Audoquartett

Was hämma friäjer im Schüälbus immer Audoquartett g'spielt! "Zwelf Zylinder... Stich!", "1250 Kilo... Stich!", "Baujohr 1978... Stich!" So isch des jede Dag 'gange! Schun an de Haltestell het's aag'fange, dann d'ganz Fahrt vun Lohr heim, unn oft isch 's Spiel dann noch bim Heimlaufe fertig g'spielt worre.
Was het's do abber au alles fir Kaartespieler gäh: Audos in alle Variatione, Rennwage, Motorräder, Schiff, Flugzeyg, Iisebahne, Rakete, sogar Doppelkarte, die wu ma rumdrille het kinne, will sie obe unn unde anderi Rennaudos g'ha hänn, oder ä Mini-Quartett, wu die Kaarte nur viellicht ä Viertel so groß ware wie normali Spielkaarte...
De Ralf (einer vun zweie in minnere Schüälklass) het sogar vor kurzem widder ä Raumschiff-Quartett g'funde, wu unter anderem de Todesstern vun StarWars däbie isch...


Eimol bin ich mit'm Donni (de andere vun denne zwei Ralfs, der wu bi uns wege sinnem Noochname so g'heiße het) sogar an de letscht Stroße-Eck, wu ma beidi nur noch ei Strooß ällai widder laufe hänn miän, fascht ä Stund hänge bliebe. Schliäßlich hämma jo des Spiel fertig spiele welle, unn will ma bi de letschte drey Karte jo frei wähle het kinne isch's halt immer widder hin un her gange. Mensch, was het minni Mama bruddelt, will sie mit'm Esse g'wartet het unn alles verkocht war...!

Ma müäß halt au Prioritäte setze, grinst
De Bischemer

Laufe unn renne

Geschtern isch mir widder so ä "falscher Freund" im badische iig'falle:
Wemma im hochditsche "laufen geht", dann geht ma im badische "renne". Will des badische "laufe" däd ma im hochditsche jo ehnder mit "spazieren gehen" ibbersetze. Viellicht benutz ich deshalb jo au fascht immer des Wort "jogge", will des klar sait, was ich meyn...?!?Also: Ich war mol widder jogge... unn do isch mir widder die ney Trendsportart fir Fraue ibber vierzig (unn anderi...) uffg'falle: Des "Nordic Talking". Normalerwies solle (oder welle) die Fraue jo Nordic Walking mache, aber 's einzig, was sich richtig bewegt, isch de Schnabel. Eigentlich fehlt nur noch, dass sie d'Steck hinter sich her schleife lehn, will sie sie jo eh nit nutze...
Genau g'numme git's im Badische do noch ä besserer Begriff däfir als Laufe: Trottle... Des isch nämlich die Gangart, die Kinder oft uff'm Heimweg vun de Schüäl druff hänn. (Do fallt ma grad ä anderi G'schicht ii, aber die verzehl ich Eych ä anders Mol...)

Mir isch fascht jetzt noch schwindlig vum viele Slalom-renne, grinst
De Bischemer

Ibber de Wolke

Geschtern obend het mich de Olli mitg'numme zum Fliege. Mit'm Ultralichtflugzeyg. Des isch jo echt ä Abenteuer, wemma in dem kleine Fliegerli sitzt unn merkt, wie licht, klapprig unn wacklig des doch eigentlich isch.. vun wittem sähne die nämlich viel stabiler üss...!



...unn plötzlich het ma dann under sich nur noch dinni Luft...!

Mir sinn hin un her g'hopst, nuff unn nunder g'schuggelt, vun links nach rechts unn vun rechts nach links g'wackelt. Will's so heiss war het's schiens so viel Turbulenze g'ha.
Minner Mage vertragt des jo gar nit güät, unn wu ich dann au noch ä weng g'filmt hab, do war's endgültig üss, unn ich hab nur noch g'schwitzt unn kämpft, dass es mir nit noch ganz dirmelig wurd...

Unn trotzdem isch's ä einmalig's Erlebnis!

Vun obbe
D'Audos sähn' wie Matchbox üss,
Unn schau dert: Ä Lego-Hüüs!
D'Litt, meynsch grad, sinn Playmobil,
Wie ich als mit'm Lukas spiel.
Nebe 'm Märklin-ICE
Wachse Mini-Baim in d'Höh...
Ja, ä ganzi Spielzeygwelt
Isch do fir uns uffgestellt!

Jetzt kann ich de Reinhard Mey verstehn, sinniert
De Bischemer

Pfirschichbaimli

Vor drey Johr hämma ämol fir ä paar Mark fuffzig (ja, ich weiß, 's gitt kei Mark meh...) ä Pfirschichbaimli kauft. 's letscht Johr het's so viehmäßig d'Kräuselkrankheit g'ha, dass ma glaubt hänn, 's wird hii gehn.
Aber des Johr isch's so güät g'wachse unn het bliäjt, als wott's des lätze letscht Johr widder güät mache... Unn was hänge jetzt do Pfirschich druff! Ibber hundertfuffzig hab ich zehlt! Die sinn so schwer worre, dass ma d'Äscht hänn stibbere miän ('s isch sogar einer abbroche, er wachst aber widder, nochdem ma 'ne widder anbunde hänn...)


Unn die Pfirschich! Gääl, groß, saftig unn einmalig lecker!! Wie kaufti üss Italie! Nur leider werre sie jetzt alli uff's Mol reif, so daß ich am Samschdig schun fünf Gläser Pfirschichschnitz iig'kocht hab! So hänn wenigschtens minni Schätzli au noch ebbis devun, wenn sie nägschd Woch widder heim kumme!

Was isch ä eigener Garde scheen, strahlt
De Bischemer

Adventskalender im Summer

Am Mittwoch sinn minni drey Schätzli nach Öschterreich zu de Oma g'floge. Zehn Dag lang bin ich jetzt also Strohwitwer...
Aber damit ich sie nit so arg vermiss het mir de Lukas fir jeden Dag ä Bild g'molt, g'faltet unn mit Wäschklämmerli an ä Schnür g'hängt. Ä Adventskalender fir die einsam Zitt also.
Echt klasse! Wer findet denn sunscht in sinnem Adventskalender schun Bilder wie "Luftballon unn Vogel" oder "Ä Fisch, der wu grad ä Stinker macht"... ???
Unn als ich zu de Lea g'sait hab, dass sie mich jo jetzt alli ällai lehn, do het sie g'meynt: "Aber Dü hesch doch au noch die Karlikatz..." [des isch s'Kätzli vun de Noochberi, die immer bi uns hoggt, will selli in Urlaub isch...], "... die kannsch jo streichle, die isch nämlich ganz kuschelig!"

