiint's, in de letschte Johrzehnte nit g'ändert!

Nix wie hin, appelliert
De Bischemer

Süachbegriffe zum Blog (10)

So, 's isch mol widder Zitt für Eyer Ziigs. Des, mit dem Ihr uff minni Sytt kumme sinn, um g'nau z'sii. De Countdown lauft:

10. whirlpool stadion (ich weiß au nit, was der meynt...!)
9. musketiere namen (D'Artagnant fallt mir noch ii, aber die andere??)
8. ilwedritsche jagd 2012 (... Wänn geht's los? Ich bin däbii!)
7. wunderlied ("Tschutschutschu, die Eisenbahn"... zumindescht bi de Lea)
6. badisch hebe (... unn lupfe, do hab ich's erklärt!)
5. curly wurly früher 3 musketiere (... lecker!)
4. mirde kinne (... hä?? Also badisch isch's nit, unn Google Translate kennt's au nit... )
3. ich hab ä kleini (... ä kleine WAS?)
2. naddi kauft amsterdamrad (... .scheen zu wisse...)
1. bischemer woistandtour (... wow, Bischem isch endlich bi minnem Blog ang'kumme...!)


... unn immer scheen witter süache, appelliert
De Bischemer

Mol widder Sardinie!

Ich hab jetz schun ä Wiili ibberlegt, ob ich gliich ä Fotogalerie do in de Blog setzt soll, um Eych all die scheene Impressione von Sardinie z'präsentiere. Aber ich glaub, des isch nit 's Richtige.
Stattdesse gib ich Eych die Iidrück vun unserem Urlaub lieber in Worte, dann kinne Ihr Eyer "Kopfkino" laufe lehn...
Also, los geht's:

Wysser Sand, türkises Wasser, Schwimme im Meer, sibbe verschiedeni Stränd, Mortadella, Prosciutto, Pasta, Pizza, Cannoneau & Ichnusa (sardischer Wiin unn Bier), Schleck-Iis, Lungomare, Altstadt, engi Gäßli, flaniere, Sunneuntergang im Meer, Balkon mit Meerblick, Palme, Bougainvillea, Oleander, Feige, Pfirschich, Kaktusfeige, unn, unn, unn...!

Aber EIN Foto, des müäß ich Eych uff jede Fall zeige, damit Ihr wisse, warum min Herz so an Sardinie hängt...
Do ischer, de wahrschiins scheenschte Strand vun de Welt:

Unn do dämit meld ich mich widder z'ruck im Alltag, stüümt
De Bischemer

T'schuldigung!

Ja, ich weiß... Ich hab Eych unn denne Blog eifach ällai g'lehn. Aber 's isch eifach nit anderscht gange. Mir ware zehn Dag uff Sardinie, unn konsequent offline! Aber jetzt bin ich widder do, unn ball verzehl ich Eych mehr...

Versproche, schwört
De Bischemer

Wuanderscht g'lese (1)

D'Welt isch jo kei Dorf (unn schun gar nit so ä klein's wie Bischem). Unn au 's Internet besteht nit nur üss'em "badische Bischemer". Do bißt die Müüs kei Fade ab...
Darum hab ich b'schlosse, Eych ab unn züe do in minnem Blog ä weng ebbis vun andere Sytte im Internet z'zeige, was ich grad int'ressant find.
Anfange will ich hit mit'eme Artikel vun 'eme Blog, bii dem ich ganz gern immer mol widder nii lüäg. Unn zwar schriib dert "die liebe Nessy" ibber alles, was ihr so ibber de Weg lauft.
Schaue Eych nur mol denne Artikel an, dann sehne Ihr wahrschiins, wie kurzweilig des sii kann...

Viel Spaß bii'm Entdecke wünscht Eych
De Bischemer

D'Ortenau vun wittem (20)

