Des isch...

Warum - fallt mir grad in - hänn denn die Hochditsche so Probleme mit dem Badische?
Ich denk grad an Frosch unn Borg, zwei Hamburgerinne, die ich emol kennt hab... (lang isch's her!). Wie oft hämma denne zwei g'sait, daß es "des isch" heißt, unn immer sinn sie wieder mit "desch iss" z'ruck kumme...
Manchi lerne's halt nie - meint kopfschiddelnd

De Bischemer

Noch ä Gedicht...

Jetzt wird's abber mol Zitt, daß au mol ä g'reimtes Gedicht uff badisch kummt:

Fir Lea
Jetzt liegsch Du nebe mir im Bett,
Die Hoor so weich, des G'sicht so nett,
Mir kuschle z'samme unentwegt,
doch nur, bis d'Mama sich dann regt!


Fröhliches Z'sammekuschle wünscht
De Bischemer

D'alemannisch Wikipedia

Do hab i letschtlich ebbis netts im Internet g'funde, was au zu minem Blog basst: D'alemannisch Wikipedia. Des isch ä Internet-Lexikon (fir alli, die mit dem Wort "Wikipedia" nix anfange kenne...), aber uff alemannisch. Es isch zwar manchmol nit so einfach z'lese, aber dodefir macht's umso meh Schpaß.
Des isch de Link defir:

http://als.wikipedia.org/wiki/Houptsyte

Nadirlig isch des Alemannische do drin nit immer s'gliche wie minner badische Dialekt, eifach will ma jo au in de Schwiz unn im Elsass alemannisch schwätzt, aber wu sunscht kamma schun im Dialekt nochlese, was ä IP-Adress isch oder wie s'Normalnull definiert wird?!?
Also, siehsch... ;-)

Viel Schpaß bim Schtöbere wünscht
De Bischemer

Lieblingswörter

De badische Dialekt isch jo meischtens sogar fir die Persone "symbadisch", die 'ne nit verschtehn.
Nit umsunscht het schun vor viele Johre in Hamburg die Sekretärin von minnere Praktikantefirma zu mir g'sait: "Ihr Dialekt ist ja zuuuu süß!" Aber verschtande hett sie sicher nur d'Hälfti vun dem, was i g'sait hab...

Des het sicher nit nur mit dene einmalig scheene Wörter z'due, die's bi uns git. Aber ä paar vun minne Lieblingswörter will i jetzt emol uffschriebe:

- Sunnewirbili
- Striiwili
- kääb
- Hamberli (isch des eigentlich noch "politisch korrekt"??)

Wenn mir noch anderi iifalle, dann schrieb ich sie uff. Aber fir hit isch des widder mol alles vum

Bischemer

Blog vun de Badisch Ziddung

Eigentlich bin ich jo erscht durch den Blog vun de Ulrike Derndinger in de Badisch Ziddung druf kumme, au so ä Blog anz'lege. Des isch de Link:

http://blogs.badische-zeitung.de/alemannisch/

Leider het die Ulrike momentan kei Zitt meh, an dem Blog widder z'schriebe, aber die bisherige Artikel sinn eifach scheen...

Aber jetzt gibt's jo widder a Blog uf Badisch im Internet... nämlich den vum Bischemer!

Ä Herbschtgedicht

Au wenn's noch Oktober isch:

November
D'Rebe hebe d'Blätter fescht
Fascht wie Kleidli, rot un gelb,
Will de Herbschtwind an 'ne zupft.
's wird nix helfe -
Bald schun stehn sie
Nackig do.

Selli Schell...

Zum Anfange schrieb ich jetzt eifach emol des Sprüchli hin, was minnere Frau so guet g'fallt und was so typisch badisch isch:
"Schelle Sie nit an sellere Schell, selli Schell schellt nit! Schelle Sie an sellere Schell, selli Schell schellt!"
Iwersetze kann unn müeß ma das nit, wer's nit versteht brucht's au nit!

Also dann, bis demnägschd,
De Bischemer

"Hallo" (oder besser "Salli"?!?)

Also... des isch jetzt de erschde Indrag in minner neje Blog... unn fir alli, die mit dem Text nix afange kinne: Des isch BADISCH!
Erscht mol will ich mich vorschdelle: Ich bin in Offeburg im schene Badnerland gebore, inzwische aber nooch einige Schtazione in Bischem heimisch wore. Des liegt noot bi Mainz, also viehmäßig witt weg vun Bade, wenn ma's patriotisch sieht.
Ich bin zwar schun ganz scheen rumkumme in de Welt (alli Kontinent schun g'säne), und mini Frau isch au Üsländerin (üss de öschterreichische Alperepublik), aber min Herz hängt halt immer noch am Badnerland! Soll jo au so sieh!


Also dann, schaue ma mol, wie viel Badisch der Blog in Zukunft vertrage kann...
Adje fir's erschte!

De Bischemer