Also eigentlich bin ich jo versorgt, grinst
De Bischemer

Badischi Agrarterminologie

's letscht Wocheend ware ma jo widder in Ebberschopfe, unn wu ma do so durch die Felder g'fahre sinn isch mir uffg'falle, was fir scheeni Näme mir doch fir des Ziegs hänn, was do so rumwachst.
Wer vunn Eych weiß denn (wenner nit selber Badener isch...), was Welschkorn isch? Do schau her:

Oder Hanstriebili? Düwak, Ritscherli, roti Rahne gitt's au noch... Dann noch Gälrüäbe, Erdepfel unn Peederli.

Kennen'er noch meh' so Üssdrück??, frogt
De Bischemer

Bollehefter

Hit isch do in Rheinland-Pfalz de letschte Schüäldag, do kriege d'Kinder widder Zeyniss... "Bolleheft", hänn mir friäjer dezuä g'sait...
's war immer ä weng komisch, wemma des griäne Biachli bekumme het - au wenn d'Note do drin gar nit so schlecht ware. Aber mit denne "Bolle" dann heim laufe, wu d'Eltern nadierlich als erschtes denooch g'frogt hänn... 's war halt immer ebbis B'sunders.
Ich glaub, ich hab die zwei Biachli (vun de Grundschüäl unn vum Gymnasium) noch irgendwu daheim rumleje...
Witzigerwies fallt ma jetzt grad ii, daß d'Mama 's Fräulein Wieber, minni Grundschüällehrerin, vor kurzem mol widder in Lohr g'sähne het. Unn däbie isch die uns doch vor ibber drissig Johr mit ihrem Dutt uff'em Kopf schun so alt vorkumme...

's schient, als hätt die Ploogerei mit uns sie zäh g'macht, grinst
De Bischemer

Philosophie fir's Wocheend

Ich hab mol ä scheener Text in englisch g'läse, den will ich Eych gern präsentiere. Do isch er, ibersetzt in's Badische:

Zehn Lebensregle
1. Dü kriegsch nur den eine Körper. Ob Dü 'ne gern hesch oder nitt, 's isch Dinner un Dü wirsch 'ne d'ganz Zitt b'halde.
2. Dü wirsch ebbis lehre. Dü bisch in 'ere Ganzdagsschüäl, wu "Läbe" heißt.
3. 's git kei Fehler, nur Lektione. Ma entwickelt sich widder durch Probiere, Fehler un no'mol Probiere. "G'scheiterti" Experimente g'here genauso dezüä wie die wu klappe.
4. Lektione kumme immer widder, bis sie g'meischtert sin. Ä Lektion wird Da so oft in verschiedene Forme präsentiert, bis Dü sie kabiert hesch. Wenn Dü sie kabiert hesch geht's widder zu de nägschd Lektion.
5. 's Lektione lehre hett kai End. 's git kei Lebensabschnitt, wu's kei Lektione gitt. Solang Dü lebsch wird's immer Lektione gää, die Dü lehre müäsch.
6. "Dert" isch niemols besser als "do". Wenn "dert" zu "do" wird, wird's eifach ä anders "dert" gää, well widder besser üssähne wird als "do".
7. Anderi Litt sinn nur Spiegel vun Da selber. Dü kannsch an andere Litt nix möge oder hasse, üsser wenn's ebbis wiederspiegelt, was Dü an Da selber gern hesch oder nit.
8. 's liegt an Dir, was Dü üss Dinnem Läbe machsch. Dü hesch alli Werkzieg wu Dü bruchsch. Was Dü dämit machsch is Dinni Sach. 's isch Dinni Entscheidung.
9. Dinni Antworte sin in Dir drin. D'Antworte uff d'Lebensfrooge sin in Dir drin. Dü müäsch nur lüäge, heere unn vertraue.
10. Des alles wirsch widder vergesse!

Denke mo driber nooch, meint
De Bischemer

Zweipfünderli unn Brausestäbli

Grad ebe isch mir mol widder ä "multisensorischi" Erinnerung an friäjer in Eberschopfe hochkumme:
Dert het's nämlich dänne Lade gäh, wu mir immer s'Brot kauft hänn. In dem Lade ware au drey oder vier Reihe mit Regale (an de riesige Schaufenschter ibber Eck lang), wu ma Nudle, Konserve unn so ebbis kaufe het kinne.
Unn ganz hinde isch's in d' Backstubb gange.
Wichtig war aber ganz vorne die Brot-Thek'. Dert hämmer (mit vier Kinder kai Wunder) fascht immer des große "Zweipfünderli" kauft. So ä riese Üsswahl an Brot wie hitt het's dert jo noch nit gää...


Unn d'Bäckersfrau (so ä stämmigi, rosigi Frau) het dann immer g'sait: "Des macht dann zwei Mark fuccchhhhhzig". Mit langem 'ch'. Des lange 'ch' isch mir am meischte hänge bliebe vun dere Frau...
Un wemma ä weng Daschegeld ibrig g'ha hänn, dann hämmer dert an de Thek au Brausestäbli (à fünf Pfennig) oder Mohrekopfweggli (hitz'dag miäßt's wohl politisch korrekt heiße: Ä Schüümkuss uff'm Zehnerweggli) kauft.
Jetzt ebe hab ich grad des Bild vor mir g'ha, die Stimm im Ohr unn de Geruch vun dem Brot in de Nas. Obwohl's schun ibber drissig Johr her isch!

Ma kinnt fascht ä weng melancholisch werre, stüümt
De Bischemer

Bibbili!

Mir hänn Babies!
Vor etwa zwei Woche hämma g'sähne, daß bi uns in de Gartehitti obe druff uff ä baar Pfoschte, die ich an d'Wand g'lehnt hab, Rotschwänzli ä Nescht baut hänn. Unn brietelt hänn sie au fescht. (Wobei ich jo schun g'frogt hab, ob des ä alleinerziehend's Rotschwänzli isch, will ma sie jo nit so eifach unterscheide kann... Aber d'Sandra het sie au schun beidi z'sämme rumscharwänzle g'säne).

Un geschtern sinn jetzt d'Bibbili g'schlupft! Vier kleini, fascht naggigi Rotschwänzli-Bibbili! Wie goldig! Au wemma viellicht noh nit viel erkenne kann, do isch de Beweis:


Jetzt mie' ma nur aud d'Hiddidiir immer züä lehn, damit d'Noochberskatz des Nescht nit üssrüümt...