Es isch jo echt trüürig, wie's am End vun de Lohrer Märktstrooß im Moment üsssieht... Unn 's soll jo noch ä Johr düüre, bis es alte KK widder uffmacht.
C & A unn de New Yorker solle do nii ziäge.
Immerhin, müäß ma sage...! Wenn ich denk, was friäjer 's Kaufhaus Krauss fir ä Name g'haa het in Lohr... Do hesch eifach ALLES bekumme; ä besserer Ort zum "Rumschlämple" het's in Lohr eigentlich nit gää! (Unn die Plaschtikgugge mit dem dunkelblaue KK-Muschter het ma dertmols au iiberall in Lohr g'sähne, wenn ich so noochdenk...)
Wenn bii uns in de Schüäl mol d'letscht Stund üssg'falle isch, dann bin ich ab unn züä in d'Märktstrooß g'loffe unn hab im KK Biacher, Schallplatte oder sunscht ebbis ang'schaut. B'sunders dann, wu 's ibber d'Strooß nibber au noch de Sport-Krauss gää het, isch d'Zitt schnell rum 'gange. Unn g'funde zum kaufe het ma eigentlich immer ebbis!
Dänooch bin dann dert irgendwo in de Bus nach Oberschopfe iig'stiege. Will der Bus am Schlüssel losg'fahre isch, het ma so wenigschtens noch ä Sitzplatz bekumme, was dann in Dinglinge in de Mittagszitt jo ziemlich unwahrschiinlich war...
's het also drey Vorteile g'haa, der Üssflug ins KK: D'Zitt isch rumgange, ma het ebbis z'lüäge g'haa, unn bequem heim fahre het ma au noch kinne...


's KK war halt ä Lohrer Institution, weiß
De Bischemer

Friddigs im Pub

Es gitt so ä baar Tradizione, die schätzt ma erscht dann richtig, wenn's sie nimmi gitt.
So isch's zum Beispiel mit unserem friäjere Friddig-Obend g'sii. Es war ganz egal, ob d'Litt im Lohrer Umland g'wohnt hänn oder nur zum Wocheend heim g'fahre sin: Am Friddig obend het sich d'ganz Korona im Pub in Lohr 'troffe. Also im ehemalige Grünspan-Pub (was aber irgendwänn de Grünspan verlore het)...
Ä b'sunders Hallo het's immer dann gää, wenn ebber vun denne uff'taucht isch, die witter weg wohne (Lübeck, Hamburg unn so), unn die sich deshalb nur alli baar Woche im Pub 'zeigt hänn...
So wie ich: In minnere Siegener Zitt bin ich jo meischtens alli zwei, drey Woche heim g'fahre. Unn dann hab ich mir kei Gedanke mache miän, was am Wocheend uff'em Programm steht. Ich bin eifach ins Pub, hab die ganze Litt 'troffe, unn dann hämmer besproche, was an dem Obend unn am Wocheend noch abgeht.
Bis ma sich mit allene "relevante" Litt üssdüscht het isch's ä baar Stunde 'gange, unn oftmols isch des im Hinterzimmer am Kickertisch bassiert. Des Zimmer war dann rammelvoll, reihum isch in wechselnde Teams gegenander g'spielt worre, unn jeder hett sin Spaß g'haa. Unn nebeher isch g'nüä Zitt zum Schwätze unn Dummbabble g'sii...
So um Mitternacht rum het sich die Grupp dann langsam g'spalte, will einige noch in ä Disco hänn gehn welle, anderi aber lieber noch bii ä baar Bierli witter g'schwätz hänn.
Also sinn ein, zwei Audos voll'packt worre, unn ab isch's 'gange ins Milieu, ins Atlantis oder in d'Arche.
De Rescht isch dann meischtens hocke bliibe, bis 'es Pub züä g'macht het, het noch ein oder zwei ibberbackeni Baguette 'gesse unn isch heim g'wackelt. Unn bis derthin war de Samschdig meischtens au schun verplant.
Nadierlich isch mir der immer gliiche Ablauf au ab unn züe uff d'Nerve 'gange, aber erst später, wu ma niemänds bekanntes mehr im Pub 'troffe het, do isch mir bewußt worre, wie ang'nehm des doch eigentlich war...

Kenne Ihr des au?, froogt Eych
De Bischemer

Immer die bleed Rüefbereitschaft...!

Oh Mann, was hab ich fir ä Wocheend hinter mir...!
Ich war widder mol dran mit Rüefbereitschaft, unn schun am Friddig obend isch's los'gange. Bii 'ere große Bank in Frankfurt het's wohl brennt, unn do däbii sin im Rechenzentrum au ä baar Maschine vun uns üssg'falle.
Also war ä riesigi Mannschaft vun Manager unn technische Fachlitt dran, die Maschine widder an's Laufe z'bekumme unn die Situation in de Griff z'bekumme. Was nit so eifach war.
Im Endeffekt hab ich fascht de ganze Samschdig dran g'schafft (mit zweistündliche Telefonkonferenze mit de Chefs vum Kunde-Rechenzentrum unn lange Diskussione mit unsere Entwickler in China unn USA). Vun dem herrliche Spootsummer hab ich also grad gar nix g'haa.
Am Sunndig war's nit ganz so schlimm, aber au do het immer mol widder 's Telefon 'klingelt, unn die Telefonkonferenze sinn au noch däzüe 'kumme.
Wenigschten hämmer dann obends noch ä kleini Radtour zum Spielplatz g'macht, dass ich au mol an d'Luft kumm.
Unn neyi Fälle sinn ibber d'Nacht zum Glück au nimmi 'kumme...