Des wird noch ä Lääbe gäh in dem Summer, freit sich
De Bischemer

Generacion Y

Jetzt mol ebbis ganz anders als sunscht:
Schun sither ä Wieli lies ich regelmäßig immä blog üss Havanna mit. Ihr wisse jo, daß ich mich fir alles int'ressier, was mit Cuba z'düä het. Unn der Blog zeigt ebbe (uff ä klari, aber au irgendwie depremierendi Art), wie troschtlos des Alltagslebe dert isch.
Do kamma nur hoffe, daß sich jetzt endlich mol ebbis ändert.
De Obama unn d'"Organisation amerikanischer Staate" hänn jo schun mit "Entspannung" ang'fange, aber 's schient, als wotte de Fidel un de Raúl Castro no nitt wirklich ebbis ändere... Wahrschiens hänn sie z'viel Angscht, daß sie ihri scheen Revoluzion (die ich im Prinzip jo gar nitt so schlecht find... aber was isch in fuffzig Johr drüss worre?!?) jetzt doch fir g'scheitert erkläre miän...

Do, lese selber (uff ditsch, am scheenschte aber nadierlich uff spanisch):
Generation Y

D'Hoffnung stirbt z'letscht, vor allem fir min geliebtes Cuba, meynt trotzig
De Bischemer

Schwiz

Jetzt isch's schu widder fascht zwei Woche her, daß ma in Engelberg ä Kurzurlaub g'macht hänn.
Des war jo sooo scheen, mol widder mit de Seilbahnl uff de Berg z'fahre, dert uff d'Alme zu 'nere Hiddi nuff z'laufe (sogar d'Kinder sinn (mehr oder weniger) tapfer mit g'loffe...), obbe dann Picknick z'mache unn widder nab z'gehn.

Dann noch de güäde Schwizer Käs, ä toller Abenteuerspielplatz zum Floßfahre, Plansche am Wasserfall unn 's regelmäßige Stieliis... was brücht am meh?!?
Nur daß dert alles so viehmäßig diier isch, des schreckt halt ä weng ab...


Aber sunscht: Immer widder gern, resümmiert
De Bischemer

Funky!

Nejlich hab ich ä scheeni Websitt im Internet g'funde, wu ma sinni eigene Fodos künschtlerisch umg'schtalte kann:

www.befunky.com/index.php

Isch echt luschtig, was ma do so alles mache kann. Als Beispiel do emol ä Fodo vum minnene Kids, diesmol als "Comic-Bild":

Do kinnt ma grad Luscht kriege, emol ä ganzi G'schicht z'erfinde unn selber z'moole... Aber die Zitt hab i jetzt grad eh nit...

Brobiere's doch eifach selber mol üss, meynt
De Bischemer

's geht doch!!

Na also, jetzt hänn's d'05er au g'schafft! Uffg'stiege in d'erscht Bundesliga.


Jetzt wird's nägscht Johr also noch spannender, wenn d'Freiburger nooch Mainz oder d'Mainzer nooch Freiburg kumme zum Kicke...

Unn trotzdem weiss ich jetzt schu, wem ich d'Düme drugge wirr, grinst
De Bischemer

Üsserirdischi!!

Üsnahmswies git's jetzt emol ebbis uf Englisch.. Aber ich glaub, des Filmli kamma au verstehn (un sich dribber freie) wemma nit so bewandert isch mit Fremdsprooche:



Viel Spaß unn ä scheens Wocheend wünscht Eych
De Bischemer

Erschtklassig!

Bim Kicke schaue bin ich jo des Johr immer hin- un herg'risse g'sieh zwische Kopf unn Herz...
In de zweit' Liga war's jo lang ä Kopf-an-Kopf-Renne zwischen'em SC un de Mainzer. Unn au wenn d'Mainzer nadierlich ä viehmäßig "symbadischi" Mannschaft sinn (au unni de "Kloppi"), min Herz hängt halt immer noch am SC!
Aber jetzt wu d'Freiburger de Uffstieg g'schafft hänn kann ich jo fir die letschte drei Spiel de Mainzer beide Düüme drugge!

Viellicht klappt's jo sogar mit'm Doppel-Uffstieg,hofft
De Bischemer

Dickkopfkind

Mann, was hett die Lea ä Dickkopf! Sie hett jo schun lang ä eigeni Meinung, was sie morgens anziäge will, oder wänn unn wu sie was mache will...
Aber ganz "speziell" isch sie jo bi'm Ins-Bett-Bringe unn Üssem-Bett-Rüshole. Obends derf nur die Mama sie ins Bett bringe, unn morgens derf nur ich sie 'rüs hole.
Letscht' Woch' het sie also widder "Papi, Paaaapiiii..." g'rüäfe, und d'Sandra isch üsnahmswies' nunder zu ihre. Aber nei, sie het sich g'weigert, mit de Mama zu mir ins Bett z'kumme. Do isch sie lieber ällei in ihrem Bettli liege bliebe, während d'Sandra widder zu mir hoch kumme isch. Unn dann het die Krott tatsächlich noch ä Viertelstund g'wartet, bis ich uffg'stande bin unn zu ihre bin!

Bockig, selbscht wenn's zum eigene Noochteil isch, wundert sich
De Bischemer

Wie scheen...!

Frühlingszitt
Frühling loßt sin blaues Band...
(Mörike, des isch bekannt!)
Aber 's isch jo wirklich so:
Frühlingsluft macht eifach froh!
Ob do echt ä Harfe klingt
Oder nur ä Vogel singt
Isch doch eigentlich egal:
D' Frühlingszitt isch echt genial!



Eifach scheen, die Johreszitt... strahlt
De Bischemer

Daifi

Am Samschdig war jo Daifi vun Svenja unn Nils (de Kinder vun Anke unn Ingo), wu ich Pateonkel bin. ('s het jo fascht noch Streß gä' mit'm Termin, will mir immer mit Sunndig plant hänn, un mehr zufällig vum Ingo den richtige Termin erfahre hänn....)

D' Sandra hett dann in de Kirch Fodos g'macht, unn ich bin jo am Altar bi de Taufkinder g'stande. 's war mir jo schunn fascht klar, daß unsere Kinder nitt ällai uff de Kirchebank hogge bliebe... Also hätt ma glaube kinne, daß nit zwei, sondern vier Kinder daift werre, will Lu unn Le d' ganz Zitt um minni Bai' rum scharwänzelt sinn...
Hinderher hett's noch Iis gä' (Riesebecher fir uns, ä Kugel uff de Waffel fir Lu unn Le), unn dänooch (war jo au ä Graßmann-Event...) massewies Fleisch vum Grill im Garde...

Scheen, daß des alles so locker war, unn kei so stiffi Daifi, freit sich
De Bischemer

Stilli B'süacher

Achtung, uffbasse! Jetz geht's um Eych!
De B'süacherzähler links zeigt's jo dittlich, jede Dag kummt ebber (oder meh') uff die Websitt, aber in denne ganze anderthalb Johr, sither ich do minni G'setzli uffschrieb isch erscht ei einziger Kommendar iitrage worre!
Do defir gitt's extra so ä Knepfli unter jedem Iitrag, aber 's schient, als däden'er Eych scheniere...
Nur kei' Angscht, wenn Eyer Hochditsch nit sicher g'nüä isch, Ihr wisse doch:


Oder isch des Problem ehnder andersch rum???, frogt
De Bischemer

P.S.: ... dann gilt nadierlich: www.youtube.com/watch?v=XM_d_WtPfcc

Audo im Oschterfier???

Des hert sich jetzt wahrschiens wie ä erfundener Kindermund-Witz an, isch aber echt bassiert und irgendwie au typisch fir unser Lukas:

In de Oschternacht simma vor der Kirch g'stande, wo de Pfarrer s'Oschterfier g'segnet het. Uff eimol frogt mich de Lukas halblütt in dere stille Rundi: "Babba, wu isch denn do ä Audo??"
Ich hab nadierlich nitt g'wißt, was er will, und hab g'frogt, wie er jetzt uff ä Audo kummt. Do het er g'meint: "Aber der Pfarrer het doch grad g'sait: 'Er isch des Alfa unn des Omega'..."


Ällai fir denne Satz hätt ich 'ne knutsche kinne, strahlt
De Bischemer

De Has jage...

Ibber die Fierdig simma endlich widder mol "daheim" g'sih. (Eigentlich komisch, daß es mir nach so viel Johr immer noch schwer fallt, Eberschopfe anderscht z'nenne, obwohl "daheim" jo schun lang Bischem isch... Die Wurzle vertrockne schiens wirklich nit!

Jedefalls war de Hauptgrund fir denne B'süach in Eberschopfe, mit Lu unn Le bi Oma, Obba, Dande unn ihrem ganze Anhang "de Oschterhas z'jage".
Nadierlig het de Lukas die ganze Versteck im Garde ratzfatz g'funde, alli Päckli üsspackt unn mich dann g'frogt: "Babba, well G'schenkli isch denn noch fir mich??"
Des Blede war nämlich, daß er zwei Dag vor Oschtere s'erscht Mol lütt sinniert het: "Viellicht bringt mir de Oschterhas jo ä Mercedes A-Klass...??"
Aber do ware ä Roller, ä Vorlesebüach und des ganz klei Zeygs drumrum schu' kauft un iipackt.
Mensch, was war der Kerli g'knickt! "Immer krieg ich nur Zeygs g'schenkt, was ich mir gar nitt g'wünscht hab..!", het er g'hiielt... Sogar am nägschde Morge het er des noch ämol de Lea verzehlt, will SIE jo angeblich all des bekummt, was sie will!
Blieb wohl nur d'Hoffnung fir'en, daß'em d'Oma Elfi üss Hamburg so ä Audoli mitbringt...

Sunscht war's ä lätz' Oschtere, glaubt
De Bischemer

Die Zitt rast!

Kinder, ma sott's nit glaube, wie schnell die Zitt vergoht! Jetzt geht min großes, kleins Maidli au schun in de Kindergarde!
Hitt hab ich zum erschte Mol de Lukas UNN d'Lea in d'Kinderschüäl broocht! Unn wenn ich denk, wie schiibittlig de Lukas am Anfang war... Do isch die Lea aber ä anders Kaliber!
Noch nitt mol richtig d'Schlappe an, schun isch sie in de Grupperaum marschiert unn het ihri Dasch verstaut, während ich noch de Lukas versorgt hab...
Ich bin jo mol g'spannt, ob des au so bliebe wird, aber uff jede Fall het si momentan ä Mordsfreid dran, in de Kindergarde z'gehn...


Ja,ja, so schnell werre die Küke flügge, sinniert
De Bischemer

Cuba, mi amor!

Ich hab's eych angedroht, jetzt git's Details zum Cuba-Urlaub:


In Holguin isch nit viel los
bis uff's "Lebe uff de Strooß".
Wir mit Buggies unn de Kids
Mittedrin: Die war'n die Hits!
Leider wurd die Lea krank,
"Nur" die Gripp.. dem Herr sei Dank!
Drum isch immer einer nur
mit dem Lukas ab uff Tour.


Mit'm Bus ging's trotzdem, hey,
Widder dann nach Camagüey.
Was ma nit erlebe muß
Isch ä B'süach im Krankehuus!
Trotz dem Fahrradtaxi-Fahre
War's de Horror! Ja, mir ware
Wege Lea dert zu viert...
Immerhin, sie wurd kuriert!


Also nix wie los, uff Tour!
Fir ei' Ibernachtung nur
Hin nach Sancti Spiritus
(Drei Stund' widder mit'm Bus).
Trinidad isch nit so witt,
Bloß ä Bus "am Tag" fahrt nit.
Doch fir CUC- (kei Peso-) Schien'
Fahrt au gern ä Taxi hin!


Unn was git's in Trinidad?
Kopfsteinpflaschderstroße satt!
Mit'm Taxi an de Strand,
unn dann Pizza satt, uff d'Hand!
Jede Dag ä großes Iis,
nur der Nepp war dert oft fies.
Wu so viel Tourischte sinn
Langt halt jeder gern mol hin!


Nach Havanna mit'm Bus
(bled, daß d'Lea kotze muß...)
Doch die Stadt, Du glaubsch' es nit,
Isch nur Streß, unn doch de Hit!
Lärmig... dreckig... wunderscheen!
Ma will furt unn doch nit gehn!
Altstadt, Autos, Malecón,
Mensch, do draimsch noch lang devon!


In Viñales, oh wie scheen
Kamma endlich "Landschaft" sehn!
Großi, dicki Kalksteinhubbel,
Allerorts steht so ä Knubbel!
Roter Staub uff alle Strooße
(...unn mit Kinder: Uff de Hose -
Der isch sicher jetzt noch drin!)
Trotzdem will ich widder hin...