Aber jetzt bin ich die Rüefbereitschaft widder los, weiß
De Bischemer

Sancho & Pancho

Wer vun Eych kenn noch die zwei witzige Frösch, die wu als Comic-Figure friäjer im Fernseh kumme sinn?


Sancho isch de Dicke, unn Pancho de Dünne g'sii. Aber b'sunders hell ware sie eigentlich beidi nit... Unn eigentlich isch's immer nur drum 'gange, ob sie ebbis z'fresse finde, oder ob sie selber g'fresse werre solle...
Kürzlich hab ich do im Internet sogar ä Fan-Sytt zu denne zwei g'funde, unn uff Youtube kann ma die ganze Episode anschaue... wenn au nur in schlechter Ufflösung. Aber des isch bii so altem Material eigentlich au kei Wunder, oder?

Viel Spaß bi'm Erinnere wünscht Eych
De Bischemer

Badisch's Esse

Isch Eych eigentlich klar, in was fir'eme g'segnete Land die Badner wohne? Nit nur, dass es ung'loge "'s scheenschte Land in Ditschlands Gaun" isch, es git jo au echt einzigartig's Esse. Mir lauft jetzt schun 's Wasser im Mund z'sämme, wenn ich nur dran denk... Ang'fange bi de Schwarzwälder Kirschtort oder bi'm Mahlberger Schlossküache, dann witter zu de herzhafte Sache wie Schiifili mit Kartoffelsalat oder Ritscherli mit Kracherli...
Es git nadierlich au einigi "bodeständigi" Sache z'esse, aber sogar do het d'badisch Sprooch eifach ä tolli Art, des ribber z'bringe! Denke mol an frischer Bibbiliskäs, brägelti Nudle oder Bubespitzli. Vun Spätzli, Hechtklößli unn Bodesee-Saibling gar nit z'rede!
Als Dessert dann ä Ofeschlupfer, unn zum Abschluß ä Kirschwässerli.
Dann versteht sicher jeder, dass es nit "lebe wie Gott in Frankrich", sondern "lebe wie Gott in Baden" heiße sott...

Oder was meyne Ihr?, froogt
De Bischemer

D'Ortenau vun wittem (19)

In Oberschopfe bereite sich alli uff's große Jubiläum vor.
Ich find's au richtig scheen, dass d'Zittung so viel do dribber berichtet unn jetzt schun d'Spannung uffbaut. Aber ibber die alt Boschtkart, die wu hitt in de Zittung drin isch, müäß ich schun ä weng schmunzle:


Liebi Oberschopfener (au wenn die Verantwortliche fir die Boschtkart viellicht schun gar nimmi unter uns sin...)! Het's in Oberschopfe kei besseri Gebäude z'fotografiere gää als üssg'rechent d'STINKI???
Des Anwese do an de B3 isch jo schun scheen, zumindescht sither de Schornstein weg isch. Unn minni Frau draimt immer, wenn mir dran durchfahre, vun so viel Platz im unn um's Hüüs...
Aber 's isch unn bliibt halt d'Stinki! Warum nit d'Kirch, 's alte Roothüüs, de Dreyangel oder so ebbis?

De Kopf ibber d'Vorfahre schittelt hitt
De Bischemer

Gedichtli schriibe

Mensch, wu isch die Zitt bloß bliibe?
Was hab ich nur g'haa?
Lang schun kei Gedicht meh g'schriebe,
Wu fang ich bloß aa?

Ibber was soll ich nur dichte,
Was isch wirklich "echt"?
So ä baar Familieg'schichte
Wäre echt nit schlecht!

Oder ebbis ibber's Läbe
Drusse in de Welt,
Wenn's doch nur ä Hochzitt gäbe,
Die käm jetzt wie b'stellt!

Au des Wetter macht sich immer
Wirklich b'sunders güät.
Eventuell ä Sturm, ä schlimmer.
Der erweckt die Wüät.

Mensch, jetzt fang ich echt an z'bruddle,
Mir fallt gar nix ii!
Schließlich will ich nit nur huddle,
Ebbis G'scheyt's soll's sii!

Was nit isch, därfsch nit erzwinge
Kannsch nit alles haa,
Wenn sie kumme, solchi Dinge,
Fang ich widder aa!


Also dann, bis bald, sayt
De Bischemer