Leider (des isch immer dumm)
War der Urlaub dann schu' rum.
Rucksack packe, s'Herz wird schwer,
Heim will jetzt jo keiner mehr.
Selbscht die Kinder, daß Ihr's wißt
Hänn nix vun daheim vermißt!
's hilft jo nix, ma muß retour,
's ware halt drei Woche nur!



Selbscht jetzt isch Cuba noch intensiv im Kopf wie selte ebbis, schwärmt
De Bischemer

Cuba-Virus

Ich hab's iberall g'lese, aber ich hab's nit so richtig glaube welle, daß ma sich in Cuba mit dem Virus infiziert unn dann immer widder dert hin z'ruck will...
Abba jetzt isches bassiert, mir hänn uns au alli den Cuba-Virus g'holt!
Des war mit Sicherheit einer vun de scheenschte Urlaube, die ma je g'macht hänn!! Die Kombinazion üss Rucksack- unn Familie-Urlaub, des Land, die Litt, die ganz Stimmung, unn wie's au de Kinder g'falle het: Eifach einmalig!!
Unseri zwei Knepfli ware jo eh die Stars do unde, alli Litt sinn fascht g'schmolze bi ihrem Anblick... des hett denne nadierlich au g'falle, vor allem de Lukas isch richtig ufftaut, er schwätzt inzwische sogar schun ä bar Brocke Spanisch...


Demnägscht mehr vun Cuba, jetzt abber erschtmol gnüä, bremst
De Bischemer

Lehrer underwegs??

Als Kind hett's friejer immer ä Spruch gäh, mit dem ich nix anfange hab kinne. Minner Babba hett machmol g'sait: "Wenn alle Stränge reißen, dann...". Aber will bi uns halt badisch g'schwätzt wore isch hab ich immer verstande: "Wenn alle Strenge(n) reisen, dann..."
Unn ich hab mich immer g'frogt, was der Nebesatz demit z'düen ha soll, ob strengi Litt (Lehrer unn anderi) verreise oder nit...

Ä "Strang" hett's bi uns sunscht nämlich nit gäh, des war ä Schnür, ä Seil, viellicht noch ä Strick oder ebbis Ähnlichs... Wie soll ä Kind des denn dann au wisse??
Was hett des düürt, bis ich des endlich verschtande hab!

Abber wenn alli Sträng risse, dann kinne ma jo immer noch hochditsch schwätze, grinst
De Bischemer

Zweitausendnien

Jetzt simma also schun widder zwei Woche witt im neje Johr drin... Ma sott's jo kühm glaube, aber de Johreswechsel isch schun widder so witt weg! De Alltag hett uns widder!
Des scheene am Januar isch jo, daß jetzt de Winter normalerwies heller unn klarer isch als im November / Dezember. D'Nächt sinn schun widder äweng kirzer, unn morgens unn obends isch'es widder um einiges länger hell.
Do kamma au kalti unn verschnejti Däg genieße, unni daß ma zipfelsinnig wird.


Also, Motto: "Durchhalte, 's goht uffwärts!", riäft lütt
De Bischemer

Was wär wenn...

An Wiehnachte simma jo in Öschterreich, aber wemma daheim wäre, dann däd's wahrschienlich so ablaufe:


Wiehnachtsstimmung
Vier Kerze brenne uff 'em Disch
Will 's de viert Advent halt isch.
D' Adventskalender sinn schu' leer,
Schun lang gitt's kei Schok'lädli mehr!
Zum Kaffee frischer Epfelküache,
Unn Zuckerbredli zum versüache.
Orasche-Duft im ganze Raum,
Unn d'Lea strahlt zum Wiehnachtsbaum!

Unn isch es Heilig-Obend dann,
schaut jeder sinni Päckli an.
Ma schittelt, schniedet uff unn zupft,
De Rescht Babier wird abgerupft.
Was mir zwei kriege, isch nit wichtig,
Hauptsach, die Knepfli strahle richtig!
Vor Freid het keiner sich im Zaum,
Unn d'Lea zupft am Wiehnachtsbaum!

Dann spiele d' Kinder mit de Sache...
Was kinne G'schenk' fir Freude mache!
Sie renne hin, sie renne her,
Jetzt bremst sie wirklich keiner mehr!
Sie gigse, schreie, hopse rum,
Ihr ahnt es schun, glich keijt ebbs um...
De Lukas schnapp' ich noch am Saum,
Doch d'Lea kippt de Wiehnachtsbaum!

Na ja, es isch nix schlimm's bassiert,
Jetzt singe ma e Lied zu viert:
"Sankt Martin" isch de Favorit,
Okay, dann singe ma halt mit...
Mir "derfe" dann de Disch noch decke
Derwilscht die Kinder sich verstecke...
Des Feschttagsesse isch ä Traum!
"Lea, blieb weg vum Wiehnachtsbaum!!"

Dann endlich wird's daheim mol still,
Au wenn noch keiner schloofe will.
De Lukas schaut ä Büach noch an,
Unn hofft, daß er ball lese kann.
Sogar si' Schwester hert ihm züe,
Unn kummt so langsam au zur Rüe.
Ich strich' ihr zärtlich ibber'n Flaum,
Denn d'Lea schlooft am Wiehnachtsbaum!


Frohes Fescht, wünscht Euch
De Bischemer

Vorsorglich...

Uff de Berg sieht's jo im Moment gar nit so schlecht üss, aber die Vorhersage fir Wiehnachte sinn jo schun ehnder widder griän als wiss. Deshalb:

Warnung
He, Frau Holle, was isch los,
Wo sinn dinni Flocke bloß?
Isch an Wiehnacht alles griän
Wer' ma mit Dir schimpf miän!
Schneemann, Iis unn roti Nase
Well' ma nit vum Oschterhase!
Schnee uff uns'rem Wiehnachtsbaum,
Wär doch widder mol ä Traum!
Also los, jetzt zier Dich nit,
Daß es wissi Wiehnacht git!


... aber mir sinn an Wiehnachte jo eh in Öschterreich, do dirfte ma mit Schnee (bzw. Schneemangel) jo hoffentlich eh kei Problem ha, grins

De Bischemer

Rucksackurlaub

Jetzt hämma also de erschde Rucksackurlaub mit de Kinder vor uns... Ende Januar fliege ma nach Cuba, wu ma zwei-ä-halb Woche durch's Land reise welle. Vun Holguin im Süde bis nach Havana, vun dert fliege ma dann widder heim.
Klar isches spannend, wie die zwei Kleine 's Reise vertrage were, aber uff Cuba git's jo zum eine viel scheni Stränd zum sandspiele, und fir de Lukas ä Hüffe tolli Oldtimer zum anschaue.
Mir hänn vor, möglichscht oft mit'm Zug z'fahre, damit die zwei nit nur still uff'm Sitz hocke miän, unn ganz so viel Stazione wie ällei werre ma halt au nit anpeile kinne.
Aber wenigschtens isch des de erschte "echte" Rucksackurlaub, sither d'Sandra un ich uns vor sibbe Johr in Peru uff de Machu Picchu-Tour kenne g'lernt hänn.

Des isch echt mol widder Zitt wore, sinniert
De Bischemer

New York

Jetzt simma also mit'm Babba in New York g'si. Isi, Reini unn ich.


Des hämma ihm jo alli zum 70'schte Geburtstag g'schenkt.
Am Dunnerschdig simma hin g'floge, unn vom Hotel obends glich noch mol zum Times Square. Was fir ä Lichtermeer un Gewusel!
Am Friddig hämma dann ä Bootsrundfahrt um Manhattan g'macht, immer mit ä weng Nebel, aber zum Glück het's erscht am End zu'zoge.
Am Samschdig simma durch d'Stadt g'laufe, hänn Ground Zero, Wallstreet, Central Park unn so widder ang'schaut, un hänn obends s'erscht mol d'Spitz vum Empire State Building üss de Wolke rüslüege sähne (darum halt au "Wolkekratzer"...)
S'riesige Macy's Kaufhüüs isch jo direkt um d'Eck vun unserem Hotel g'sie, aber do drin kamma sich jo verlaufe, des war nit so ganz unser Ding...
Am Sunndig dann war endlich sunnig, also nix wie nüss uff d'Brooklyn Bridge, unn obends uf's Rockefeller Center, Top of the Rock.
Was ä geili Üssicht ibber die ganze Hochhieser, unn mitte drin s'Empire State Building... Mir sinn obbe bliebe bis es dunkel war, do het ma richtig tolli Fotos mache kinne.


Mändig dann noch mit'm Bus durch Uptown (Westside, Harlem, ...), dann z'ruck ins Hotel unn ab zum Flughafe, will obends de Flieger widder gange isch.

Des war's in Kurzform, nadierlich hämma noch viel Sache drumrum g'säne, nur des g'mietliche Beobachte vum New Yorker Alltag isch ä weng kurz kumme. Kamma bi'm erschte Besuch in so'nere Stadt aber wahrschienlich au nit erwarte.

Alles in allem hämma viel Spaß g'het, unn vor allem de Babba war hin un weg von dere Stadt...


Des war's Geld uff jede Fall wert, strahlt
De Bischemer

Kinder im Herbscht

Als Erwachsener het ma jo am Herbscht nit so viel Freid, do ärgert ma sich jo meh ibber Räge, Nebel un die kurze Dag... vun kalte Fiäß, allewil laufende Nase unn Erkältung gar nit z'rede! Aber Kinder sinn do ganz anderscht:

Herbschtfraid
Gibt's im Herbscht doch tolli Dinge:
Mit zwei Fiäß in d'Lache springe,
Kilowies 'es Lauf uffhebe,
Unn dann bunti Bilder klebe.
Dann noch ä Kaschtanie-Pferd,
Unn Kakao, noch warm vum Herd.
Epfel, Nuss unn Triebel satt,
Isch es windig: Ab uf d'Matt,
Unn de Drache stiege lehn...
Ach, isch's Kinderlebe scheen!

Manchmol sollt ma sich (im übertragene Sinn) eifach vun sinne Kinder anstecke lehn, grinst
De Bischemer

Herbschte

Jetzt im Herbscht fallt mir immer widder b'sunders uff, was fir Spezialbegriffe mir im Badische henn. Do bi uns in Rheinhesse sinn d'Winzer jetzt au widder aktiv, aber den Wortschatz von daheim hert ma do nit:
Es wird g'herbschtet (Triebel g'erntet), dann g'rätscht und entrappt (zerquetscht unn d'Stiel entfernt), in de Trott (Kelter) de Saft üspresst, damit ma hinterher de neje Siäße, Risser oder kratzige neje Wiin (je nach Vergärungsgrad) trinke kann...

Scheen, wemma sinni "Droge" im eigene Keller het, grinst
De Bischemer

Dscho Kocker

SWR1 macht im Moment bi uns Werbung mit dem Motto: "Ausgesprochen gut". Un 's allererschte Plakat, des ich g'säne hab het groß "Dscho Kocker" druf stehn g'ha.
Was hab ich g'lacht, will genau den Dscho Kocker macht d'Lea im Moment immer nooch. Ang'fange het's demit, daß sie D'Ärm, Hals un G'sicht verkrampft het, daß sie üssieht wie de Joe Cocker bi sinne Konzerte.


Unn will mir so g'lacht hänn fangt sie jetzt immer widder an, ruft "Dscho Kocker" und macht die Grimasse! Ich kinnt mich jedes Mol in 'd Eck schmisse!


De Lukas macht des jetzt au schon nooch (schiens sogar im Kindergarde), aber bi ihm sieht's irgendwie nur halb so luschtig üss.

Des sinn halt so kleini Highlights im Alltag, grinst
De Bischemer

Triathlon-Filmli

...hab ich üss Platzmangel g'löscht, wer sie will kann sich jo bi mir melde...

Die do gitt's:

Andi kumm üssem Wasser

D' Mutzels nooch de erschte Wäsche vum Johr

Seahorse, ä lebender Treibanker

Zwei Radler

Kai und Ralf am End (vum Triathlon)

Triathon-Groupie

Am Wocheend bin ich jetzt zum erschte Mol als "Groupie" bi unserm traditionelle Eberbacher Triathlon däbi g'si.
Sither de Kai un ich 1999 demit ang'fange hän hämma jo mit verschiede große Gruppe mitg'macht, ich glaub s'meischte ware mol sibbe Einzelni un ä Staffel. Vun de "Supporting Crew" gar nit zu rede...
Diesmol also war ich mit'm Lukas nur zum Anfeuere hing'fahre, un nadierlich het's am Samschtig obend mol widder g'rägelt. Aber dank Plane vor'm Bulli unn dichtem Zelt simma eigentlich nit naß wore.
Am Sunndig morge dann: Kalt, neblig, de Neckar braun wie immer... ich hab mir gar nit vorstelle kinne, daß ich des so oft mitg'macht hab.
Jedefalls hänn sich die vier Kämpfer (Kai, Ralf, Kjörn und Andi) dann (mehr oder weniger) tapfer g'schlage, un ich hab g'merkt, was fir ä Zuschauerstreß es isch, wemma in de Wechselzone rechtzittig alles fotografiere will und eigentlich gar nit zum frühstücke kummt ;-)
Aber schen war's! Vor allem, will dann doch noch d'Sunn rüßkumme isch, un mir nooch em Wettkampf g'mietlich grillt un g'veschpert hän.





Die sinn gar nit so schlimm, wie ich immer mach(...), grinst
De Bischemer

Peking-Oper

Jetzt war ich jo zwei Woche daheim bi de Kinder, damit d'Sandra au mol widder schaffe un ebbis anders sehne kann als nur Windle und Kindergarde.
Eins muß ma sage: Kei anderer Urlaub macht de Kopf so frei vum Büro-Streß, eifach will ma gar kein Zitt het, an ebbis anders z'denke.
Wie an dem eine Nohmittag, als die zwei plötzlich still in Lukas' Zimmer verschwunde sin. Schen, hab i denkt, kannsch mol ä Heftli durchblättere. Bis i de Lukas sage her: "Ha, schau mol, wie din Arm jetzt üssieht!"
Ich nix wie hin, un mich trifft ball de Schlag: Hänn die zwei ä Penaten-Dos g'funde, und de Lukas het de Lea s'Gsicht dick mit dere Creme i'gschmiert! Sie het echt üsgsene wie üs de Peking-Oper, so käswiss g'schminkt!
Trotzdem hab i sie erscht im Bett sitze lo (war jetzt jo eh egal), schnell Fotos gmacht un dann ab in d'Badwann. VIER mol hab ich de Lea d'Hoor gwäscht, bis des Zigs halbwegs druss war!
De Rescht war dann nur noch halb so schlimm, do defir git's jo ä Wäschmaschin.


Aber ma glaub nit, wie viel Bledsinn in den kleine Kepfli steckt, wundert sich
De Bischemer

Rothaus

Eigentlich hert sich "Rothaus" jo wie ä Mischung üss Badisch un Hochditsch an, sollt ma meine. Wemma an die Alternative "Rothuus" oder "Rathaus" denkt, also de Platz, wu de Burgermeischter sin Büro hett.
Iig'weihti (und des sin inzwischen au immer meh "Unsymbadische") kriege aber bi dem Wort "Rothaus" glich strahlendi Auge, will des de Name vun unsere badische Staatsbrauerei isch!
Un dene ihr "Tannezäpfli" isch inzwische schun in ganz Ditschland un driber nüß bekannt un begehrt! Vor kurzem hab i sogar in Italie ä Tannezäpfli-Schild annere Wirtschaft g'säne!
Was die Unsymbadische aber normalerwiis nit wisse, des isch de Name von dem Maidli uff de Rothaus-Flasche. Des isch nämlich die Biergit! Warum? Ganz eifach: Will si's isch, die's "Bier git"!
Wu anderscht hab ich au schun g'hert, daß sie "Biergit Kraft" heißt, abg'leitet vun dem philosophische Satz "Bier git Kraft"!


Wie auch immer, jetzt hab i Durscht, stüümt
De Bischemer

Italie

Jetzt simma widder üs'm Urlaub z'ruck. Vun Kärnte simma mol widder nunder g'fahre ans Meer, wenn au nit so lang. Mit kleine Kinder isch's Klima in Öschterreich eifach angenehmer als die Affehitz dert unde... Un trotzdem het Italie fir mich immer noch deutlich meh Urlaubs-Flair...!
Eigentlich ware ma jo in Caorle, de Name vom Nochbar-Ort klingt aber eifach meh nach Urlaub, find ich...:

Bibione
Heißer Sand un salzig's Wasser
(Nix fir unseren Wasser-Hasser...)
Muschle sammle, Burge baue,
Immer nooch de Kleine schaue...
Sunneschirm unn Isomatt,
Mann, wie macht die Sunn dich platt!
Nitt nur in de Mittagshitze,
Au noch nachts im Zelt kannsch schwitze!
Mortadella, Iis uf d' Hand,
Un dann nochmol an de Strand!
Des isch Urlaub, wie er soll,
Adria isch eifach toll!


Im Rückblick vagißt ma gern de Streß im Urlaub, weiß
De Bischemer

Kirscheblotzer!

Hmmm... Jetzt sinn jo langsam widder die Kirsche (oder wie de Badener au sagt: d'Griäse) reif, dann kamma endlich widder den leckere Küache mache: Kirscheblotzer!
Jeder hett wahrschienlich ä ander's Rezept, uff jede Fall sinn aber ganzi Herzkirsche drin (mit Stein), un Schokolad oder Kakao muß dezu.
De Rescht vum Rezept kann ma sich üssem Internet runterlade, unn ruckzuck kann ma den saftige, würzige, fruchtige, Kurz: De beschte Kirschküache vun de Welt esse!

"Ä güada" wünscht
De Bischemer

Hopp Schwiiz!

Kurz vor de Fußball-EM simma jetzt noch schnell in Urlaub in de Schwiiz g'si.
Des Berner Oberland mit dene hohe Berg un de Däler mit den Wasserfäll isch eifach wahnsinnig scheen!

Unter anderem simma mit de Zahnradbahn nuff uf d'Klei Scheidegg g'fahre, un vun dert widder runder g'wandert nach Grindelwald. Tausend Höhemeter bergnab, un des Ganze mit dem Luki in de Buckeltrage un de Lea im Kinderwage.
Entsprechend hämma am nägschde Dag au ganz scheen Muskelkater g'ha, aber g'lohnt het sich's uff jede Fall - vor allem, will ma an dem Dag so ä Glick mit'em Wetter g'ha hänn. Strahlender Sunneschiin, nit wie an de Dag devor un denooch widder diesig und drieb.
Un dert hämma eh Bern ang'schaut un ä Bootsfahrt g'macht, do war's nit so schlimm...


Wahrschienlich hämmer des scheene Wetter halt eifach verdient, strahlt
De Bischemer

Sardinie

Jetzt ware ma also ä Woch uff Sardinie. Un wie schen 's doch isch, wenn ma sich amenorts schun üskennt! Kei Sightseeing-Streß, kei Suche nach Supermarkt oder Café... Brucht ma au nit, wenn ma mit zwei Kinder eh schun g'nug z'organisiere hett.
Eifach morgens g'miedlich frühstücke, Kinder unn Spielsache inpacke un ab an de Strand! Dert sinn die zwei jo eh beschäftigt mit Burge baue, Sand schüfle un baggere, un Baba un Mama henn au mol ä baar Minute Zitt fir sich!
Mit Städtli bummle, Iis esse, Spielplatz un kleine Spritztoure mit'm Mietwage war die Woch au widder ruckzuck rum.


Aber soooooo erholsam, stüümt
De Bischemer

Erschdi Schritt...

So langsam fangt d'Lea an, ihri erschde Schritt ällai z'mache. Vor ä paar Däg het sie sich selber ä Paar rosaroti Schühli usg'sucht, unn mit dene stakst sie jetzt mol meh, mol weniger mutig durch 's Wohnzimmer. Nadierlich plumpst sie noch vielmol hin, aber do defir het sie jo die dicke Windle an. Quasi ä Airbäg am Fiedli :-)

Un wenn's dann klappt, daß sie ä paar Schritt witt kummt, dann gigst sie vor Freid! Nur wenn's schnell gehn soll (zum Beispiel will de Baba heimkummt), dann geht sie schnell uf d' Knie nunder unn flitzt los, will 's Krabble halt immer noch schneller geht als 'es Laufe...


Jetzt wird die Zitt mit Lea noch turbulenter, weiß
De Bischemer

April, April

Mol rägelts, mol brennt d'Sunn uff's Hirn
Mol schneit's, isch kalt, daß alli frier'n,
Ma merkt sofort, es isch April,
Der macht mol widder, was er will!
Ich will mich sicher nit beschwere,
De Herrgott macht's (in alle Ehre!)
Unn 's Wetter het wohl auch sin Sinn,
Zum Glück spuckt do de Mensch nit rin!

Vier Woche April hämmer noch vor uns, weiß vorsichtig
De Bischemer

Bobby Car

De Lukas fahrt mit 'm Bobby Car
Wie Evel Knievel, nur in klein,
Unn auch die Lea fangt schun a',
Zurück unn vor, un ganz allein.
Die beide rote Flitzer do
Die ratt're lütt uff de Terrass,
Vier Kinderauge strahle froh,
Ma sieht genau, des macht 'ne Spaß!

Endlich kamma widder in de Garde gehe un d'Kinder renne lehn, schnuuft
De Bischemer

Frühling??

Isches echt noch Mitte Februar, frogt ma sich, wemma jetzt iber d'Felder lauft??
D' Vegel pfiffe schun widder um d' Wett, unn d'Krokuss strecke ihri Köpfli mutig de Sunn entgege.
Sogar d'Hase hopse uff'm Acker schu widder wild um enander rum. De Frühling isch zwar noch nit wirklich do, aber wemma tief Luft holt, dann kamma schun rieche, daß de Winter verlore hett.

Bin mol g'spannt ob er sich nommol uffbäumt, sinniert vorsichtig
De Bischemer

Bettschlupfer un Betthopser

Isch des Wort "Betthupferl" jetz eigentlich hochditsch?? Egal, jedenfalls wird's au im Hochditsche verwendet... Wenn ich momentan aber bi uns daheim die Kinder anschau, dann sieh ich kei Betthupferl, sondern ä Bettschlupfer un ä Betthopser:
Fascht jede Morge, so zwische fünf un sechs, kummt de Lukas schtill un heimlich die Trepp hoch g'schliche, het meischtens noch de ganze Arm voll Kuscheltierli, unn steht bi mir nebe 's Bett. Wenn ich ihn dann hör lupf ich d' Bettdeck, un ohne ä Wort z' sage schlupft er bi mir ins Bett un schloft widder...
Die Lea, die wird im Moment allerdings meischtens zwische sechs un halb sibbe wach und hopst dann in ihrem Gitterbettli rum. Dezu ruft sie dann immer "Mama" oder "Baba" un freit sich wie ä Schneekönig, wenn einer vun uns zu ihr kummt. Allerdings isch sie dann oft au noch so mied, daß sie nur ä Schobbefläschli will, mit dem sie dann selber widder hinliegt un nochmol inschloft...


Was hämmer doch für liebi Kinder, strahlt
De Bischemer

Fasent oder was??

Geschtern war jetzt jo "Altweiber", wie's in Mainz un drumrum heißt. Bi uns daheim war des immer de "schmutzige Dunnschdig", unn genau wie die underschiedliche Name sinn auch die Tradizione im Alemannische ganz anderschd:
Erschtmol gitt's am Schmutzige de Hemmeglungere-Umzug, wu alli mi Nachthemde, Schlofkappe unn Ähnlichem rumlaufe und am Schluß Bohnesupp verteilt wird.
Dann sinn nadierlich die "Koschtüme" was ganz anders, tradizionell gibt's nämlich Häs un Larve. Des sinn die historische Narreverkleidunge mit g'schnitzte Holzmaske.
Unn die berühmt-berüchtigte alemannische Hexe sinn inzwische jo sogar im Mainzer Rosemontagszug ankumme :-)
Alles in allem isch die alemannische Fasent halt viel "uriger" als die Meenzer Fassenacht, aber trotzdem werre mer am Mändig groß feiere...

In dem Sinn: Helau (oder Narri Narro), ruft
De Bischemer

Kinderschul

Jetzt kummt unser Lukas also ball in de Kindergarde. Bi uns het des aber nie Kindergarde, sondern Kinderschul g'heiße.
An was ich mich noch am beschde erinnere kann, des isch des Kinderschuldäschli un die Trinkflasch, die mir do immer um de Hals hänge g'ha henn.
Des Däschli war üs Leder (glaub ich jedefalls) mit 'ere Schnall dran, do war dann immer des Veschperbrot drin. So ebbis wie Milchschnitte oder KinderPingui het's domols jo no'nit gäh!
Un minni Trinkflasch war üs wissem Plaschdig mit eme griene Becher als Deckel, die het ma mit 'nem griene Plaschdigbändel umhänge kinne.
Mmmmh, wie guet het immer der Apfelsaft g'schmeckt üs dem griene Becher!!

Ich bin jo mol g'spannt, ob de Lukas au so Erlebnisse mit'm Kindergarde verbinde wird, sinniert
De Bischemer

Ä stilli Woch', ällai daheim!

Strohwitwer
Ällei im Hüs, un keiner ruft,
's isch still unn leis', kei Miesli schnuuft.
Die Bubb schaut mich nur traurig an,
Kei Mucks macht Luki's Iisebahn.
Ä ganzi Woch' war keiner do,
Doch ball isch 's rum! Was bin ich froh!

Morge kumme mini "G'steller" us Öschterreich z'ruck, freut sich
De Bischemer